ព័ត៌មានជាតិ
មន្ទីរអប់រំរាជធានីភ្នំពេញ ពង្រឹងអវត្តមានគ្រូ និងសិស្សនៅថ្ងៃបុណ្យចូលឆ្នាំចិន
មន្ទីរអប់រំយុវជន និងកីឡា រាជធានីភ្នំពេញបានណែនាំដល់នាយកសាលារដ្ឋ និងឯកជនទាំងកម្រិតមតេយ្យសិក្សារហូតដល់មធ្យមសិក្សាត្រូវពង្រឹងវត្តមានសិស្ស និងគ្រូនៅក្នុងពិធីបុណ្យចូលឆ្នាំចិននេះឱ្យបានខ្ជាប់ខ្ជួន ព្រោះថា ថ្ងៃបុណ្យចូលឆ្នាំចិននេះមិនមែនជាថ្ងៃឈប់សម្រាករបស់ជាតិនោះទេ។
លោក ហែម ស៊ីណារ៉េត ប្រធានមន្ទីរអប់រំយុវជន និងកីឡា រាជធានីភ្នំពេញបានមានប្រសាសន៍នៅព្រឹកថ្ងៃទី ១ ខែកុម្ភៈនេះថា ថ្ងៃសែនចិនតាមសាលានីមួយៗ នៅចុងម៉ោងពេលព្រឹកតែងតែអនុគ្រោះឱ្យគ្រូ ឬសិស្សដែលជាប់ខ្សែស្រឡាយចិនចេញទៅសែនព្រេននៅតាមក្រុមគ្រួសារ។
លោកប្រធានមន្ទីរបានបន្តទៀតថា ប៉ុន្តែទោះបីជាមានការអនុញ្ញាតក៏មានគ្រូ និងសិស្សមកបង្រៀន និងរៀនច្រើនជាងបណ្តាឆ្នាំមុនៗ ខណៈកាលពីមុនមានសាលាខ្លះបិទទ្វារក៏មាន។ ចំណែកថ្ងៃសែនចិនម្សិលមិញមានគ្រូសាលារដ្ឋមកបង្រៀនពេលព្រឹកចំនួន ៩១ ភាគរយ ពេលល្ងាចមានចំនួន ៨៨ភាគរយ។ សិស្សពេលព្រឹកមានរៀន ៦៦ភាគរយ និងពេលល្ងាច៦៣ភាគរយថយចុះបន្តិច។
លោកប្រធានមន្ទីរបានបន្ថែមថា រីឯសាលាឯកជនវិញពេលព្រឹកមានគ្រូមកបង្រៀនចំនួន ៩៤ភាគរយ ពេលល្ងាចមាន៩១ភាគរយ។ ចំណែកសិស្សវិញពេលព្រឹកមាន ៧៣ភាគរយ និងពេលល្ងាចមាន ៦៨ភាគរយ។
លោក ហែម ស៊ីណារ៉េត បានឱ្យដឹងទៀតថា សម្រាប់នៅព្រឹកថ្ងៃបុណ្យចូលឆ្នាំចិនទី១នេះវិញមានគ្រូបង្រៀនសាលារដ្ឋមកបង្រៀនចំនួន ៨៨ភាគរយ និងសិស្សមករៀន ៧១ ភាគរយ ខណៈសាលាឯកជនមានគ្រូមកបង្រៀន ៨៩ភាគរយ និងសិស្សមករៀន ៦៥ ភាគរយ។
យ៉ាងណាក៏ដោយ លោក ប្រធានមន្ទីរបានបញ្ជាក់ថា សាលាក៏មិនមែនដាច់ណាត់មិនអនុញ្ញាតឱ្យគ្រូ និងសិស្សឈប់សម្រាកដែរតែត្រូវមានហេតុផលមួយច្បាស់លាស់មិនមែនចេះតែអនុញ្ញាតឱ្យឈប់សម្រាកនោះទេ។
លោក រស់ សុវាចា អ្នកនាំពាក្យក្រសួងអប់រំយុវជន និងកីឡាបានមានប្រសាសន៍ កាលពីថ្ងៃទី ៣១ មករា ឆ្នាំ២០២២ថាបុណ្យចូលឆ្នាំចិន មិនស្ថិតក្នុងប្រតិទិនឈប់សម្រាកការងាររបស់មន្ត្រីរាជការ និយោជិក កម្មករ ប្រចាំឆ្នាំ ២០២២ ទេ។ដូចនេះសូមបុគ្គលិកអប់រំ រៀបចំកម្មវិធីការងារឱ្យមានដំណើរការជាប្រក្រតីនិងមាតាបិតាអ្នកអាណាព្យាបាល រៀបចំកម្មវិធីគ្រួសារកុំឱ្យប៉ះពាល់ដល់ការសិក្សារបស់បុត្រធីតា។
លោក រស់ សុវាចា សង្ឃឹមថា អាណាព្យាបាលមាតាបិតាសិស្ស នឹងនាំកូនៗរបស់ខ្លួនមករៀនឲ្យបានគ្រប់ៗគ្នានៅក្នុងឱកាសពិធីបុណ្យចូលឆ្នាំប្រពៃណីជនជាតិចិនវៀតណាមនេះដើម្បីកុំឲ្យពួកគេខាតការសិក្សា ឬរៀនមិនទាន់គេជាដើម៕
អត្ថបទ៖ សំអឿន
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១២ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore