ព័ត៌មានជាតិ
កម្ពុជាចាប់ផ្តើមពង្រឹងស្នាដៃជនបរទេស ស្រាវជ្រាវវប្បធម៌នៅកម្ពុជា
ប្រទេសកម្ពុជាបានចាប់ផ្តើមពង្រឹងការងារជនបរទេសដែលមកសិក្សាស្រាវជ្រាវផ្នែកវប្បធម៌នៅក្នុងប្រទេសកម្ពុជា ដើម្បីបង្កើនសន្ទស្សន៍នវានុវត្តន៍របស់ប្រទេសកម្ពុជាឱ្យកាន់តែប្រសើរឡើង។
លោកស្រី បណ្ឌិតសភាចារ្យ ភឿង សកុណា រដ្ឋមន្ត្រី ក្រសួងវប្បធម៌ និងវិចិត្រសិល្បៈ បានលើកឡើងថា ចាប់ពីពេលនេះទៅ ជនបរទេសដែលមានបំណងចង់មកធ្វើការសិក្សាស្រាវជ្រាវផ្នែកវប្បធម៌នៅប្រទេសកម្ពុជា ត្រូវអនុវត្តទៅតាមលក្ខខណ្ឌមួយចំនួនជាមុនសិន ទើបអនុញ្ញាតឱ្យស្រាវជ្រាវបាន។
នៅក្នុងរបាយការណ៍សន្និបាតបូកសរុបការងារវប្បធម៌ និងវិចិត្រសិល្បៈ ឆ្នាំ២០២១ និងលើកទិសដៅការងារសម្រាប់ឆ្នាំ២០២២ លោកស្រីរដ្ឋមន្ត្រីបានណែនាំមន្ត្រីពាក់ព័ន្ធ ត្រូវបង្កើនការយកចិត្តទុកដាក់ និងដាក់លក្ខខណ្ឌមួយចំនួនចំពោះជនបរទេសដែលមកសិក្សាស្រាវជ្រាវផ្នែកវប្បធម៌នៅក្នុងប្រទេសកម្ពុជា ដោយត្រូវមានកិច្ចសន្យា ឬកិច្ចព្រមព្រៀង ឱ្យភាគីបរទេសផ្ដល់របាយការណ៍លទ្ធផលស្រាវជ្រាវមកកម្ពុជា និងពិនិត្យលទ្ធភាពដាក់ឈ្មោះអ្នកស្រាវជ្រាវខ្មែរជាសហអ្នកនិពន្ធទៅក្នុងរបាយការណ៍ ឬសៀវភៅលទ្ធផលសិក្សាស្រាវជ្រាវនោះ ដើម្បីបង្កើនសន្ទស្សន៍នវានុវត្តន៍របស់ប្រទេសកម្ពុជា។
លោកស្រីរដ្ឋមន្ត្រីបានបន្តថា ការដាក់លក្ខខណ្ឌស្រាវជ្រាវទៅលើជនបរទេសទាំងនេះ ដោយសារកន្លងមក មានការសិក្សាស្រាវជ្រាវច្រើនពីប្រទេសកម្ពុជា ប៉ុន្តែសន្ទស្សន៍នវានុវត្តន៍របស់កម្ពុជា គឺនៅតែទាបជាងបណ្ដាប្រទេសនៅក្នុងតំបន់ និងពិភពលោក ដោយសារខ្វះយន្តការគ្រប់គ្រងអ្នកស្រាវជ្រាវបរទេស។
ទន្ទឹមនឹងនេះ លោកស្រីរដ្ឋមន្ត្រី បានណែនាំឱ្យថ្នាក់ដឹកនាំ និងប្រធានអង្គភាពទាំងអស់ ត្រូវបង្កើនការសិក្សាស្រាវជ្រាវបែបវិទ្យាសាស្ត្រនៅក្នុងសិល្បៈវប្បធម៌ ហើយលទ្ធផលស្រាវជ្រាវត្រូវយកមកធ្វើការផ្សព្វផ្សាយឱ្យបានច្រើន និងទូលំទូលាយដើម្បីផ្ដល់ចំណេះដឹងថ្មីៗដល់អ្នកស្រាវជ្រាវ និងសាធារណជន ស្របពេលដែលប្រជាជនកម្ពុជាប្រើប្រាស់បណ្ដាញសង្គមកាន់តែច្រើន៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ