ព័ត៌មានជាតិ
លោកឧបនាយករដ្ឋមន្ត្រី ប្រាក់ សុខុន បង្ហាញពីលទ្ធផលដំណើរទស្សនកិច្ច ៣ថ្ងៃ នៅមីយ៉ាន់ម៉ា
លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិកម្ពុជា និងជាប្រេសិតពិសេសរបស់ប្រធានអាស៊ាន បានបង្ហាញពីលទ្ធផលមួយចំនួន ដែលទទួលបានពីដំណើរទស្សនកិច្ចរយៈពេល ៣ ថ្ងៃ នៅមីយ៉ាន់ ម៉ា ហើយលទ្ធផលនេះ ត្រូវបានលើកឡើងនៅក្នុងសន្និសីទសារព័ត៌មាន នៅឯព្រលានយន្តហោះអន្តរជាតិភ្នំពេញ នាព្រឹកថ្ងៃទី ២៣ ខែមីនា ឆ្នាំ ២០២២នេះ។
លោកឧបនាយករដ្ឋមន្ត្រី ប្រាក់ សុខុន បានឲ្យដឹងថា នៅក្នុងដំណើរទស្សនកិច្ចនេះ លោកបានជួបជាមួយភាគីពាក់ព័ន្ធមួយចំនួន ដើម្បីពិភាក្សាស្វែងរកដំណោះស្រាយ បញ្ហានៅមីយ៉ាន់ម៉ា ហើយនៅក្នុងជំនួបទាំងនោះ រួមទាំងជំនួបជាមួយនាយឧត្តមសេនីយ៍ជាន់ខ្ពស់ មីង អោង ឡាំង ប្រធានក្រុមប្រឹក្សារដ្ឋបាលរដ្ឋ នៃសាធារណរដ្ឋសហភាពមីយ៉ាន់ម៉ាផង លោកបានរំលឹកអំពីទស្សនកិច្ច ទម្លាយភាពទាល់ច្រក របស់សម្ដេចតេជោនាយករដ្ឋមន្ត្រី កាលពីថ្ងៃទី ៧-៨ ខែមករាកន្លងទៅ ដែលបានត្រួសត្រាយផ្លូវ សម្រាប់ដំណើរទស្សនកិច្ច របស់លោកនាពេលនេះ ក្នុងឋានៈជាប្រេសិតពិសេស។
នៅក្នុងជំនួបទាំងនោះ លោកបានគូសបញ្ជាក់សាជាថ្មី អំពីការប្ដេជ្ញាចិត្តរបស់លោក ក្នុងការអនុវត្តអាណត្តិជាប្រេសិតពិសេសរបស់ប្រធានអាស៊ាន ដែលប្រកាន់ខ្ជាប់នូវភាពមិនលំអៀង និងគោលការណ៍នៃធម្មនុញ្ញអាស៊ាន ជាពិសេសការមិនជ្រៀតជ្រែកចូលកិច្ចការផ្ទៃក្នុង និងការគោរពចំពោះអធិបតេយ្យរបស់មីយ៉ាន់ម៉ា។
លោកបានពន្យល់អំពីភាពបន្ទាន់ នៃការសម្រេចឲ្យបាននូវគោលដៅ នៃកិច្ចព្រមព្រៀងជាឯកច្ឆន្ទ ៥ ចំណុច ដោយផ្ដោតទៅលើចំណុចសំខាន់ៗចំនួន ៣ គឺទី១, ការបញ្ចប់បញ្ឈប់អំពើហិង្សា ទី២, ការផ្ដល់ជំនួយមនុស្សធម៌ និងទី៣, ការស្វែង រកដំណោះស្រាយនយោបាយ ប្រកបដោយបរិយាបន្ន។ បើតាមលោកឧបនាយករដ្ឋមន្ត្រី ប្រាក់ សុខុន ដំណើរការចរចានយោបាយនេះ គឺជាកម្មសិទ្ធិរបស់មីយ៉ាន់ម៉ា និងដឹកនាំដោយមីយ៉ាន់ម៉ាផ្ទាល់ តាមរយៈការសន្ទនា ដោយមានការចូលរួមពីគ្រប់ភាគីទាំងអស់។
ចំពោះការបញ្ឈប់អំពើហិង្សា លោកបានស្វាគមន៍ចំពោះការប្រកាសជាថ្មីៗ របស់ក្រុមប្រឹក្សារដ្ឋបាលរដ្ឋ ដែលបានពន្យារបទឈប់បាន រហូតដល់ចុងឆ្នាំ ២០២២ ហើយដើម្បីឲ្យការបញ្ឈប់អំពើហិង្សានេះ មានប្រសិទ្ធភាពពិតប្រាកដ ទាមទារឲ្យមានការចូលរួមពីគ្រប់ភាគីទាំងអស់។
ចំពោះការព្រួយបារម្ភពីសហគមន៍តំបន់ ក៏ដូចជាអន្តរជាតិ ទាក់ទងទៅនឹងអំពើហិង្សា ដែលកំពុងកើតមាន លោកបានស្នើសុំឲ្យមានភាពអត់ធ្មត់ជាអតិបរមា ចំពោះការប្រើប្រាស់កម្លាំងយោធា ដើម្បីបន្ធូរបន្ថយបរិយាកាសប្រទូសរ៉ាយគ្នា និងលើកទឹកចិត្តកុំឲ្យមានសកម្មភាពហិង្សា និងកសាងបរិយាកាសអំណោយផល សម្រាប់ការសន្ទនានយោបាយ ប្រកបដោយការស្ថាបនា ដើម្បីដោះស្រាយវិបត្តិនេះ។
ជាមួយគ្នានោះ លោកឧបនាយករដ្ឋមន្ត្រី ប្រាក់ សុខុន ក៏បានស្នើឲ្យមានកិច្ចសហប្រតិបត្តិការ និងការគាំទ្រពីក្រុមប្រឹក្សារដ្ឋបាលរដ្ឋ ចំពោះការរៀបចំឲ្យបានជោគជ័យ នូវកិច្ចប្រជុំពិគ្រោះយោបល់ ស្ដីពី ការផ្ដល់ជំនួយមនុស្សធម៌ ដែលនឹងត្រូវរៀបចំនៅចុងខែមេសា ឬដើមខែឧសភាខាងមុខ។ លោកបានផ្ដល់ជូននូវឯកសារទស្សនទាន ស្ដីពី គោលបំណង នៃកិច្ចប្រជុំរួចហើយ និងបានគូសបញ្ជាក់ពីតម្រូវការបន្ទាន់ ដើម្បីសម្របសម្រួល ការផ្ដល់ជំនួយមនុស្សធម៌ ប្រកបដោយសុវត្ថិ ភាព មិនមានការរារាំង និងមិនមានការរើសអើង ទៅដល់អ្នកដែលត្រូវការបំផុត បូករួមទាំងការចាក់វ៉ាក់សាំងផងដែរ នៅទីណាដែលអាចធ្វើទៅបាន៕
អត្ថបទ៖ កោះកែវ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ