ព័ត៌មានជាតិ

សម្ដេចតេជោ៖ រង្វាន់ក្រមា និងខ្សែគោ រំឭកកុំឱ្យចៅភ្លេចប្រវត្តិដ៏លំបាក

បានផុស

៤ years មុន

នៅ

ថ្ងៃអង្គារ ៣១ ឧសភា ២០២២

ដោយ

សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានជូនពរនិស្សិតយោធាខ្មែរនៅអាមេរិកឈ្មោះ ពេជ្រ ម៉ូន ជូបតែសេចក្តីសុខ សេចក្តីចម្រើន និងរម្លឹកកុំឱ្យភ្លេចប្រវត្តិ កាលគ្រាលំបាក។ ពីរបីថ្ងៃមកនេះអ្នកប្រើប្រាស់បណ្តាញសង្គមហ្វេសបុកជាច្រើនបានចែកចាយតៗគ្នា ក្រោយឃើញដូនចាស់ម្នាក់បានប្រគល់ក្រម៉ា និងខ្សែគោជាដូរដល់ចៅជំនួសឱ្យបាច់ផ្កា ក្រោយបញ្ចប់ការសិក្សាបណ្ឌិតសភាយោធាអាមេរិក។

ពិធីប្រគល់សញ្ញាបត្របណ្ឌិតយោធាអាមេរិកដយល់យុវជន ពេជ្រ ម៉ូន ត្រូវបានធ្វើឡើងក្រោយអធិបតីភាពលោក Joe Biden ប្រធានាធិបតីសហរដ្ឋអាមេរិក។

សម្ដេចតេជោ ហ៊ុន សែន សរសេរក្នុង Comment របស់លោក ឯម ច័ន្ទមករាថា “ការដែលលោកយាយធ្វើបែបនេះគឺជាការរម្លឹកដល់ចៅកុំឱ្យភ្លេចពីប្រវត្តិដ៏លំបាក”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ពេជ្រ ម៉ូន បានបង្ហោះសារលើផេកហ្វេសប៊ុកផ្លូវការរបស់លោក នៅថ្ងៃច័ន្ទ ទី ៣០ ខែឧសភាថា លោកយាយរបស់ខ្លួនខំថែរក្សាទុកខ្សែគោ និងក្រមានេះ១០ឆ្នាំហើយ សម្រាប់យកមកមើលពេលនឹកដល់ចៅនិងទុកប្រគល់ឱ្យចៅពេលចៅទទួលសញ្ញាបត្រ។

លោកសរសេរថា៖ «១០ឆ្នាំហើយដែលលោកយាយរក្សាទុកក្រម៉ា និងខ្សែគោដែលខ្ញុំប្រើ ហើយរងចាំខ្ញុំត្រលប់ទៅស្រុកវិញ។ ខ្ញុំតែងប្រើវាសម្រាប់ជាថ្នក់ដាក់ បាយ ទឹក និងសៀវភៅនៅពេលទៅឃ្វាលគោពេលរស់នៅឯស្រុកកំណើត។ ភាគច្រើន នៅក្នុងថ្នក់បាយមានតែ បាយនិងអំបិល ដែលលោកយាយខ្ចប់អោយប៉ុណ្ណោះ។ ពេលនេះលោកយាយ បានយកខ្សែគោ និងក្រមាចាស់ នេះធ្វើជាកាដូសម្រាប់ថ្ងៃបញ្ចប់ការសិក្សារបស់ខ្ញុំពីបណ្ឌិតសភាយោធាអាមេរិក»។

ពាក្យដែលលោកយាយរបស់លោក ម៉ូន ពេជ្រ ប្រាប់ទៅគាត់ពេលទទួលបានសញ្ញាបត្រ និងប្រគល់កាដូរនេះឱ្យនោះគឺ “ពេលនេះយាយប្រគល់វាឱ្យចៅវិញហើយ ទោះទៅដល់ទីណាសូមចៅកុំភ្លេចកំណើតរបស់ខ្លួនដែលធ្លាប់ជាក្មេងឃ្វាលគោឱ្យសោះ។ ខ្ញុំស្ទើរស្រក់ទឹកភ្នែក ពេលលឺអ្នកមានគុណដែលបីបាច់ថែរក្សាខ្ញុំ តាំងពីទើបនឹងកើត រហូតធំពេញវ័យ មានប្រសាសន៍បែបនេះ។ វាជាកាដូដ៏មានតម្លៃបំផុតក្នុងជីវិតរបស់ខ្ញុំ៕