ព័ត៌មានជាតិ
មន្រ្តីជាន់ខ្ពស់ស្ថាប័នបោះឆ្នោតរាជធានី សម្តែងក្តីរីករាយ ពេលឃើញអ្នកគាំទ្របក្សនយោបាយចេះយោគយល់គ្នា ពេលហែរក្បួនឃោសនា
នៅថ្ងៃទី២១ ខែឧសភា នេះ គឺជាថ្ងៃទីមួយនៃការឃោសនារកសម្លេងឆ្នោតរបស់គណបក្សនយោបាយ សម្រាប់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៥ ហើយសម្រាប់ថ្ងៃដំបូងនេះ នៅរាជធានីភ្នំពេញ មានគណបក្សមួយចំនួនដូចជា គណបក្សប្រជាជនកម្ពុជា គណបក្សខ្មែររួបរួមជាតិ និងគណបក្សភ្លើងទៀនជាដើម បានរៀបចំហែរក្បួនធំ តែគណបក្សមួយចំនួនទៀត មិនបានហែរក្បួនឃោសនាធំទេ ដោយគ្រាន់តែចាក់សារនយោបាយនៅតាមទីស្នាក់ការរបស់ខ្លួនប៉ុណ្ណោះ ប៉ុន្តែអ្វីជាការចាប់អារម្មនោះ អ្នកគាំទ្រគណបក្សនីមួយៗមានភាពចាស់ទុំ ចេះរាក់ទាក់គ្នាខុសពីពេលមុនៗ។
លោក លុន ឆេងកៃ ប្រធានគណៈកម្មការរៀបចំការបោះឆ្នោតរាជធានីភ្នំពេញបានមានប្រសាសន៏ប្រាប់កម្ពុជាថ្មីនារសៀលថ្ងៃទី២១ ខែឧសភា នេះថា នៅព្រឹកថ្ងៃទី២១ ខែឧសភា ដែលជាថ្ងៃចាប់ផ្ដើមហែរឃោសនាជាដំបូងនេះ នៅរាជធានីភ្នំពេញមានគណបក្សនយោបាយចំនួន២ បានហែរក្បួនធំៗ គឺគណបក្សប្រជាជនកម្ពុជា និងគណបក្សភ្លើងទៀន។ ចំណែកគណបក្សផ្សេងៗទៀតមិនបានរៀបចំហែរក្បួនធំទេ គឺគ្រាន់តែចាក់មេក្រូឃោសនា និងការចែកខិតប័ណ្ណគោលនយោបាយតិចតួច។ ដោយឡែកនៅថ្ងៃស្អែក (២២ ឧសភា) នេះ គណបក្សយុវជនកម្ពុជា នឹងរៀបចំហែរក្បួនធំ។
ទាក់ទងទៅនឹងបរិយាកាស នៃការហែរក្បួនឃោសនានេះ លោក លុន ឆេងកៃ បានអះអាងថា មិនមានអ្វីកើតឡើងទេ ហើយលោកសប្បាយរីករាយ ដែលឃើញអ្នកគាំទ្រគណបក្សនីមួយៗនេះស្វាគមន៏គ្នា។ លោកបញ្ជាក់យ៉ាងនេះថា ”មកដល់ម៉ោងនេះ ខ្ញុំតេសួរ រួមទាំងអ្នកចុះតាមដាន គឺអត់មានសភាពការណ៍អ្វីគួរឲ្យកត់សំគាល់នោះទេ ហើយទាំងអស់គ្នាពេលជួបគ្នាចេះយោគយល់គ្នា នៅក្នុងការហែក្បួននេះ ដូច្នេះបង្ហាញការសប្បាយ ហើយយើងសប្បាយចិត្តនៅពេលឃើញបែបនេះ”។
គួររំលឹកថា ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ នឹងប្រព្រឹត្តទៅនៅថ្ងៃអាទិត្យ ទី០៥ ខែមិថុនា ឆ្នាំ២០២២ ខាងមុខ ដោយចាប់ផ្តើមពីម៉ោង៧ ព្រឹក រហូតដល់ម៉ោង៣ រសៀល។ ក្នុងនោះមានគណបក្សនយោបាយចំនួន១៧ បានចូលរួម ហើយការឃោសនាមានរយៈពេល១៤ ថ្ងៃ ដោយចាប់ផ្តើមពីថ្ងៃទី២១ ខែឧសភា ដល់ថ្ងៃទី០៣ ខែមិថុនា ឆ្នាំ២០២២៕
អត្ថបទ៖ កោះកែវ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៥ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore