ព័ត៌មានជាតិ
លោកសុខ លូ ហាមមន្ត្រីរាជការមន្ទីរអង្គភាពជុំវិញខេត្តបាត់ដំបង តាំងខ្លួនធ្វើជាមន្ត្រីទំនើង
លោក សុខ លូ អភិបាល នៃគណៈអភិបាលខេត្តបាត់ដំបង បានធ្វើការហាមប្រាមដល់មន្ត្រីរាជការមន្ទីរអង្គភាពនៅជុំវិញខេត្តទាំងអស់គឺ កុំតាំងខ្លួនធ្វើជាមន្ត្រីទំនើងឱ្យសោះ ត្រូវខិតខំធ្វើការបម្រើប្រជាពលរដ្ឋឱ្យបានល្អ។
ថ្លែងក្នុងពិធីប្រកាសចូលកាន់មុខតំណែងមន្រ្ដីរាជការចំណុះក្នុងរចនាសម្ព័ន្ធមន្ទីរអង្គភាពចំនួន ៣ ក្នុងខេត្តបាត់ដំបង រួមមាន មន្ទីរព័ត៌មាន មន្ទីរផែនការខេត្ត និងមន្ទីរប្រៃសណីយ៍ និងទូរគមនាគមន៍ខេត្ត នៅរសៀលថ្ងៃទី០៥ ខែឧសភានេះ លោក សុខ លូ បានណែនាំបន្ថែមដល់មន្ត្រីរាជការនៃមន្ទីរទាំង ៣ ក៏ដូចជាមន្ទីរអង្គភាពជុំវិញខេត្តបាត់ដំបង ត្រូវរួមគ្នាគិត រួមគ្នាធ្វើ និងត្រូវធ្វើការងារឱ្យបានសម្រេចជោគជ័យ ទើបខ្លាំង ហើយត្រូវចៀសឱ្យបានការធ្វើជាមន្ត្រីទំនើង ព្រោះការធ្វើជាមន្ត្រីទំនើងនោះមិនបានយូរឡើយ។
លោកអភិបាលខេត្តបានបន្តទៀតថា៖ “សម្រាប់ខេត្តបាត់ដំបង បញ្ហាមន្ត្រីទំនើងមិនទាន់កើតមាននៅតាមស្ថាប័នមន្ទីរណាមួយនៅឡើយទេ ដែលនេះគឺជាចំណុចល្អមួយសម្រាប់មន្ត្រីយើងទាំងអស់គ្នាខិតខំប្រឹងប្រែងធ្វើការងារ ដើម្បីបម្រើប្រជាពលរដ្ឋដោយទទួលខុសត្រូវខ្ពស់”។
លោកអភិបាលខេត្តបានណែនាំដល់មន្រ្ដីរាជការទាំងអស់ បន្តពង្រឹងសាមគ្គីភាពផ្ទៃក្នុង និងត្រូវមានទំនាក់ទំនងល្អជាមួយអ្នកដទៃ ដើម្បីធ្វើឱ្យដំណើរការនៃការធ្វើការប្រកបដោយរលូន និងជាពិសេសបន្តការគោរពវិន័យអង្គភាព ពង្រឹងសមត្ថភាពរបស់ខ្លួន ទាំងបច្ចេកទេស និងភាសាឱ្យកាន់តែខ្លាំងជាលំដាប់។
ក្រៅពីនេះ លោកអភិបាលខេត្តបានលើកឡើងអំពីបញ្ហាបរិស្ថាន ដែលក្នុងនោះលោកបានបន្ថែមថា ដើម្បីឱ្យទីក្រុងបាត់ដំបង កាន់តែមានភាពស្អាត ក្នុងការឆ្លើយតបតាមគោលដៅទេសចរណ៍ ពិសេសបន្តយកពានរង្វាន់ជាទីក្រុងស្អាតរបស់ប្រទេសកម្ពុជា ក៏ដូចជាទីក្រុងស្អាតរបស់អាស៊ាន ដែលក្រុងបាត់ដំបងធ្លាប់ទទួលបានពានរង្វាន់កន្លងមកនោះ គឺត្រូវរួមគ្នាគិតគូរពីបញ្ហាសំរាមឱ្យអស់នៅតាមដងផ្លូវនានា ក៏ដូចជានៅតាមដងស្ទឹងជាដើម តែក្នុងនោះមន្ត្រីរាជការតាមមន្ទីរនានាត្រូវមានភាពស្អាតនៅទីតាំងអង្គភាពរបស់ខ្លួនជាមុនសិន ទាំងការសម្អាត អនាម័យ ទាំងការសម្អាតបន្ទប់អនាម័យ ដែលនេះគឺជាគំរូសម្រាប់ឈានទៅធ្វើការអនុវត្តនៅតាមទីសាធារណៈ។
លោក សុខ លូ បានបន្តទៀតថា បញ្ហាសំរាមនៅក្នុងក្រុងបាត់ដំបង ត្រូវការចូលរួម និងមានឆន្ទៈទាំងអស់គ្នា ទើបក្រុងយើងគ្មានសំរាម ដោយផ្តើមចេញពីបុគ្គលខ្លួនឯងផ្ទាល់ក្នុងនោះមន្ត្រីរាជការនៅតាមមន្ទីរនានាត្រូវជួយផ្សព្វផ្សាយអនុវត្តទាំងអស់គ្នាថែមទៀតផង ទើបធ្វើឱ្យទីក្រុងកាន់តែមានទេសចរចូលមកកម្សាន្តច្រើន ហើយសេដ្ឋកិច្ចជាតិក៏មានការរីកចម្រើន៕
អត្ថបទ៖ សំអឿន
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សេដ្ឋកិច្ច២ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ