ព័ត៌មានជាតិ
អ្នកវិនិយោគអចលនទ្រព្យមានឱកាសខ្ពស់ ព្រោះដីមិនទាន់ឡើងថ្លៃខ្លាំង នៅភាគឦសាន្តប្រទេស
តម្លៃអលចនទ្រព្យនៅភាគឦសាន្ត មិនទាន់ឡើងថ្លៃខ្លាំងនៅឡើយ ដែលជាឱកាសសម្រាប់អ្នកវិនិយោគនៅក្នុងវិស័យនេះ ចាប់ផ្តើមទិញដីអភិវឌ្ឍនៅតំបន់នោះ។ នេះបើតាមការបញ្ជាក់របស់អ្នកជំនាញអចលនទ្រព្យ។
លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា បានលើកឡើងថា តំបន់ភាគឦសាន្តនៃប្រទេសកម្ពុជា គឺជាទិសដៅប៉ូលសំខាន់បម្រើដល់វិស័យទេសចរណ៍ ជាពិសេសអាកាសធាតុត្រជាក់ ដូចជា នៅខេត្តមណ្ឌលគិរីជាដើម។ លោកបន្តថា តម្លៃអចលនទ្រព្យនៅតំបន់ភាគឦសាន្តនេះ ក៏មិនទាន់ឡើងថ្លៃខ្ពស់ខ្លាំងនៅឡើយទេ ជាឱកាសល្អសម្រាប់អ្នកដែលមានបំណងចង់ធ្វើការវិនិយោគនៅក្នុងតំបន់នេះ។
លោក សុខនីម ថ្លែងដូច្នេះថា « សម្រាប់ខ្ញុំ មើលឃើញថា ការកើនឡើងតម្លៃគឺអាស្រ័យការបោះទុនវិនិយោគរបស់រដ្ឋាភិបាល ឬរបស់អ្នកវិនិយោគិនទៅតំបន់ទាំងនោះ តែប្រសិនបើមិនទាន់មានវិយោគិនទេ តម្លៃអចលនទ្រព្យក៏មិនទាន់មានការកើនឡើងណាស់ណាដែរ ទោះជាមានសេចក្តីប្រកាសក៏ដោយ»។
អ្នកជំនាញរូបនេះ បានឲ្យដឹងថា បច្ចុប្បន្ននៅតំបន់ភាគឦសាន្តចាប់ផ្តើមមានការសាងសង់បណ្តើរៗ ជាប្រភេទសណ្ឋាគារ និងផ្ទះសំណាក់។ ដោយឡែកការអភិវឌ្ឍផ្ទះលំហែកាយ មិនទាន់មានការចាប់ផ្តើមនៅឡើយទេ ប៉ុន្តែលោកសង្កត់ធ្ងន់ថា រយៈពេល ៣ទៅ ៥ឆ្នាំទៀត អាចនឹងមានការអភិវឌ្ឍខ្លាំង។
បច្ចុប្បន្ន តម្លៃដីនៅទីក្រុង ឬនៅទីប្រជុំជននៃតំបន់ប៉ូលសេដ្ឋកិច្ចទី៤ មានតម្លៃចន្លោះពី ២ ៥០០ ទៅ ៣ ០០០ដុល្លារ ក្នុង១ ម៉ែត្រដើរ ឬមួយម៉ែត្រការ៉េមានតម្លៃត្រឹម ៥០០ ទៅ៦០០ដុល្លារអាមេរិក តាមទីតាំង។ នេះបើតាមការបញ្ជាក់របស់លោក ច្រឹក សុខនីម។
កាលពីថ្ងៃទី៧ ខែ កុម្ភៈ ឆ្នាំ២០២២ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានប្រកាសជាសាធារណៈ ក្នុងការបង្កើតប៉ូលសេដ្ឋកិច្ចទី៤ របស់កម្ពុជានៅភូមិភាគឦសាន ដោយផ្តោតសំខាន់លើវិស័យកសិឧស្សាហកម្ម និងធនធានរ៉ែ ដើម្បីជំរុញកំណើនសេដ្ឋកិច្ចជាតិឱ្យកាន់តែរីកចម្រើន បន្ទាប់ពីប៉ូលសេដ្ឋកិច្ចបីទៀត មានរាជធានីភ្នំពេញ គឺជាប៉ូលសេដ្ឋកិច្ចពហុបំណងទីមួយ ដែលផ្តោតសំខាន់លើជំនួញ និងសកម្មភាពអាជីវកម្មនានា, ខេត្តព្រះសីហនុ ជាប៉ូលសេដ្ឋកិច្ចទី២ ដែលផ្តោតលើផ្នែកហិរញ្ញវត្ថុ និងទេសចរណ៍, និងសៀមរាប គឺផ្តោតលើទេសចរណ៍វប្បធម៌៕
អត្ថបទ៖ ទូន សុផល
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ