ព័ត៌មានជាតិ
វ៉ាក់សាំង Pfizer ជិត១៤ម៉ឺនដូសទៀតប្រើប្រាស់ថវិកាអាស៊ានបានដឹកមកដល់កម្ពុជាហើយ
វ៉ាក់សាំងបង្ការជំងឺកូវីដ១៩ ប្រភេទ Pfizer ចំនួនជិត ១៤ ម៉ឺនដូសទៀត (១៣៩ ២៣០) ដែលត្រូវបានទិញដោយការប្រើប្រាស់ថវិកាអាស៊ានបានដឹកមកដល់ប្រទេសកម្ពុជា នៅរសៀលថ្ងៃទី១៩ ខែមីនា ឆ្នាំ២០២២នេះ។
លោកស្រី យក់ សម្បត្តិ រដ្ឋលេខាធិការក្រសួងសុខាភិបាល ថ្លែងក្នុងពេលទទួលវ៉ាក់សាំង នៅសៀលថ្ងៃនេះថា វ៉ាក់សាំងទាំងនេះគឺជាការបញ្ជាទិញរបស់កម្ពុជាតាមរយៈអង្គការយូនីសេហ្វដោយប្រើប្រាស់ថវិកាប្រមាណ១លាន១សែនដុល្លារអាមេរិកដែលថវិកាទាំងនេះបានមកពីការចូលរួមឧបត្ថម្ភពីបណ្តាប្រទេសជាសមាជិកងាស៊ាននិងបណ្តាប្រទេសជាដៃគូដោយប្រទេសខ្លះចូលរួម១០ម៉ឺនដុល្លារអាមេរិកខ្លះទៀតចូលរួម២០ម៉ឺនដុល្លារសម្រាប់ប្រយុទ្ធប្រឆាំងជំងឺកូវីដ១៩។
តំណាងអង្គការយូនីសេហ្វប្រចាំនៅប្រទេសកម្ពុជាបានមានប្រសាសន៍ថា វ៉ាក់សាំងនេះគឺជាការចំណែកមួយរបស់ប្រទេសកម្ពុជាក្នុងនាមជាសមាជិកប្រទេសអាស៊ានក្នុងការចូលរួមប្រយុទ្ធប្រឆាំងនឹងជំងឺកូវីដ១៩។
លោកស្រីបានបន្តថា ក្រៅពីនេះប្រទេសអូស្ត្រាលីបានផ្តល់ជំនួយជាទូរទឹកកកសម្រាប់ដាក់វ៉ាក់សាំងប្រភេទ Pfizerចំនួន៣៣គ្រឿងដើម្បីបង្កលក្ខណៈងាយស្រួលសម្រាប់ប្រទេសកម្ពុជាក្នុងការបែងចែកវ៉ាក់សាំងនៅតាមបណ្តាខេត្តផ្សេងៗនៅទូទាំងប្រទេសចាក់ជូនប្រជាពលរដ្ឋពិសេសក្រុមជួរមុខ។
លោកស្រី យក់សម្បត្តិបានបន្តឱ្យដឹងទៀតថារហូតមកដល់ពេលនេះប្រទេសកម្ពុជាបានទទួលវ៉ាក់សាំងទាំងបញ្ជាទិញនិងជំនួយពីបណ្តាប្រទេសជាមិត្តប្រមាណ៥០លានដូសហើយខណៈនៅក្នុងឃ្លាំងនិងស្តុកតាមខេត្តនៅទូទាំងប្រទេសប្រមាណជាង៦លានដូសដែលកំពុងចាក់ជូនប្រជាពលរដ្ឋរាល់ថ្ងៃ។
លោកស្រីបានបន្ថែមថា នៅក្នុងខែមីនានេះនឹងទទួលបានវ៉ាក់សាំងផ្តល់ដោយប្រទេសអ៊ីតតាលីបន្ថែមទៀតហើយនៅថ្ងៃទី២៨ទៅថ្ងៃទី៣០មីនានឹងទទួលបានវ៉ាក់សាំងចិនប្រមាណ៥លានដូសក្នុងចំណោម២០លានដូសដែលប្រធានាធិបតីចិនបានសន្យាផ្តល់ឱ្យកម្ពុជានៅក្នុងជំនួបតាមទូរស័ព្ទជាមួយសម្តេចនាយករដ្ឋមន្ត្រីកាលពីម្សិលមិញ។
លោកស្រីបានបញ្ជាក់ថាចំណែកវ៉ាក់សាំង ៥,៥លានដូសទៀតតាមរយៈយន្តការកូវ៉ាក់នឹងមកដល់នៅក្នុងខែ៣រហូតដល់ខែកញ្ញាឆ្នាំ២០២២៕
អត្ថបទ៖ សំអឿន
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ