ព័ត៌មានជាតិ
អាជ្ញាធរខេត្តតាកែវ ព្រមានចាត់វិធានការតាមច្បាប់ បើមានករណីរុករានឈូសឆាយដីព្រៃឈើរបស់រដ្ឋ
លោក ខាន់ សុខា អភិបាលរងខេត្តតាកែវ បានចាត់ទុកការឈួសឆាយដីរដ្ឋ យកមកកាន់កាប់ជាអំពើល្មើសច្បាប់ និងបានព្រមានចាត់វិធានការតាមផ្លូវច្បាប់ បើនៅតែបំពាន។
ការលើកឡើងខាងលើនេះ បានធ្វើឡើងក្នុងកិច្ចប្រជុំ ស្ដីពី លទ្ធផលចុះពិនិត្យ និងបោះបង្គោលព្រំដីផ្ទៀងផ្ទាត់ទីតាំង កាប់រុករានឈូសឆាយជាក់ស្ដែង ស្ថិតក្នុងដីស្ថានីយ៍ផ្សព្វផ្សាយ និងស្ដារព្រៃឈើត្រពាំងធំ នៅភូមិក្ដីរុន ឃុំខ្វាវ ស្រុកទ្រាំង ខេត្តតាកែវ នាព្រឹកថ្ងៃទី ១០ ខែមីនា ឆ្នាំ ២០២២ នៅសាលប្រជុំសាលាខេត្តតាកែវ។
នៅក្នុងពិធីនោះ លោក ខាន់ សុខា អភិបាលរងខេត្តតាកែវ ក៏បានជំរុញដល់មន្ទីរជំនាញពាក់ព័ន្ធ ត្រូវចុះធ្វើការដោះស្រាយ និងណែនាំដល់ប្រជាពលរដ្ឋ សូមបញ្ឈប់ជាបន្ទាន់ រាល់សកម្មភាពរុករានឈួសឆាយដីព្រៃឈើរបស់រដ្ឋ ធ្វើជាកម្មសិទ្ធិតទៅ ទៀត។ បើមិនដូច្នោះទេ អាជ្ញាធរនឹងអនុវត្តតាមនីតិវិធីច្បាប់។
សូមបញ្ជាក់ថា ក្នុងកិច្ចប្រជុំ ស្ដីពី លទ្ធផលចុះពិនិត្យ និងបោះបង្គោលព្រំផ្ទៀងផ្ទាត់ទីតាំងកាប់រុករានឈូសឆាយដីរដ្ឋនេះ មានការចូលរួមពីលោក ស៊ឹម ឡាបុ័ង នាយខណ្ឌរដ្ឋបាលព្រៃឈើតាកែវ លោកប្រធាន-អនុប្រធានមន្ទីរពាក់ព័ន្ធជុំវិញខេត្ត លោកនាយករដ្ឋបាលសាលាខេត្ត កងកម្លាំងប្រដាប់អាវុធទាំង ៣ប្រភេទ រួមទាំងលោកអភិបាលរងស្រុកទ្រាំង និងអាជ្ញាធរពាក់ព័ន្ធ ក្នុងមូលដ្ឋានជាច្រើនរូប ផងដែរ៕
អត្ថបទ៖ វីរៈ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៨ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ