ព័ត៌មានជាតិ

ជួសជុលកំណាត់ផ្លូវជាតិលេខ៦៤ប្រវែងជាង៥០គីឡូម៉ែត្រពីព្រំប្រទល់ខេត្តសៀមរាបដល់ថ្នល់បំបែក ស្រុកគូលែន

បានផុស

៤ years មុន

នៅ

ថ្ងៃចន្ទ ១៣ មិថុនា ២០២២

ដោយ

ព្រះវិហារ ៖ កំណាត់ផ្លូវជាតិលេខ៦៤ប្រវែងជាង៥០គីឡូម៉ែត្រពីព្រំប្រទល់ខេត្តសៀមរាបដល់ថ្នល់បំបែក ស្រុកគូលែន ត្រូវបានមន្ទីរសាធារណការនិងដឹកជញ្ជូនខេត្តព្រះវិហារធ្វើការជួសជុល ថែទាំឡើងវិញ ដើម្បីសម្រួលដល់ការធ្វើដំណើររបស់ប្រជាពលរដ្ឋ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកសំ លាងទ្រី ប្រធានមន្ទីរសាធារណការនិងដឹកជញ្ជូនដឹកជញ្ជូនខេត្តព្រះវិហារបានឲ្យដឹងថា អនុវត្តតាមការណែនាំរបស់លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន និងលោក ប្រាក់ សុវណ្ណ អភិបាលខេត្តព្រះវិហារនៅថ្ងៃទី ១៣ ខែមិថុនា ឆ្នាំ២០២២នេះ ក្រុមការងារ ថែទាំផ្លូវថ្នល់ នៃមន្ទីរសាធារណការនិងដឹកជញ្ជូនខេត្តព្រះវិហារ បានធ្វើការ. ជួសជុល ថែទាំ លើកំណាត់ផ្លូវជាតិលេខ៦៤ ប្រវែង៥២.១៥គីឡូម៉ែត្រ ចាប់ពីព្រំប្រទល់ខេត្តសៀមរាប ដល់ថ្នល់បំបែក ស្រុកគូលែន ដោយធ្វើការសៀលកៅស៊ូ កន្លែងចោះ កន្លែងស្រុត លុបសំបុកមាន់។

លោកសំ លាងទ្រី បានសូមជូនពរឲ្យបងប្អូនប្រជាពលរដ្ឋ ធ្វើដំណើរ ជួបតែសុខសុវត្ថិភាព ពិសេសសូមចូលរួមគោរពច្បាប់ចរាចរណ៍ផ្លូវគោកឱ្យបានគ្រប់ៗគ្នា ដើម្បីជៀសផុតពីករណីគ្រោះថ្នាក់ចរាចរណ៍៕

ដោយ ៖ ស្រីរ័ត្ន