ព័ត៌មានជាតិ
ទិញដីមួយកន្លែង រុករកឃើញទឹកធ្លាក់ធម្មជាតិចៃដន្យ ក្លាយជាតំបន់ទេសចរណ៍
ខេត្តបាត់ដំបង÷ “ទឹកធ្លាក់តាថេង” គឺជាឈ្មោះទីតាំងកម្សាន្ត១កន្លែងដែលខាងមន្ទីរទេសចរណ៍ខេត្តបាត់ដំបងបានកំណត់ឈ្មោះជាគោលដៅសម្រាប់ភ្ញៀវទស្សនាកម្សាន្ត។
តាមការបញ្ជាក់ពីមន្រ្តីនៃមន្ទីរទេសចរណ៍ខេត្តបាត់ដំបងបានឲ្យដឹងថា ទីតាំង”ទឹកធ្លាក់តាថេង” មានទីតាំងស្ថិតក្នុងភូមិសាស្ត្រខេត្តបាត់ដំបងជាប់ព្រំដែនថៃស្ថិតក្នុងភូមិឆករកា ឃុំសំឡូត ស្រុកសំឡូត មានចម្ងាយពីទីរួមខេត្តបាត់ដំបងប្រមាណ៩៧គីឡូម៉ែត្រ។
បើតាមមន្ត្រីនៃមន្ទីរជំនាញបានស្រង់សម្ពីពីម្ចាស់ទីតាំងបានឲ្យដឹងថា ម្ចាស់ទីតាំងខាងលើមិនបានចាប់អារម្មណ៍ថាមានទេសភាពទឹកធ្លាក់ធម្មជាតិបែបនេះទេ ក្រោយពីបានទិញតពីម្ចាស់គ្រប់គ្រងក្នុងគោលបំណងធ្វើជាចម្ការប៉ុណ្ណោះ។
លុះដល់ឆ្នាំ២០១៨ គ្រាដែលម្ចាស់ដីនិងកម្មករដើរពិនិត្យមើលស្ថានភាពដី និងគយគន់ព្រៃភ្នំផងនោះក៏ឮសម្លេងទឹកហូរក៏ដើរសំដៅកន្លែងដែលមានសម្លេងទឹកនោះ ក៏ប្រទះឃើញមានទឹកហូរធ្លាក់ពីភ្នំ មានពពុះសស្អាតដូចផ្កាត្រែង ហើយម្ចាស់ដីក៏មានចិត្តចង់អភិវឌ្ឍតំបន់នេះប្រែក្លាយជាតំបន់កម្សាន្តនាពេលខាងមុខតែម្តង។
លោកហម អរុណ ប្រធានការិយាល័យគ្រប់គ្រងឧស្សាហកម្មទេសចរណ៍ខេត្តបានឲ្យដឹងថា បច្ចុប្បន្នម្ចាស់ទីតាំងកំពុងរៀបចំកែច្នៃទីតាំងនេះឲ្យក្លាយជាតំបន់ទេសចរណ៍ដ៏មានសក្តានុពលមួយ ដោយមានការគាំទ្រនិងសហការសម្របសម្រួលពីអាជ្ញាធរ។
លោកហម អរុណបន្តថា តាមការចុះស្រាវជ្រាវប្រភពទឹកដែលធ្លាក់មកនោះគឺចេញពីលើភ្នំ ៤០០ ក្នុងភូមិសាស្ត្រខេត្តបាត់ដំបងជាប់ព្រំដែនថៃក្នុងស្រុកសំឡូត។ ទីតាំងខាងលើនេះមានសក្តានុពលផ្នែកទេសចរណ៍មានដូចជា ទស្សនាទេសភាពព្រៃក្រាស់ៗដុះលំអរដងភ្នំ ស្តាប់សម្លេងបក្សី គយគន់ចំការទុរេននិងលេងកម្សាន្តជាមួយទឹកធ្លាក់លើផ្ទាំងថ្មដ៏ថ្លាយ៉ុងប្រកបដោយពពុះទឹកពណ៌សដូចផ្កាត្រែងជាដើម។
បច្ចុប្បន្នបើទោះបីរមណីយដ្ឋានទើបរកឃើញថ្មីនេះ មិនទាន់ធ្វើការកែច្នៃរួចរាល់ក៏មានមនុស្សមួយចំនួនបានទៅដល់និងលេងកម្សាន្តជាបន្តបន្ទាប់ ខណៈទីតាំងខាងលើនេះនឹងកាន់តែទាក់ទាញអារម្មណ៍ភ្ញៀវទេសចរច្រើន ក្រោយរៀបចំរួចរាល់ជាស្ថាពរ៕
អត្ថបទ៖ សៅ សារិទ្ធ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត