ព័ត៌មានជាតិ

ថៃ បញ្ជូនពលករខ្មែរត្រឡប់មកវិញ តាមស្រុកកំរៀង ជាង ២០០ នាក់

បានផុស

៤ years មុន

នៅ

ថ្ងៃអង្គារ ១ កុម្ភៈ ២០២២

ដោយ

កម្លាំងបញ្ជាការដ្ឋានវរសេនាតូចនគរបាលការពារព្រំដែនគោកលេខ ៨១៩ បានសហការជាមួយកម្លាំងកងយោធពលខេមរភូមិន្ទ និងក្រុមគ្រូពេទ្យដែលឈជើងតាមខ្សែបន្ទាត់ព្រំដែន បានទទួលពលករខ្មែរប្រុសស្រីជាង ២០០ នាក់ ដែលភាគីថៃបញ្ជូនមកឲ្យអាជ្ញាធរកម្ពុជា ដើម្បីរៀបចំឲ្យត្រឡប់ទៅស្រុកកំណើតវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបញ្ជូនមកវិញនេះ បានធ្វើឡើងតាមច្រកទ្វារតំបន់អូរអន្លក់ ស្ថិតក្នុងភូមិអូរអន្លក់ ឃុំតាសែន ស្រុកកំរៀង ខេត្តបាត់ដំបង កាលពីថ្ងៃទី៣១ ខែមករា ឆ្នាំ២០២២ កន្លងទៅនេះ។

លោកវរសេនីយ៍ឯក ម៉ង់ ស៊ី មេបញ្ជាការដ្ឋានវរសេនាតូចនគរបាលការពារព្រំដែនគោកលេខ ៨១៩ បានឲ្យដឹងថា ដោយអនុវត្តន៍តាមបទបញ្ជារបស់លោកឧត្តមសេនីយ៍ទោសាត គឹមសាន ស្នងការនគរបាលខេត្តបាត់ដំបង ក្នុងការ ការពារទប់ស្កាត់បទល្មើសឆ្លងដែនពិសេស ការការពារសន្តិសុខតាមខ្សែបន្ទាត់ព្រំដែន កម្ពុជា-ថៃ ក្នុងការត្រួតពិនិត្យពលរដ្ឋឆ្លងដែន និងស្រាវជ្រាវរកមុខសញ្ញាមេខ្យល់នាំពលករចេញដោយមិនស្របច្បាប់ក្នុងភូមិសាស្ត្រដែលខ្លួនទទួលខុសត្រូវ ជាក់ស្តែងនៅព្រឹកថ្ងៃទី៣១ ខែមករា ឆ្នាំ២០២២នេះ លោកបានចាត់អោយកម្លាំងប៉ុស្តិ៍អូរអន្លក់សហការជាមួយកម្លាំងកងយោធពលខេរភូមិន្ទ និងក្រុមគ្រូពេទ្យ បានចុះទទួលពលករខ្មែរប្រុសស្រីសរុប ២៣៣នាក់ ដែលភាគីខាងថៃបញ្ជូនមកតាមច្រកទ្វារតំបន់អូរអន្លក់ ក្នុងស្រុកកំរៀង ខេត្តបាត់ដំបង។

លោកបន្តថា ពលករខ្មែរដែលសមត្ថកិច្ចខាងប្រទេសថៃបញ្ជូនមកឲ្យអាជ្ញាធរកម្ពុជាវិញនាពេលនេះសរុបទាំងអស់ ២៣៣ នាក់ ក្នុងនោះស្រីចំនួន ៨២ នាក់និងក្មេងចំនួន ៣៣ នាក់ផងដែរ ដែលត្រូវបានក្រុមគ្រូពេទ្យធ្វើតេស្តរហ័សស្វែងរកមេរោគ ដែលជាលទ្ធផល វិជ្ជមានកូវីដ១៩ ចំនួន០១នាក់ជាស្ត្រី និងពលករចំនួន ៤៦ នាក់ស្រី ១៦ នាក់ និងក្មេង ០៣ នាក់ត្រូវបានចាត់បញ្ជូនទៅធ្វើចត្តាឡីស័កនៅមណ្ឌលគីឡូ ៩ ក្នុងស្រុកសំពៅលូន ដោយឡែកពលករខ្មែរ ដែលមានកាតចាក់វ៉ាក់សាំងចំនួន ១៨៦ នាក់ ស្រី ៦៥នាក់និងក្មេង ៣០ នាក់ ត្រូវក្រុមគ្រូពេទ្យធ្វើការអប់រំណែនាំអំពីវិធានការ ការពារការឆ្លងជំងឺកូវីដ-១៩ រួចបានអនុញ្ញាតឲ្យត្រឡប់ទៅស្រុកកំណើតវិញផងដែរ ៕

អត្ថបទ៖ សោ និយមរ័ត្ន

Related Topics:ប្រទេសថៃ ពលករខ្មែរ

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា