អាជ្ញាធរខេត្តព្រះសីហនុ អនុញ្ញាតឲ្យក្រុមហ៊ុន ហនុមាន ប៊ែរវើរីជីស ឯ.ក រៀបចំព្រឹត្តិការណ៍ប្រគុំតន្ត្រី និងលក់ស្រាបៀរ ភេសជ្ជៈ អបអបសាទរពិធីបុណ្យចូលឆ្នាំថ្មី

អាជ្ញាធរខេត្តព្រះសីហនុ បានអនុញ្ញាតឲ្យក្រុមហ៊ុន ហនុមាន ប៊ែរវើរីជីស ឯ.ក រៀបចំព្រឹត្តិការណ៍ ប្រគុំតន្ត្រី និងលក់ស្រាបៀរ ភេសជ្ជៈ អបអបសាទរពិធីបុណ្យចូលឆ្នាំថ្មី ប្រពៃណីខ្មែរ នាពេលខាងមុខនេះ។

នៅក្នុងលិខិតជម្រាបជូន នាយកប្រតិបត្តិក្រុមហ៊ុន ហនុមាន ប៊ែរវើរីជីស ឯ.ក នៅថ្ងៃទី ៤ ខែមេសា ឆ្នាំ ២០២២ លោក ឡុង ឌីម៉ង់ ក្នុងនាមអភិបាលខេត្តស្ដីទី នៃគណៈអភិបាលខេត្តព្រះសីហនុ បានឆ្លើយតបថា រដ្ឋបាលខេត្តព្រះសីហនុ អនុញ្ញាតជាគោលការណ៍ឲ្យក្រុមហ៊ុន ហនុមាន ប៊ែរវើរីជីស ឯ.ក រៀប​ចំព្រឹត្តិការណ៍ ការប្រគុំតន្ត្រី និងលក់ស្រាបៀរ ភេសជ្ជៈ អបអរសាទរពិធីបុណ្យចូលឆ្នាំថ្មី ប្រពៃណីជាតិខ្មែរ ដែលនឹងប្រព្រឹត្តិទៅចាប់ពីថ្ងៃទី ១៤-១៥-១៦ ខែមេសា ឆ្នាំ ២០២២ នៅទីតាំងដីឡូតិ៍របស់ឧកញ៉ា គុយ ណាត ទល់មុខឆ្នេរអូរឈើទាល ២ ស្ថិតក្នុងភូមិ ៤ សង្កាត់លេខ ៤ ក្រុងព្រះសីហនុ៕