ព័ត៌មានជាតិ
អភិបាលខេត្តបន្ទាយមានជ័យ បង្ហាញពីសក្តានុពលសេដ្ឋកិច្ច និងវិនិយោគដល់ទូតអាមេរិក
លោក អ៊ុំ រាត្រី អភិបាលខេត្តបន្ទាយមានជ័យបានបង្ហាញពីសក្តានុពលសេដ្ឋកិច្ច និងវិនិយោគរបស់ខេត្តបន្ទាយមានជ័យដល់លោក ផាទ្រីក មើហ្វី ឯកអគ្គរដ្ឋទូតសហរដ្ឋអាមេរិកប្រចាំកម្ពុជា។ ការបង្ហាញនេះ បានធ្វើឡើងក្នុងឱកាសដែលលោកឯកអគ្គរដ្ឋទូតសហរដ្ឋអាមេរិកបានទៅធ្វើទស្សនកិច្ច នៅលើទឹកដីខេត្តបន្ទាយមានជ័យ កាលពីថ្ងៃទី០៧ខែកម្ភៈឆ្នាំ២០២២។
លោក អ៊ុំ រាត្រី បានជម្រាបជូនលោកទួតថា ខេត្តបន្ទាយមានជ័យស្ថិតនៅប៉ែកពាយ័ព្យនៃព្រះរាជាណាចក្រកម្ពុជា មានចម្ងាយប្រមាណ ៣៥៩ គីឡូម៉ែត្រ ពីរាជធានីភ្នំពេញ មានព្រំប្រទល់ជាប់ប្រទេសថៃ ប្រវែង ១៥៣ គម។ ខេត្តមានផ្ទៃដីសរុប ៦ ៦៧៩គីឡូម៉ែត្រការ៉េ ចែកចេញជា០២ ក្រុង ០៧ស្រុក ៥៥ឃុំ១០សង្កាត់ និង៦៥៨ ភូមិ មានប្រជាជនពលរដ្ឋ ប្រមាណ ៧៩ម៉ឺននាក់។ ក្នុងនោះមាន ៨៥% ប្រកបមុខរបរធ្វើស្រែចម្ការ និង១៥% ជាអាជីវករ ពាណិជ្ជករសិប្បករ កម្មករ នេសាទត្រី និងចិញ្ចឹមសត្វ។
លោកអភិបាលខេត្តបានបន្តថា ខេត្តបន្ទាយមានជ័យ មានច្រកសេដ្ឋកិច្ចសំខាន់ៗចំនួន០៣ គឺច្រកអន្តរជាតិប៉ោយប៉ែត ច្រកទ្វារបឹងត្រកួន និងច្រកព្រំដែនម៉ាឡៃ ។ មិនតែប៉ុណ្ណោះខេត្តក៏មានតំបន់សេដ្ឋកិច្ចពិសេស០៥កន្លែង នៅក្រុងប៉ោយប៉ែត គឺតំបន់សេដ្ឋកិច្ចពិសេសអូរនាង តំបន់សេដ្ឋកិច្ចពិសេសសានកូ តំបន់សេដ្ឋកិច្ចពិសេសប៉ោយប៉ែតភីភី តំបន់សេដ្ឋកិច្ចពិសេស លី អ៊ុតនីព្រមទាំងឧទ្យានឧស្សាហកម្ម០១ កន្លែងនៅក្រុងសិរីសោភ័ណ។
ដោយឡែកនៅក្រុងប៉ោយប៉ែត មានក្រុមហ៊ុនជប៉ុនចំនួន ០៦កំពុងដំណើរការនៅតំបន់សេដ្ឋកិច្ចពិសេសសានកូ និង០១ក្រុមហ៊ុនទៀត នៅតំបន់សេដ្ឋកិច្ចពិសេសប៉ោយប៉ែតភីភី ផលិតសម្ភារៈបរិក្ខាអេឡិចត្រូនិក។
ក្នុងឱកាសនោះលោក អភិបាលខេត្តបានថ្លែងអំណរគុណដល់ប្រជាជននិងរដ្ឋាភិបាលសហរដ្ឋអាមេរិក តាមរយៈ កម្មវិធី COVAX បានផ្តល់វ៉ាក់សាំងJohnson and Johnson ជូនដល់ប្រជាពលរដ្ឋកម្ពុជា ក្នុងនោះរួមទាំងខេត្តបន្ទាយមានជ័យ មួយចំនួនផងដែរ។
លោក ផាទ្រីក មើហ្វី បានលើកឡើងថា ប្រតិភូស្ថានទូតមកទស្សនកិច្ចនៅខេត្តបន្ទាយមានជ័យនេះ ក្នុងគោលបំណងចង់សិក្សាស្វែងយល់ពីសក្តានុពលខេត្តបញ្ហាការជូញដូរមនុស្សឆ្លងដែន និងផ្នែកសុខាភិបាល ផ្នែកអប់រំ។
ឯកអគ្គរដ្ឋទូត បានគូសបញ្ជាក់ថា លោកពិតជារីករាយបានមកកាន់ខេត្តបន្ទាយមានជ័យ ជាលើកទី២ ដែលលោកបានអញ្ជើញមកកាលពី៨ឆ្នាំមុន ជាមួយក្រុមគ្រួសារក្នុងដំណើរទស្សនកិច្ចសិក្សាស្វែងយល់ និងបំពេញបេសកម្មការងារមួយចំនួននាពេលនោះ៕
អត្ថបទ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ