ព័ត៌មានជាតិ
អាជ្ញាធរមីនដាក់ពង្រាយកម្លាំងបោសសម្អាតមីននៅឃុំប៉ោយចារនៅថ្ងៃច័ន្ទដើមសប្ដាហ៍ក្រោយ
ក្នុងនាមប្រជាពលរដ្ឋស្រុកភ្នំស្រុក ខេត្តបន្ទាយមានជ័យ ក៏ដូចជាប្រជាពលរដ្ឋកម្ពុជាទូទាំងប្រទេស លោកទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន បានសម្តែងនូវការដឹងគុណ និងកត្តញ្ញូតាធម៌ដ៏ខ្ពង់ខ្ពស់ជូនចំពោះសម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ដែលបានផ្តល់នូវសុខសុវត្ថិភាព និងជួយសង្រ្គោះអាយុជីវិតរបស់ប្រជាពលរដ្ឋស្ថិតក្នុងតំបន់អាងទឹកត្រពាំងថ្ម ឃុំប៉ោយចារ ស្រុកភ្នំស្រុក ឲ្យរួចផុតពីគ្រោះថ្នាក់ដោយសារមីន និងប្រែក្លាយតំបន់នេះ ទៅជាតំបន់អស់មីន និងផ្តល់សុវត្ថិភាពដល់ការអភិវឌ្ឍ លើផ្ទៃដីមានមីនចំនួន ២៤,៥ ហិកតា នារយៈពេលប៉ុន្មានខែដ៏ខ្លីខាងមុខនេះ។
បន្ទាប់ពីទទួលនូវអនុសាសន៍ណែនាំដ៏ខ្ពង់ខ្ពស់របស់សម្តេចតេជោ នៅព្រឹកថ្ងៃទី ១ ខែមិថុនានេះ លោកទេសរដ្ឋមន្រ្តី លី ធុជ បានធ្វើការទំនាក់ទំនងជាមួយលោក អ៊ុំ រាត្រី អភិបាលខេត្តបន្ទាយមានជ័យ និងលោក ហេង រតនា អគ្គនាយកនៃមជ្ឈមណ្ឌលសកម្មភាពកំចាត់មីនកម្ពុជា សហការជាមួយអាជ្ញាធរមីន ចាត់វិធានការដោះស្រាយភ្លាមៗ និងដាក់ពង្រាយកម្លាំងបោសសម្អាតនាថ្ងៃចន្ទទី០៤ ខែកក្កដា ឆ្នាំ២០២២ សប្តាហ៍ក្រោយនេះ។
លោកទេសរដ្ឋមន្រ្តី បានបញ្ជាក់បន្ថែមទៀត “មិនត្រឹមតែតំបន់អាងទឹកត្រពាំងថ្ម អស់មីនប៉ុណ្ណោះទេ គឺត្រូវបោសសម្អាត និងប្រកាសស្រុកភ្នំស្រុកទំាំងមូល ជាស្រុកអស់មីន តែម្តង លើផ្ទៃដីមានមីនចំនួន ២៥,១ ហិកតា”។
លោកទេសរដ្ឋមន្រ្តី បន្តទៀតថា សម្តេចតេជោ មិនត្រឹមតែរំដោះប្រទេសជាតិចេញពីរបបប្រល័យពូជសាសន៍ និងផ្តល់សុខសន្តិភាពជូនប្រជាពលរដ្ឋប៉ុណ្ណោះទេ សម្តេចតេជោ ថែមទាំងតែងតែយកចិត្តទុកដាក់អំពីទុក្ខលំបាករបស់ប្រជាពលរដ្ឋគ្រប់ពេលវេលា និងចង់ឃើញប្រជាពលរដ្ឋទាំងអស់ទាំងនៅក្នុងទីប្រជុំជន និងជនបទរស់នៅប្រកបដោយសុវត្ថិភាពគ្រប់គ្នា រួចផុតពីគ្រោះថ្នាកដោយសារមីន និងសំណល់ជាតិផ្ទុះពីសង្រ្គាម៕
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៦ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore