ព័ត៌មានជាតិ
៣ ខេត្តរងគ្រោះជំនន់ទឹកភ្លៀង លិចផ្ទះជាង ៤០ ខ្នង និងដំណាំស្រូវ ៧០ ហិកតា
ជំនន់ទឹកភ្ញៀវថ្មីៗនេះបានបណ្តាលឱ្យប៉ះពាល់ដល់ខេត្តចំនួន ៣ ធ្វើឱ្យលិចផ្ទះប្រជាពលរដ្ឋជាង ៤០ គ្រួសារ លិចសន្ទូង និងស្រូវពង្រោះប្រមាណ ៧០ ហិកតា។
លោក សុទ្ធ គឹមកុលមុនី អ្នកនាំពាក្យ គណៈកម្មាធិការជាតិគ្រប់គ្រងគ្រោះមហន្តរាយ មានប្រសាសន៍នៅព្រឹកថ្ងៃទី ១៣ ខែកក្កដា ឆ្នាំ ២០២២ នេះថា គិតត្រឹមល្ងាចថ្ងៃទី ១២ ខែកក្កដា ឆ្នាំ ២០២២ នេះ ជំនន់ទឹកភ្លៀងបានប៉ះពាល់ដល់ខេត្ត ខេត្តព្រះសីហនុ ខេត្តក្រចេះ និងខេត្តឧត្តរមានជ័យ។ ក្នុងនោះខេត្តព្រះសីហនុ មានទឹកហូរកាត់លើកំណាត់ផ្លូវជាតិលេខខ ៤ ត្រង់ចំណុចស្ពានសំរោង ចន្លោះគីឡូម៉ែត្រលេខ ១១៥ និង ១១៦ ស្ថិតក្នុងភូមិសាស្ត្រ ស្រុកកំពង់សិលា ហើយបានលិចលង់ផ្ទះប្រជាពលរដ្ឋចំនួន ៤២ ខ្នង តែមិនបណ្តាលឱ្យប៉ះពាល់ដល់អាយុជីវិតមនុស្ស និងសត្វទេ។
លោកបានបន្តថា ចំណែកនៅខេត្តក្រចេះវិញ ជំនន់ទឹកភ្លៀងបានបង្កឱ្យប៉ះពាល់ ២១ គ្រួសារ សន្ទូង និងស្រូវពង្រោះចំនួន ៧០ ហិកតា។ ក្នុងនោះនៅ ភូមិកន្ទួត ចំនួន ៤៨ ហិកតា និងនៅ ភូមិអន្លង់វៀន ចំនួន ២២ ហិកតា។
លោកបានបន្តទៀតថា រីឯខេត្តឧត្តរមានជ័យវិញ ប៉ះពាល់ដល់ស្ពានមួយកន្លែងនៅស្រុកអន្លង់វែង ដែលអាចប្រឈមនឹងបាក់ស្រុតដោយសារទឹកជំនន់ទឹកភ្លៀងនេះ។
លោកបានបន្ថែមថា ក្នុងការដោះស្រាយបញ្ហានេះ គណៈកម្មាធិការជាតិគ្រប់គ្រងគ្រោះមហន្តរាយ បានណែនាំដល់បណ្តាលេខាធិការដ្ឋានគ្រប់គ្រងគ្រោះ មហន្តរាយនៅតាមបណ្តាខេត្ត ឱ្យត្រៀមធ្វើអន្តរាគមន៍ជម្លៀសប្រជាពលរដ្ឋ និងតាមស្ថានភាពទឹកជំនន់ទឹកភ្លៀងជាប់ជាប្រចាំ ដើម្បីមានវិធានការអន្តរាគមន៍ឱ្យបានទាន់ពេលវេលានៅពេលមានគ្រោះទឹកជំនន់កើតឡើង៕
អត្ថបទ៖ សំអឿន
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ