ព័ត៌មានជាតិ
៥ថ្ងៃមកនេះ កុមារអាយុ ៣ដល់ ៥ឆ្នាំ នៅខេត្តកោះកុងចំនួន ១.៤៧៧នាក់ បានចាក់វ៉ាក់សាំងដូសទី ១
ក្នុងរយៈពេល ៥ថ្ងៃមកនេះ មានកុមារអាយុ ៣ដល់ ៥ឆ្នាំ ចំនួន១.៤៧៧នាក់ ដែលបានទៅទទួលថ្នាំវ៉ាក់សាំងបង្ការជំងឺ កូវីដ-១៩ នៅតាមទីតាំងមណ្ឌលចាក់វ៉ាក់សាំង ដែលបានរៀបចំទុក។ នេះបើតាមការបញ្ជាក់របស់លោកវេជ្ជបណ្ឌិត ប្រធានមន្ទីរសុខាភិបាលខេត្តកោះកុង។
លោកវេជ្ជបណ្ឌិត ទៅ ម៉ឹង ប្រធានមន្ទីរសុខាភិបាលខេត្តកោះកុង បានឲ្យដឹងនៅរសៀលថ្ងៃទី ២៨ ខែកុម្ភៈនេះថា ក្រុមគ្រូពេទ្យរបស់លោក ប្រឹងប្រែងបំពេញការងារយ៉ាងសកម្ម លើដំណើរការផ្តល់ថ្នាំវ៉ាក់សាំងបង្ការកូវីដ-១៩ ជូនក្រុមកុមារអាយុ ៣ដល់ ៥ឆ្នាំ ដោយមានកុមារប្រមាណ ១.៤៧៧នាក់/ស្រី៧៨០នាក់ បានចាក់រួចហើយ គិតចាប់ពីថ្ងៃទី ២៣ដល់ថ្ងៃទី ២៧ ខែកុម្ភៈម្សិលមិញ។
តួលេខនេះដែរ ត្រូវបានលោកវេជ្ជបណ្ឌិត ទៅ ម៉ឹង បានអះអាងថា ស្មើ៣៣.៩៤ភាគរយ ពោលគឺនៅសល់ ៦០ភាគរយទៀត ទើបគ្រប់ចំនួនដែលបានប៉ាន់ស្មានទុកសរុប គឺ ៥.០១៨នាក់។ ទោះយ៉ាងណាយុទ្ធការផ្តល់វ៉ាក់សាំងនេះ នៅតែបន្តរង់ចាំផ្តល់សេវារាល់ម៉ោងធ្វើការ សម្រាប់កុមារដែលមិនទាន់មកចាក់ ឬអ្នកចាក់ដូសទី ២ រហូតដល់ដូសទី ៤។
ក្នុងបរិបទ នៃការរកឃើញអត្រាអ្នកឆ្លងជំងឺកូវីដ-១៩ ប្រភេទបំប្លែងថ្មីអូមីក្រុង មន្រ្តីសុខាភិបាលខេត្តកោះកុង បន្តទាមទារដល់អ្នកពាក់ព័ន្ធ បង្កើនការប្រុងប្រយ័ត្នខ្ពស់ ចូលរួមអនុវត្តវិធានការ ៣ កុំ ៣ការពារបន្ថែមទៀ តពុំអាចថ្វីប្រហែសបានទេ ។ ការធ្វើដូច្នេះ ដើម្បីទប់ស្កាត់អត្រាឆ្លងរីករាលដាលកម្រិតខ្ពស់។
វ៉ាក់សំាង ជាឧបករណ៍ទប់ស្កាត់ជំងឺកូវីដ យ៉ាងមានប្រសិទ្ធិភាព ប្រធានមន្ទីរសុខាភិបាលខេត្តកោះកុង បានអំពាវនាវដល់ម្តាយឪពុក និងអាណាព្យាបាលកុមារទាំងអស់ នាំកូនរបស់ខ្លួនទៅចាក់វ៉ាក់សាំងឲ្យបានគ្រប់ៗគ្នា។
នៅក្នុងខេត្តកោះកុង មានកុមារអាយុចាប់ពី ៣ឆ្នាំ ដល់ ៤ឆ្នាំចំនួន ៥.០១៨នាក់ ដែលនឹងត្រូវមកទទួលថ្នាំវ៉ាក់សាំងបង្ការការពារជំងឺកូវីដ-១៩ ដោយក្នុងចំណោមតួលេខនេះ គឺមានស្រីចំនួន ២.៤៨៤នាក់។ បើយោងតាមរបាយការណ៍ប៉ាន់ស្មាន របស់មន្ទីរផែនការខេត្តកោះកុង បង្ហាញឲ្យដឹងកន្លងមក៕
អត្ថបទ៖ សិរី វឌ្ឍនៈ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ