Connect with us

ព័ត៌មានជាតិ

ដើមខែ​ក្រោយនេះ សហរដ្ឋអាមេរិក នឹង​ប្រគល់​វត្ថុ​បុរាណ​ខ្មែរ​ចំនួន​៣០​ដុំ មក​ឲ្យ​កម្ពុជា​វិញ

បានផុស

នៅ

លោក កែវ ឈា ឯកអគ្គរាជទូត​វិសាមញ្ញ និង​ពេញ​សមត្ថភាព នៃ​ព្រះរាជាណាចក្រ​កម្ពុជា​ប្រចាំ​សហរដ្ឋអាមេរិក​បាន​ឲ្យ​ដឹង​ថា នៅ​ថ្ងៃទី​០៨ ខែសីហា ឆ្នាំ​២០២២ ខាងមុខនេះ សហរដ្ឋអាមេរិក នឹង​ប្រគល់​វត្ថុ​បុរាណ​ខ្មែរ​ចំនួន​៣០​ដុំ មក​ឲ្យ​កម្ពុជា​វិញ ដែល​ពិធី​ប្រគល់ និង​ទទួល​នេះ នឹងធ្វើ​ឡើង​នៅ​ទីក្រុង​ញូយ៉ក សហរដ្ឋអាមេរិក ហើយ​ក្នុងចំណោម​វត្ថុ​បុរាណ​ខ្មែរ​ចំនួន​៣០​ដុំ​នោះ ក៏មាន​ព្រះ​ស្កន្ទ​ដា​ជិះ​ក្ងោក​ផងដែរ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទាក់ទង​បញ្ហា​នេះ លោក ហាប់ ទូច រដ្ឋលេខាធិការ​ក្រសួង​វប្បធម៌ និង​វិចិត្រសិល្បៈ បាន​មាន​ប្រសាស​ន៍​ប្រាប់​កម្ពុជា​ថ្មី​នៅ​រសៀល​ថ្ងៃទី​១៨ ខែកក្កដា នេះ​ថា ទាក់ទង​បញ្ហា​ខាងលើនេះ យើង​គ្រោង​រៀបចំ​ពិធី​ប្រគល់ និង​ទទួល​មួយ​នៅ​ថ្ងៃទី​០៨ ខែសីហា ខាងមុខ ហើយ​លោក​ក៏​គ្រោង​ធ្វើជា​តំណាង​ទៅ​ទទួល​នៅក្នុង​ពិធី​នោះដែរ ប៉ុន្តែ​ដោយសារ​លោក​មានការ​រ​វល់​ច្រើន ហើយ​ក្រសួង​វប្បធម៌ និង​វិចិត្រសិល្បៈ ក៏បាន​ស្នើ​ទៅ​ក្រសួងការបរទេស ដើម្បី​ស្នើ​សុំឱ្យ​ឯកអគ្គរាជទូត​កម្ពុជា​ប្រចាំ​សហរដ្ឋអាមេរិក​ចូលរួម តំណាង​ឲ្យ​រាជរដ្ឋាភិបាល​កម្ពុជា​តែម្ដង ហើយ​លោកជំទាវ​រដ្ឋមន្ត្រីក្រសួង​វប្បធម៌ នឹងចូលរួម​តាម Zoom ពី​កម្ពុជា​។

លោក ហាប់ ទូច បាន​បញ្ជាក់​ដែរ​ថា វត្ថុ​បុរាណ​ខ្មែរ​ដែល​គ្រោង​រៀបចំ​ពិធី​ប្រគល់ និង​ទទួល​នោះ មាន​មាន​ចំនួន​៣០​ដុំ ហើយ​ក្នុង​នោះ ក៏មាន​រូប​ព្រះ​ស្កន្ទ​ជិះ​ក្ងោក ដែលមាន​ទំហំ​ធំ និង​តម្លៃ​ជាងគេ​ផងដែរ​។ លោក​បាន​អះអាងថា វត្ថុ​បុរាណ​ទាំងនេះ ក្រោយពី​រឹបអូស​បាន ត្រូវ​ដំណើរការ​នៅ​តុលាការ​អស់​រយៈពេល​យូរ ហើយ​មក​ពេលនេះ​បានបញ្ចប់​ហើយ ទើប​មានការ​ឯកភាពគ្នា​រៀបចំ​ពិធី​ប្រគល់ និង​ទទួល​ជា​ផ្លូវការ​៕

ដោយ ៖ កោះ​កែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម