ព័ត៌មានជាតិ
គ.ជ.ប ត្រៀមរៀបចំការងារបោះឆ្នោតថ្នាក់ជាតិអាណត្តិក្រោយឱ្យរួចរាល់
រាជរដ្ឋាភិបាលកម្ពុជាបានសម្រេចរួចហើយសម្រាប់កាលបរិច្ឆេទ នៃការបោះឆ្នោតជ្រើសតាំងតំណាងរាស្រ្តសម្រាប់នីតិកាលទី៧ នៃរដ្ឋសភា ដោយកំណត់យកថ្ងៃអាទិត្យទី ២៣ ខែកក្កដា ឆ្នាំ ២០២៣ ក្នុងនោះ ដើម្បីឲ្យការងារនេះ បានប្រព្រឹត្តទៅដោយជោគជ័យ គណៈកម្មាធិការជាតិរៀបចំការបោះឆ្នោត (គ.ជ.ប) បានធ្វើកិច្ចការមួយចំនួនហើយ សម្រាប់ការបោះឆ្នោតដ៏សំខាន់មួយនេះ។
លោក សោម សូរីដា អគ្គលេខាធិការរងនិងជាអ្នកនាំពាក្យគណៈកម្មាធិការជាតិរៀបចំការបោះឆ្នោតបានមានប្រសាសន៍ប្រាប់កម្ពុជាថ្មីថា ទន្ទឹមគ្នាដឹងការរៀបចំការបោះឆ្នោតក្រុមប្រឹក្សាឃុំសង្កាត់ អាណត្តិទី៥ ឆ្នាំ២០២២ ដែលទើបតែបញ្ចប់ទៅថ្មីៗនេះ គ.ជ.ប បានរៀបចំសេចក្តីព្រាងប្រតិទិនការងារ សម្រាប់ការបោះឆ្នោតជ្រើសតាំងតំណាងរាស្រ្តនីតិកាលទី៧ រួមជាមួយសេចក្តីព្រាងនៃការកំណត់មួយចំនួននៅក្នុងផែនការមេសម្រាប់ការបោះឆ្នោតជ្រើសតាំងតំណាងរាស្ត្រនីតិកាលទី៧នេះផងដែរ។
បើតាមលោក សោម សូរីដា ក្រោយពីទទួលបានផែនការ ដែលកំណត់ដោយរាជរដ្ឋាភិបាល ដែលបានកំណត់យកថ្ងៃអាទិត្យ ទី២៣ ខែកក្កដា ឆ្នាំ២០២៣ ជាកាលបរិច្ឆេទ នៃបោះឆ្នោតជ្រើសតាំងតំណាងរាស្រ្តនីតិកាលទី៧ គ.ជ.ប នឹងបញ្ចប់កិច្ចការរបស់ខ្លួន គឺបញ្ចប់ប្រតិទិននៃការបោះឆ្នោត រួមជាមួយផែនការមេសម្រាប់ការបោះឆ្នោត និងការកំណត់ពេលវេលាទៅតាមកាលបរិច្ឆេទ ដែលទើបទទួលបាននាថ្ងៃម្សិលមិញនេះ។
ជាបន្តទៀត គ.ជ.ប នឹងចាត់ចែងការងារមួយចំនួនទៀត ពាក់ព័ន្ធការងារច្បាប់បទបញ្ជា នីតិវិធី និងសៀវភៅណែនាំផ្សេងៗពាក់ព័ន្ធទៅនឹងការបោះឆ្នោតជ្រើសតាំងតំណាងរាស្ត្រ រួមជាមួយកិច្ចការផ្សេងៗទៀត ដែលត្រូវរៀបចំឱ្យហើយ ជាពិសេសគឺការរៀបចំបញ្ជីបោះឆ្នោត ដែលបញ្ជីបោះឆ្នោតនេះ នឹងចាប់ផ្ដើមធ្វើនៅខែតុលាឆ្នាំ២០២២ រហូតដល់ខែកុម្ភៈ ឆ្នាំ២០២៣។
លោក សោម សូរីដា បញ្ជាក់ថា ការងារជាបន្ទាប់ គឺធ្វើតាមការកំណត់នៅក្នុងប្រតិទិន ដែល គ.ជ.ប បានរៀបចំឡើងសម្រាប់ការបោះឆ្នោតជ្រើសតាំងតំណាងរាស្រ្ត នីតិកាលទី៧៕
អត្ថបទ៖ កោះកែវ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១៦ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore