Connect with us

ព័ត៌មានជាតិ

តំណាងក្រសួងយុត្តិធម៌ ៖ ការទម្លាក់ចោលបទចោទ ឬការដោះលែងឲ្យនៅក្រៅឃុំ ជាសមត្ថកិច្ចរបស់តុលាការ  

បានផុស

នៅ

មន្ត្រីជាន់ខ្ពស់ក្រសួងយុត្តិធម៌ បានអះអាងថា បើតាមគោលការណ៍ច្បាប់ ការទម្លាក់ចោលបទចោទ ឬការដោះលែងឲ្យនៅក្រៅឃុំ ជាសមត្ថកិច្ចរបស់តុលាការដែលជាស្ថាប័នឯករាជ្យ។ ការអះអាងនេះ បានធ្វើឡើងក្នុងជំនួបពិភាក្សា រវាងតំណាងក្រសួងយុត្តិធម៌ ជាមួយលោក ស៊ុន ឆ័យ តំណាងគណបក្សភ្លើងទៀន កាលពីរសៀលថ្ងៃទី ៣​ ខែឧសភា ឆ្នាំ ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលោក ជិន ម៉ាលីន រដ្ឋលេខាធិការ និងជាអ្នកនាំពាក្យក្រសួងយុត្តិធម៌ បានឲ្យដឹងថា នៅក្នុងជំនួបពិភាក្សាគ្នានេះ តំណាងគណបក្សភ្លើងទៀន បានស្នើសុំចំនួន ២ចំណុច ដូចខាងក្រោម៖

ទី១. ស្នើសុំឲ្យមានការទម្លាក់បទចោទ និងការដោះលែងឲ្យនៅក្រៅឃុំ ចំពោះ សកម្មជនគណបក្សភ្លើងទៀន ដែលកំពុងស្ថិតក្នុងដំណើរនីតិវិធីតុលាការ។ ទី២. ស្នើសុំឲ្យមានការពន្យានីតិវិធីតុលាការ លើសកម្មជនគណបក្សភ្លើងទៀន ដែលកំពុងស្ថិតក្នុងចំណាត់ការរបស់តុលាការ ដោយកុំឲ្យមានការកោះហៅ ក្នុងអំឡុងពេលរៀបចំការបោះឆ្នោតឃុំ-សង្កាត់ ខាងមុខនេះ។

ជាការឆ្លើយតប តំណាងក្រសួងក្រសួងយុត្តិធម៌ បានបញ្ជាក់ជូនដោយផ្អែកលើទិដ្ឋភាពច្បាប់ចំនួន ២ចំណុចដូចខាងក្រោម៖

ទី១-ពាក់ព័ន្ធនឹងការស្នើសុំឲ្យមានការទម្លាក់បទចោទ និងការដោះលែងឲ្យនៅក្រៅឃុំ ចំពោះសកម្មជនគណបក្សភ្លើងទៀន ដែលកំពុងស្ថិតក្នុងដំណើរការនីតិវិធីតុលាការ៖

-តំណាងក្រសួងយុត្តិធម៌ បានបញ្ជាក់ថា តាមគោលការណ៍ច្បាប់ ការទម្លាក់ចោលបទចោទ ឬការដោះលែងឲ្យនៅក្រៅឃុំ ជាសមត្ថកិច្ចរបស់តុលាការ ដែលជាស្ថាប័នឯករាជ្យដោយផ្អែកលើអង្គហេតុ និងអង្គច្បាប់ ហើយក្រសួងយុត្តិធម៌ ដែលជាស្ថាប័ននីតិប្រតិបត្តិពុំមានសមត្ថកិច្ច និងសិទ្ធអំណាចក្នុងការជ្រៀតជ្រែកកិច្ចការ របស់តុលាការនោះទេ។

-តំណាងក្រសួងយុត្តិធម៌ បានបញ្ជាក់បន្ថែមថា មានតែការចូលរួមនៅក្នុងដំណើរការនីតិវិធី របស់ តុលាការទេ ដែលជាមធ្យោបាយខាងផ្លូវច្បាប់តែមួយគត់ ក្នុងការការពារខ្លួន ដោយគួរពឹងពាក់មេធាវីក្នុងការជួយការពារក្តី នៅក្នុងដំណើរការនីតិវិធីរបស់តុលាការ។

ទី២-ពាក់ព័ន្ធការស្នើសុំឲ្យមានការពន្យារនីតិវិធីតុលាការ លើសកម្មជនគណបក្សភ្លើងទៀន ដែលកំពុងស្ថិតក្នុងចំណាត់ការរបស់តុលាការ ដោយកុំឲ្យមានការកោះហៅ ក្នុងអំឡុងពេលរៀបចំការបោះឆ្នោតឃុំ- សង្កាត់ ខាងមុខនេះ គឺក្រសួងយុត្តិធម៌ពុំមានសមត្ថកិច្ច ក្នុងការបង្គាប់បញ្ជាទៅតុលាការនោះទេ។ លោក ជិន ម៉ាលីន បានបញ្ជាក់បន្ថែមថា កន្លងមក ក្រសួងយុត្តិធម៌ ពុំដែលណែនាំឲ្យមានការពន្យារនីតិវិធីតុលាការនោះទេ គឺមានតែផ្តល់គោលការណ៍ណែនាំ ឲ្យពន្លឿនដំណើរការនីតិវិធីសំណុំរឿងដោយផ្អែកទៅលើផ្លូវច្បាប់ ដូចជាក្នុងយុទ្ធនាការ នៃការដោះស្រាយការកកស្ទះសំណុំរឿងជាដើម ដើម្បីដោះស្រាយការកកស្ទះសំណុំរឿង និងភាពចង្អៀតណែននៅតាមពន្ធនាគារ។

ជាចុងក្រោយ តំណាងក្រសួងយុត្តិធម៌ បានទទួលយកសំណើរបស់តំណាងគណបក្សភ្លើងទៀន ដើម្បី ពិនិត្យ និងពិចារណាទៅតាមសមត្ថកិច្ច របស់ក្រសួងដែលច្បាប់អនុញ្ញាត និងបានស្នើទៅតំណាងគណបក្សភ្លើងទៀន ឲ្យជួយធ្វើការណែនាំទៅសកម្មជនរបស់ខ្លួន ក្នុងការគោរពច្បាប់ឲ្យបានខ្ជាប់ខ្ជួន ប្រសិន​បើមិនចង់ឲ្យមានការអនុវត្តច្បាប់៕

អត្ថបទ៖ ឃួន សុភ័ក្រ  

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៨ នាទី មុន

អភិបាលស្រុកបាទីច្រានចោលការចុះផ្សាយពីស្លាប់របស់ក្មេងស្រីម្នាក់ដែលជាការបោកប្រាស់ដើម្បី​ផលប្រយោជន៍

ព័ត៌មានអន្ដរជាតិ២៤ នាទី មុន

រកឃើញសាកសព២នាក់ ក្នុងហេតុការណ៍បាក់ស្ពាននៅទីក្រុង Baltimore

ព័ត៌មានអន្ដរជាតិ៨ ម៉ោង មុន

ថៃកំពុងបង្ខិតប្រទេសរបស់ខ្លួនឱ្យស្របច្បាប់ចំពោះការស្រឡាញ់ភេទដូចគ្នា

សន្តិសុខសង្គម៩ ម៉ោង មុន

ស្លាប់​កម្មករ​ម្នាក់ របួសធ្ងន់​ស្រាល​៣​នាក់​ក្នុង​ករណី​បាក់​ជញ្ជាំង​អាង​ស្តុក​ទឹក នៅសង្កាត់​គោក​រកា

ព័ត៌មានជាតិ១០ ម៉ោង មុន

លោក​បណ្ឌិត លី ធុជ ដឹកនាំ​កិច្ចប្រជុំ​តាម​ប្រព័ន្ធ​អន​ឡាញ ដើម្បី​ជំរុញ​កិច្ចសហប្រតិបត្តិការ និង​ពង្រឹង​អនុលោមភាព​នៃ​អនុសញ្ញា​អូ​តា​វ៉ា​ក្នុងចំណោម​រដ្ឋ​ភាគី​

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ២ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ២ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៣ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

ជីវិតកម្សាន្ដ៧ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម