Connect with us

ព័ត៌មានជាតិ

ខេត្ត​កោះកុង ជា​ធុង​អាគុយ មាន​ទំនប់វារីអគ្គិសនីច្រើនជាងគេ​

បានផុស

នៅ

ភ្នំពេញ ​៖ ​គិតត្រឹមឆ្នាំ២០២២នេះ ខេត្តកោះកុងមានទំនប់វារីអគ្គិសនីច្រើនជាងគេរហូតដល់ទៅ​ ៤ កន្លែង ដែលមានអនុភាព​សរុបចំនួន ៧៥២ មេហ្កាវ៉ាត់ក្នុងនោះមានវារីអគ្គិសនីចំនួន ៣ បានដាក់ដំណើរការហើយនៅសល់ ១ ទៀត កំពុងដំណើរការសាងសង់គ្រោងបញ្ចប់នៅឆ្នាំ២០២៦ខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ពេជ ស៊ីយ៉ុន ប្រធានមន្ទីររ៉ែនិងថាមពលខេត្តកោះកុងបានមានប្រសាសន៍ថា បច្ចុប្ប្ននេះខេត្តកោះកុងមានវារីអគ្គិសនីចំនួន៤រួមមានវារីអគ្គិសនីគីរីរម្យ៣ ដែលមានអានុភាព១៨មេហ្កាវ៉ាត់ វារីអគ្គិសនីស្ទឹងតាតៃមានអានុភាព ២៤៦ មេហ្កាវ៉ាត់ វារីអគ្គិសនីឬស្សីជ្រុំមានអានុភាព៣៣៨មេហ្កាវ៉ាត់ និងវារីអគ្គិសនីស្ទឹងតាតៃលើដែលមានអានុភាព១៥០មេហ្កាវ៉ាត់ ដែលបានចាប់ផ្តើមសាងសង់ជាផ្លូវការនៅក្នុងត្រីមាសទី៤នៃឆ្នាំ២០២១កន្លងទៅនេះ ហើយគ្រោងបញ្ចប់នៅឆ្នាំ ២០២៦ ខាងមុខ។

បើតាមរបាយការណ៍របស់ក្រសួងរ៉ែនិងថាមពលបានឱ្យដឹងថា វារីអគ្គិសនីគិរីរម្យ៣ មានអានុភាពផលិតអគ្គិសនី ១៨ មេហ្កាវ៉ាត់ បានដាក់ឱ្យដំណើរការនៅក្នុងឆ្នាំ២០១៣ ស្ថិតនៅតាមដងស្ទឹងពង្រួល ដែលជាដៃមួយរបស់ព្រែកកំពង់សោម ក្នុងឃុំដងព្រែក ស្រុកស្រែអំបិល ខេត្តកោះកុង ដែលវិនិយោគដោយក្រុមហ៊ុន CETIC International Hydropower Development Co., Ltd.។

វារីអគ្គិសនីស្ទឹងឫស្សីជ្រុំក្រោម មានអានុភាពផលិតអគ្គិសនី ៣៣៨ មេហ្កាវ៉ាត់ និងបានដាក់ឱ្យដំណើរការនៅក្នុងឆ្នាំ២០១៥ ស្ថិត​នៅឃុំបាក់ខ្លង ស្រុកមណ្ឌលសីមា ខេត្តកោះកុង វិនិយោគដោយក្រុមហ៊ុន China Huadian Lower Stung Russei Chrum Hydro-Electric Project (Cambodia) Co., Ltd.។

វារីអគ្គិសនីស្ទឹងតាតៃ មានអានុភាពផលិតអគ្គិសនី ២៤៦ មេហ្កាវ៉ាត់ និងបានដាក់ឱ្យដំណើរការក្នុងឆ្នាំ២០១៥ មានទីតាំងនៅឃុំតាតៃ ស្រុកកោះកុង និងមានទីតាំងទំនប់ព្រមទាំងអាងទឹក ស្ថិតនៅក្នុងឃុំឫស្សីជ្រុំ ស្រុកថ្មបាំង ខេត្តកោះកុងដែលក្រុមហ៊ុនវិនិយោគ Cambodian Tatay Hydropower Limited។

លោកប្រធានមន្ទីររ៉ែនិងថាមពលបានបន្តទៀតថា វារីអគ្គិសនីស្ទឹងតាតៃលើដែលមានអានុភាព១៥០មេហ្កាវ៉ាត់ មានទីតាំងនៅស្រុកថ្មបាំង ខេត្តកោះកុងដែលវិនិយោគដោយក្រុមហ៊ុន China National Heavy Machinery Corporation ។

កាលពី​ថ្ងៃទី​៨ ​ខែធ្នូ ​ឆ្នាំ​២០២០​ កន្លង​ទៅ​នេះ​ក្រសួង​រ៉ែ និង​ថាមពល អគ្គិសនី​កម្ពុជា​ និង​អាជ្ញាធរ​អគ្គិសនី​កម្ពុជា​បាន​ចុះហត្ថលេខា​លើ​កិច្ចព្រមព្រៀង​ជាមួយ​ក្រុមហ៊ុន China National Heavy Machinery Corporation របស់​ចិន លើ​គម្រោង​សាងសង់​វា​រី​អគ្គិសនី​ស្ទឹង​តា​តៃ​លើ​ បន្ទាប់ពី​រាជរដ្ឋាភិបាល​បានអនុម័ត​លើ​គម្រោង​នេះ​រួច​មក។

​គម្រោង​វា​រី​អគ្គិសនី​ស្ទឹង​តា​តៃ​លើ​ ដែល​មាន​វិនិយោគ​ក្នុង​តម្លៃ​ជាង​៣៨៩ លាន​ដុល្លារ​គឺជា​គម្រោង​មួយ​ដែល​មាន​សក្ដានុពល​វា​រី​អគ្គិសនី ប្រើ​ប្រភព​ទឹក​របស់​ស្ទឹង​២​គឺ​ស្ទឹង​កែប និង​ស្ទឹង​តា​តៃ ដោយ​សាងសង់​ទំនប់ ​២ កាត់​ស្ទឹង​ទាំង​២ បង្កើត​ជា​អាង​ស្តុក​ទឹក​២ ភ្ជាប់​គ្នា​ទៅវិញទៅមក ដោយ​ទួ​ណែ​ល​បង្ហូរទឹក​ក្រោម​ដី​។

ប្រភព​ទឹក​ដែល​ត​ភ្ជាប់​គ្នា​នេះ គ្រោង​ទម្លាក់​យក​មក​ផលិត​ថាមពល​អគ្គិសនី​នៅ​អគារ​ថាមពល ​ដែល​មាន​អានុភាព​សរុប ១៥០​មេ​ហ្គា​វ៉ា​ត់ ស្ថិតនៅ​ចម្ងាយ ១៣​គីឡូម៉ែត្រ ក្រោម​ទំនប់​ទឹកស្ទឹង​កែប​តាម​បំពង់​ទួ​ណែ​ល​បង្ហូរទឹក​ក្រោម​ដី​។

គម្រោង​នេះ​ផ្ដល់​សម្បទាន​រយៈពេល ៣៩​ឆ្នាំ ក្នុង​នោះ​៤​ឆ្នាំ​សម្រាប់​ការសាងសង់ និង​៣៥​ឆ្នាំ​សម្រាប់​ការ​ធ្វើ​អាជីវកម្ម​។​ បរិមាណ​មូលដ្ឋាន​នៃ​ថាមពល​អគ្គិសនី​ផលិត​ប្រចាំឆ្នាំ​ លក់​ឱ្យ​អគ្គិសនី​កម្ពុជា​គឺជា​មធ្យម ៥២៧​លាន​គីឡូវ៉ាត់ម៉ោង ហើយ​លក់​ក្នុងតម្លៃ ៧,៩២​សេន​អាមេរិក ក្នុង​១​គីឡូវ៉ាត់ម៉ោង​។

គួរបញ្ជាក់ថា ក្រៅពីខេត្ត​កោះកុង មានទំនប់វារីអគ្គិសនីជាច្រើនទៀតដែលកំពុងដំណើរការនៅកម្ពុជារួមមានទំនប់វារីអគ្គិសនី គីរីរម្យ១មានអនុភាព១២ មេហ្គាវ៉ាត់ស្ថិតក្នុងខេត្តកំពង់ស្ពឺ ទំនប់វារីអគ្គិសនីកំចាយ មានអនុភាព១៩៣ មេហ្គាវ៉ាត់ស្ថិតក្នុងខេត្តកំពត ដែលបានចាប់ដំណើរការនៅឆ្នាំ ២០១១ ទំនប់វារីអគ្គិសនី ស្ទឹងអាតៃមានអនុភាព១២០ មេហ្គាវ៉ាត់ ស្ថិតក្នុងខេត្តពោធិ៍សាត់ ដែលបានចាប់ដំណើរការនៅឆ្នាំ ២០១៣  និងទំនប់វារីអគ្គិសនីសេសានក្រោម២មានអនុភាព៤០០ មេហ្គាវ៉ាត់ស្ថិតក្នុងខេត្តស្ទឹងត្រែង បានចាប់ផ្ដើមដំណើរការជាផ្លូវការក្នុងឆ្នាំ ២០១៨។

លោក ហេង គន្ធលាង អ្នកនាំពាក្យក្រសួងរ៉ែនិងថាមពលបានមានប្រសាសន៍ថា សម្រាប់ឆ្នាំ២០២២នេះមិនមានក្រុមហ៊ុនវិនិយោគថ្មីស្នើសុំសាងសង់ទំនប់វារីអគ្គិសនីនោះទេ ពោលគឺមានគម្រោងចាស់ចំនួនពីរកំពុងដំណើរការសាងសង់រួមមាន ទំនប់វារីអគ្គិសនីស្ទឹងពោធិ៍សាត់ ដែលមានអនុភាព៨០មេហ្គាវ៉ាត់នៅខេត្តពោធិសាត់ និងគម្រោងវារីអគ្គិសនីស្ទឹង​តាតៃលើនៅខេត្តកោះកុងដែលមានអានុភាព១៥០មេហ្កាវ៉ាត់៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម២ ម៉ោង មុន

ជនសង្ស័យ​២​នាក់​ ជិះ​ម៉ូតូ​បាញ់​កញ្ចក់​រថយន្ដ​យក​ទ្រព្យសម្បត្តិ​នៅមុខ​ហាង​លក់​គ្រឿងអគ្គិសនី​សេង​ម៉ាំង

សេចក្ដីជូនដំណឹង២ ម៉ោង មុន

សេចក្តី​ជូនដំណឹង​ស្តីពី​ការ​អញ្ជើញ​ចូល​រួមដេញថ្លៃ​ការ​ផ្គត់ផ្គង់​ទំនិញ​របស់មន្ទីរ​សុខាភិបាល​នៃ​រដ្ឋបាល​ខេត្តបាត់ដំបង

សេចក្ដីជូនដំណឹង២ ម៉ោង មុន

សេចក្តី​ជូនដំណឹង​ស្តីពី​ការអញ្ជើញ​ចូល​រួមពិគ្រោះថ្លៃ​ការ​ផ្គត់ផ្គង់​អុកស៊ីហ្សែន​របស់មន្ទីរ​សុខាភិបាល​នៃ​រដ្ឋបាល​ខេត្ត​បាត់ដំបង

សន្តិសុខសង្គម២ ម៉ោង មុន

ឃាត់ខ្លួន​ជនសង្ស័យ​៣​នាក់ ពាក់ព័ន្ធ​ករណី​ឆបោក និង​រំលោភ​លើ​ទំនុក​ចិត្ត

សន្តិសុខសង្គម២ ម៉ោង មុន

តុលាការសម្រេច​ឃុំ​ខ្លួន​ ស្ត្រី​ដែល​ប្រើ​ហិង្សា​វៃ​ធ្វើ​បាប​ក្មេង​អាយុជាង៦ឆ្នាំ ដាក់ពន្ធនាគារ​

Sokha Hotels

ព័ត៌មានពេញនិយម