Connect with us

ព័ត៌មានជាតិ

រដ្ឋមន្ត្រីការងារ៖ ជនបរទេសធ្វើការនៅកម្ពុជា នៅមិនទាន់អនុវត្តរបបប្រាក់សោធនបាននៅឡើយ

បានផុស

នៅ

រដ្ឋមន្ត្រីក្រសួងការងារនិងបណ្តុះបណ្តាលវិជ្ជាជីវៈ បានអះអាងថា ជនបរទេសដែលកំពុងធ្វើការនៅប្រទេសកម្ពុជា នៅមិនទាន់អាចអនុវត្តរបបសន្តិសុខសង្គមផ្នែកប្រាក់សោធននិវត្តន៍បាននៅឡើយទេ។

លោកបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានមានប្រសាសន៍បន្តថា បច្ចុប្បន្ននេះយើងកំពុងរៀបចំការចចារពីបញ្ហារបបសន្តិសុខសង្គមនេះជាមួយដៃគូនានា ពិសេសប្រទេស CLMTV ដែលមានប្រទេស​កម្ពុជា ឡាវ មីយ៉ានម៉ា ថៃ និងវៀតណាម ដើម្បីធ្វើការរភ្ជាប់ប្រព័ន្ធសន្តិសុខសង្គមពីប្រទេសមួយទៅប្រទេសមួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោករដ្ឋមន្ត្រីបានបន្តទៀតថា ប៉ុន្តែនៅចំពោះមុខយើងអនុវត្តដូចបណ្តាប្រទេសមួយចំនួនដូចជា កូរ៉េ និងជប៉ុន នៅពេលដែលពលករកម្ពុជាទៅធ្វើការនៅប្រទេសទាំងនោះ ពេលពលករវិលត្រឡប់មកប្រទេសវិញ នឹងទទួលបានប្រាក់អតីតភាពការងារពេញលេញដោយគិតទៅតាមចំនួនឆ្នាំរបស់ពលករម្នាក់ៗ។

លោករដ្ឋមន្ត្រីបានបន្ថែមថា ដូចគ្នាដែរចំពោះជនបរទេសដែលធ្វើការនៅប្រទេសកម្ពុជា ពេលគាត់វិលត្រឡប់ទៅប្រទេសគាត់វិញអតីតភាពការងារប៉ុន្មានឆ្នាំដែលគាត់មានយើងនឹងបើកផ្តាច់ឱ្យគាត់ទាំងអស់ដូចពលករខ្មែរធ្វើការនៅកូរ៉េ និងជប៉ុនដែរ។ លោករដ្ឋមន្ត្រីបានបញ្ជាក់ថា ការអនុវត្តរបបសន្តិសុខសង្គមផ្នែកប្រាក់សោធនសម្រាប់បុគ្គលទាំងឡាយដែលស្ថិតនៅក្រោមបទប្បញ្ញត្តិនៃច្បាប់ស្តីពីការងារនេះ កម្ពុជា បានប្រកាសអនុវត្តនៅថ្ងៃទី១ ខែកក្កដា ឆ្នាំ២០២២ តែទុកពេលឱ្យ ៣​ខែសម្រាប់ការផ្សព្វផ្សាយដើម្បីឱ្យកម្មករនិយោជិត និយោជក និងអង្គការវិជ្ជាជីវៈ បានយល់ដឹងពីកាតព្វកិច្ចនិងផលប្រយោជន៍របស់គាត់ដើម្បីឱ្យការអនុវត្តប្រព្រឹត្តិទៅដោយរលូន។

លោករដ្ឋមន្ត្រីបានបន្តទៀតថា ការអនុវត្តប្រាក់សោធននេះ តម្រូវឱ្យមានកាតព្វកិច្ចបង់វិភាគទានចំនួន៤ភាគរយក្នុងនោះនិយោជកបង់២ភាគរយ និងកម្មករបង់ត្រូវ២ភាគរយនៃប្រាក់ឈ្មួលកម្មករនិយោជិតម្នាក់ៗ។ លោករដ្ឋមន្ត្រីបានបញ្ជាក់ថា បច្ចុប្បន្ននេះមានកម្មករនិយោជិតក្នុងនិងក្រៅប្រព័ន្ធប្រមាណជាង២លាននាក់បានចុះឈ្មោះជាមួយ ប ស ស ហើយអ្នកទាំងនេះនៅពេលប្រកាសឱ្យអនុវត្តជាផ្លូវការនៅខែតុលា ឆ្នាំ២០២២ខាងមុខនេះ នឹងក្លាយជាស្វ័យប្រវត្តិជាសមាជិកនៃរបបសោធននិវត្តន៍តែម្តង។

សូមរំលឹកថា កន្លងមកនេះប្រទេសCLMTVបានប្តេជ្ញាពង្រឹងកិច្ចសហប្រតិបត្តិការឱ្យកាន់តែប្រសើរលើកិច្ចគាំពារពលករ
ទេសន្តរប្រវេសន៍តាមរយៈការដាក់ចេញនូវយន្តការចល័តភាពរបបសន្តិសុខសង្គម។ ប៉ុន្តែនៅមិនទាន់បានពិភាក្សាទៅលើបញ្ហាអតីភាពការងាររបស់ពលករនិងប្រាក់សោធននិវត្តន៍នៅឡើយទេ៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

វប្បធម៌ ជំនឿ៤ នាទី មុន

សមុច្ច័យ ១១មុខ នៃតម្បាញសូត្រខ្មែរ នឹងដាក់បង្ហាញនៅសារមន្ទីរវាយនភណ្ឌប្រពៃណីអាស៊ី

សន្តិសុខសង្គម២៣ នាទី មុន

តុលាការសម្រេចឃុំខ្លួនមេតុងទីនម្នាក់ ដាក់ពន្ធនាគារជាបណ្ដោះអាសន្ន

ព័ត៌មានជាតិ៣៧ នាទី មុន

កម្ពុជា ត្រៀមថវិកាជាង ១០០លានដុល្លារសម្រាប់​​ធ្វើជាម្ចាស់ផ្ទះ​កីឡាស៊ីហ្គេម

ព័ត៌មានអន្ដរជាតិ៤៣ នាទី មុន

ប៉ូឡូញ ថា ទោះ អាល្លឺម៉ង់ មិនជួយផ្ដល់អាវុធក៏ អ៊ុយក្រែន និងអឺរ៉ុប ឈ្នះ​សង្គ្រាមលើ រុស្ស៊ី ដែរ

ព័ត៌មានជាតិ៤៤ នាទី មុន

សម្ដេចតេជោ ៖ បើកប្រាក់បៀវត្សតាមធនាគារ អាចការពារសុវត្ថិភាពនៃការដឹកប្រាក់ ផង និងដើម្បីប្រយុទ្ធប្រឆាំងអំពើពុករលួយ ផង

Sokha Hotels

ព័ត៌មានពេញនិយម