Connect with us

ព័ត៌មានជាតិ

ព្រឹត្តិការណ៍ហាត់ យោគះ ជួយដល់សុខភាព និងលើកស្ទួយសន្តិភាពពិភពលោក

បានផុស

នៅ

នៅថ្ងៃទី២១ ខែ មិថុនា.២០២២ នេះ នៅបរិវេណ ព្រះលានជុលដំរី នៃប្រាសាទបាយ័ន មានព្រឹត្តការណ៍ហាត់ Yoga អបអរសាទរ ទិវាយោគះ អន្តរជាតិ លើកទី៨ ដែលមានការអញ្ជើញចូលរួមពី អនុរដ្ឋមន្ត្រីការបរទេសឥណ្ឌា ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបណ្ឌិត Rajkkunmar Ranjan Singh បានលើកឡើងថា ការធ្វើ យោគះ គឺជាការហ្វឹកហាត់ផ្នែកផ្លូវកាយ និងផ្លូវចិត្តតាមបែបបុរាណ មានដើមកំណើតនៅប្រទេសឥណ្ឌា ដោយពាក្យថា “យោគះ” នេះមកពីសំស្ក្រឹត និងមានន័យថាចូលរួម ឬរួបរួម។ សំខាន់ជាងនេះ យោគះ គឺលើកស្ទួយនូវសន្តិភាព ក្នុងពិភពលោកដែលស្របតាមគោលការណ៍របស់ឥណ្ឌា Vasudhaiva | Kutumbakam ដែលមានន័យថា “ពិភពលោកគឺជាគ្រួសារតែមួយ”។

លោក Rajkkunmar Ranjan Singh បន្តថា យោគះ និង Ayurveda ដែលជាប្រព័ន្ធវេជ្ជសាស្ត្ររបស់ឥណ្ឌាកំពុងមានការពេញនិមយ និងមានប្រសិទ្ធិខ្ពស់ បន្ទាប់ពីមានការប្រើប្រាស់ជាច្រើនសតវត្សមកហើយ យោគះ និងអាយុវេដ្ត គឺជាវិទ្យាសាស្ត្រដ៏ពិសិដ្ឋបំផុតសម្រាប់ជីវិតប្រចាំថ្ងៃ។ ទាំង យោគះ និង Ayurveda គឺជាសិល្បៈ វិទ្យាសាស្ត្រ និងទស្សនវិជ្ជាដែលមានទំនាក់ទំនងផ្នែកសំខាន់ៗទាំងបួននៃសុខភាព គឺផ្នែករាងកាយ ផ្លូវចិត្ត សង្គម និងវិញ្ញាណ។ លោកអនុរដ្ឋមន្ត្រីឥណ្ឌា បន្តថា នៅសម័យប្រជុំលើកទី៦៩ នៃមហាសន្និ បាតអង្គការសហប្រជាជាតិ នៅខែកញ្ញា ឆ្នាំ២០១៤ លោកនាយករដ្ឋមន្ត្រី Narendra Modi បានជម្រុញសហគមន៍ពិភពលោកឱ្យប្រកាន់យកនូវ ទិវាយោគះអន្តរជាតិ។  បន្ទាប់មក នៅថ្ងៃទី ១១ ខែធ្នូ ឆ្នាំ ២០១៤ មហាសន្និបាតអង្គការ សហប្រជាជាតិ បានអនុម័តសេចក្តីសម្រេចជាឯកច្ឆ័ន្ទ ដោយប្រកាសយកថ្ងៃទី២១ ខែមិថុនា ជាទិវាយោគះអន្តរជាតិ។ ចាប់ពីពេលនោះមក រហូតមកដល់ពេលនេះ យោគះ ត្រូវមហាជនទូទាំងពិភពលោកចាប់អារម្មណ៍ និង គាំទ្រលើការហាត់យោគះ តាមបែបប្រពៃណីឥណ្ឌាបុរាណនេះ ហើយដែលឥឡូវនេះវាបានជាកម្មសិទ្ធិសម្រាប់មនុស្សជាតិគ្រប់រូប។

ការហាត់យោគះ ត្រូវបានមនុស្សរាប់លាននាក់នៅទូទាំងពិភពលោក ទទួលស្គាល់ពីអត្ថប្រយោជន៍ ហើយបានយកទៅអនុវត្តប្រចាំថ្ងៃរៀងៗខ្លួន។ នៅក្នុងសង្គមបច្ចុប្បន្ននេះ មនុស្សភាគច្រើនមានជំងឺសស្ត្រេសតានតឹងក្នុងផ្លូវចិត្ត ការហាត់យោគះ គឺជាមធ្យោបាយមួយ សម្រាប់កាត់នូវភាពតានតឹង បានស្ងប់ផ្លូវចិត្ត និងធ្វើឱ្យជីវិតកាន់តែប្រសើរឡើង។

លោក ប៉ាក់ សុខុម រដ្ឋលេខាធិការក្រសួងទេសចរណ៍កម្ពុជា មានប្រសាសន៍ថា ទោះបីជាប្រទេសទាំងពីរប្រឈមមុខនឹងបញ្ហាថ្មីៗនៃជំងឺ កូវីដ-១៩ ក្នុងកំឡុងប៉ុន្មានឆ្នាំចុងក្រោយនេះក៏ដោយ ក៏កិច្ចសហប្រតិបត្តិការទ្វេភាគី មិនថមថយបន្តិចឡើយ ប៉ុន្តែកាន់តែរឹងមាំងជាងមុនទៅទៀត។ លោកបន្តថា សព្វថ្ងៃនេះ ទាំងឥណ្ឌា និងកម្ពុជាកំពុងសម្លឹងមើលការពង្រឹង និងស្តារសេដ្ឋកិច្ចឡើងវិញ ក្នុងការធ្វើកិច្ចសហប្រតិបត្តិកាន់តែស៊ីជម្រៅលើគ្រប់វិស័យ ចាប់ពីវិស័យ ពាណិជ្ជកម្ម និងការវិនិយោគ រហូតដល់វិស័យការពារជាតិ និងសន្តិសុខ។

លោក ប៉ាក់ សុខុម មានប្រសាសន៍បន្តថា តាមរយៈព្រឹត្តិការណ៍យោគះនេះ កម្ពុជាបានចូលរួមអបអរជាមួយបណ្តាប្រជាជាតិនានានៅក្នុងពិភពលោក ហើយគោលដៅទេសចរណ៍របស់កម្ពុជា “ព្រះរាជាណាចក្រអច្ឆរិយៈ ប្រកបដោយភាពកក់ក្តៅ” នឹងត្រូវបានធ្វើការផ្សព្វផ្សាយដល់ភ្ញៀវទេសចរអន្តរជាតិរាប់លាននាក់នៅទូទាំងពិភពលោកបានស្គាល់កម្ពុជាបន្ថែមទៀត។

គួរបញ្ជាក់ថា ក្នុងព្រឹត្តិការណ៍ យោគះអន្តរជាតិនេះ មានការអញ្ជើញចូលរួមពី អនុរដ្ឋមន្ត្រីការបរទេសឥណ្ឌា ស្ថានទូតឥណ្ឌាប្រចាំនៅកម្ពុជា រដ្ឋលេខាធិការក្រសួងទេសចរណ៍ តំណាងក្រសួងអប់រំយុវជននិងកីឡា ក្រុមប្រឹក្សាខេត្ត គណៈអភិបាលខេត្ត អាជ្ញាធរជាតិអប្សរា សហភាពសហព័ន្ធយុវជនកម្ពុជាខេត្ត សិស្ស និសិត្យមកពីសាកលវិទ្យាល័យក្នុងខេត្ត ប្រមាណ ៥០០ នាក់៕

អត្ថបទ៖ គឿនវេត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ៥ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ៦ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៦ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៧ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម