ព័ត៌មានជាតិ
អាជ្ញាធរខេត្តកំពង់ឆ្នាំង បានឃាត់ខ្លួនជនប្រព្រឹត្តបទល្មើសនេសាទនៅបឹងទន្លេសាបបានចំនួន៤នាក់ហើយ
អាជ្ញាធរខេត្តកំពង់ឆ្នាំងកាលពីថ្ងៃទី៣០ ខែមីនា ឆ្នាំ២០២២ បានបន្តចុះប្រតិបត្តិការបង្ក្រាបបទល្មើសនេសាទ ក្នុងភូមិសាស្ត្រស្រុកបរិបូណ៌ កំពង់លែង ជលគីរី កំពង់ត្រឡាច និងក្រុងកំពង់ឆ្នាំង។ នៅក្នុងប្រតិបត្តិការនេះ អាជ្ញាធរចម្រុះខេត្តកំពង់ឆ្នាំងបានបំផ្លិចបំផ្លាញទីតាំងនេសាទខុសច្បាប់បានមួយចំនួនធំ។ ប៉ុន្តែ បើគិតជារួមមកដល់ពេលនេះ អាជ្ញាធរខេត្តកំពង់ឆ្នាំង បានឃាត់ខ្លួនជនប្រព្រឹត្តបទល្មើសនេសាទនៅបឹងទន្លេសាបបានចំនួន៤នាក់ហើយ។
លោក ស៊ុន សុវណ្ណារិទ្ធ អភិបាលខេត្តកំពង់ឆ្នាំង បានអះអាងឲ្យដឹងថា គិតចាប់តាំងពីថ្ងៃទី២៤ ខែមីនា រហូតមកដល់ថ្ងៃទី៣០ ខែមីនា ឆ្នាំ២០២២ កម្លាំងចម្រុះបានចេញប្រតិបត្តិការយ៉ាងសស្រោកសស្រាំសម្រេចបានលទ្ធផល រួមមាន បានរុះរើរបាំងសាច់អួន ចំនួន ៩៨កន្លែង ប្រវែង ៦ ៥៣៥ម៉ែត្រ ដកបង្គោល ចំនួន ៣ ៧៤០ដើម រុះរើលបលូសាច់អួន ១២១លូ រុះរើសម្រាស់ ចំនួន ១១៩កន្លែង ទំហំសរុប ១៥ ៥១៥ម៉ែត្រការ៉េ ដកបង្គោល ២ ៧៧០ដើម រុះរើមែកសម្រាស់ប្រមាណជិត ៣ម៉ឺនមែក រុះរើសាច់អួន ចំនួន ៦វង់ រុះរើរបាំងស្បៃមុង ៧កន្លែង ប្រវែង ៣០០ម៉ែត្រ លូស្បៃមុង ៧លូ រុះរើរបាំងឈើចំនួន ៥កន្លែង ប្រវែង ៥០០ម៉ែត្រ។ ជាមួយគ្នានេះ អាជ្ញាធរខេត្តកំពង់ឆ្នាំង ក៏បានឃាត់ខ្លួនជនសង្ស័យប្រព្រឹត្តល្មើសចំនួន ៤នាក់ រួមនឹងវត្ថុតាងមួយចំនួនទៀតផងដែរ។
គួរបញ្ជាក់ឲ្យដឹងថា ប្រតិបត្តិការរបស់អាជ្ញាធរខេត្តកំពង់ឆ្នាំងនេះ គឺបន្ទាប់ពីក្រុមអ្នកស្រាវជ្រាវនៃរាជបណ្ឌិត្យសភាកម្ពុជា បានរកឃើញមាននូវករណីប្រព្រឹត្តបទល្មើសនេសាទជាច្រើនបាន និងកំពុងកើតមាននៅបឹងទន្លេសាប។ ប្រតិបត្តិការនេះទៀតសោត ក៏បានកើតឡើង បន្ទាប់ពីសម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានបញ្ជាដាច់ណាត់ឲ្យអភិបាលខេត្តនៅជុំវិញបឹងទន្លេសាប ត្រូវបានបង្រ្កាបឲ្យបានដាច់ខាតនូវបទល្មើសនេសាទនេះ។
ឆ្លើយតបនឹងបទបញ្ជានេះ លោក ស៊ុន សុវណ្ណារិទ្ធ បានអះអាងប្រាប់«កម្ពុជាថ្មី»ថា អាជ្ញាធរខេត្តកំពង់ឆ្នាំង នឹងបោសសម្អាតឲ្យអស់នូវបទល្មើសនេសាទខុសច្បាប់នៅបឹងទន្លេសាបនេះ។ បើតាមលោកអភិបាលកំពង់ឆ្នាំងរូបនេះ គឺចាប់ពីពេលនេះទៅ លែងមានទៀតហើយនូវការប្រព្រឹត្តបទល្មើសនេសាទនៅបឹងទន្លេសាបនៅក្នុងភូមិសាស្រ្តខេត្តកំពង់ឆ្នាំង៕
ដោយ ៖ វណ្ណ សុគន្ធា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ