ព័ត៌មានជាតិ

ចាប់ខ្លួនជនដែលបង្កើតគណនី facebook ក្លែងក្លាយ ដើម្បីជេរប្រមាថថ្នាក់ដឹកនាំកំពូល

បានផុស

៥ years មុន

នៅ

ថ្ងៃអង្គារ ១៥ ធ្នូ ២០២០

ដោយ

នគរបាលប្រឆាំងបទល្មើសបច្ចេកវិទ្យា សហការជាមួយស្នងការដ្ឋាននគរបាលខេត្តកែប នៅព្រឹកថ្ងៃទី១៥ ខែធ្នូ ឆ្នាំ២០២០ បានឃាត់ខ្លួនយុវជនម្នាក់ឈ្មោះ ងិន ស៊ុយទ្រី ភេទប្រុស អាយុ២៥ ឆ្នាំ រស់នៅភូមិកែប សង្កាត់កែប ក្រុងកែប ខេត្តកែប ដែលបង្កើតគណនី facebook ក្លែងក្លាយ ដើម្បីជេរប្រមាថ បរិហារកេរ្តិ៍ថ្នាក់ដឹកនាំកំពូល អភិបាល និងស្នងការតាមបណ្ដាខេត្តនានា។

លោកស្រី វរសេនីយ៍ឯក អាយ វឌ្ឍនា អនុប្រធាននាយកដ្ឋានប្រឆាំងបទល្មើសបច្ចេកវិទ្យា បានប្រាប់ឱ្យដឹងថា ងិន ស៊ុយទ្រី មានទំនាក់ទំនងស្នេហាជាមួយនឹងនារីឈ្មោះ ទ្រី ស៊ាងម៉ី តាំងពីដើមឆ្នាំ២០១៦ ក្រោយមកនារី ទ្រី ស៊ាងម៉ី បានផ្លាស់ប្ដូរមកធ្វើការនៅរាជធានីភ្នំពេញ តាំងពីពេលនោះមកទំនាក់ទំនងរបស់គេបានត្រូវឃ្លាតឆ្ងាយ និងដោយសារនារី ទ្រី ស៊ាងម៉ី មានទំនាក់ទំនងជាមួយបុរសផ្សេងទៀតធ្វើឲ្យ ងិន ស៊ុយទ្រី កើតចិត្តប្រចណ្ឌ ហើយក៏បានបង្កើតគណនីក្លែងក្លាយជាឈ្មោះរបស់នារី ទ្រី ស៊ាងម៉ី ជាឪពុក និងជាមិត្តភ័ក្ររបស់នាងជាច្រើនទៀត ដើម្បីវាយប្រហារថ្នាក់ដឹកនាំកំពូលកំពូល ចេតនាដើម្បីទម្លាក់កំហុសឱ្យនាង ទ្រី ស៊ាងម៉ី ព្រមទាំងមិត្តភក្កិ ដៃគូរស្នេហា និងគ្រួសាររបស់នាង។

បច្ចុប្បន្ននេះ នាយកដ្ឋានប្រឆាំងបទល្មើសបច្ចេកវិទ្យាសហការជាមួយស្នងការដ្ឋាននគរបាលខេត្តកែប កំពុងរៀបចំកសាងសំណុំរឿង ដើម្បីបញ្ជូនជនសង្ស័យនេះទៅតុលាការតាមនីតិវិធី៕