ព័ត៌មានជាតិ
លោក ចម ប្រសិទ្ធ ជំរុញឲ្យការសង់រោងចក្រប្រព្រឹត្តិកម្មទឹកស្អាត ប្រកបដោយគុណភាព និងប្រសិទ្ធិភាពខ្ពស់
លោកទេសរដ្ឋមន្រ្តី ចម ប្រសិទ្ធ បានស្នើ និងជំរុញឲ្យការអនុវត្តគម្រោងសាងសង់ស្ថានីយ៍បូមទឹកឆៅ រោងចក្រប្រព្រឹត្តិកម្មទឹកស្អាត និងបណ្តាញទឹកស្អាត ដំណើរការឲ្យស្របតាមកិច្ចសន្យា ប្រកបដោយ គុណភាព ប្រសិទ្ធិភាពខ្ពស់ ដោយសាម៉ីក្រសួងនឹងខិតខំសហការឲ្យបានរលូន ជោគជ័យ តាមការគ្រោងទុក។
លោកទេសរដ្ឋមន្រ្តី ចម ប្រសិទ្ធ បានស្នើ និងជំរុញបែបនេះ គឺនៅក្នុងពិធីចុះហត្ថលេខាលើកិច្ចសន្យាសាងសង់ស្ថានីយ៍បូមទឹកឆៅ រោងចក្រប្រព្រឹត្តិកម្មទឹកស្អាត និងបណ្តាញ ទឹកស្អាត ក្នុងខេត្តបាត់ដំបង រវាងក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងក្រុមហ៊ុន China Civil Engineering Construction Corporation ហៅកាត់ថា CCECC កាលពីរសៀលថ្ងៃទី ១៨ ខែកក្កដា ឆ្នាំ ២០២២។
តាមរបាយការណ៍រាយការណ៍ដោយលោក រស់ សាលីន អនុរដ្ឋលេខាធិការ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងជានាយកគម្រោងទឹកស្អាត និងអនាម័យខេត្ត បានបញ្ជាក់ថា គម្រោងទឹកស្អាត និងអនាម័យ ខេត្ត (PWSSP) ជាគម្រោងហិរញ្ញប្បទានសម្បទាន គ្រប់គ្រងដោយធនាគារអភិវឌ្ឍអាស៊ី ADB ដែលមានក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ គឺជាភ្នាក់ងារប្រតិបត្តិ (Executing Agency) ទទួលបន្ទុករួម និងអនុវត្តការងារផ្គត់ផ្គង់ទឹកស្អាត។
ចំណែកក្រសួងសាធារណៈការ និងដឹកជញ្ជូន ជាភ្នាក់ងារអនុវត្តគម្រោង (Implementing Agency) អនុវត្តការងារអនាម័យ។ គម្រោងនេះអនុវត្តនៅ ៤ខេត្តគឺ៖ បាត់ដំបង កំពង់ចាម ព្រះសីហនុ និងសៀមរាប ដោយឡែក ចំពោះការងារទឹកស្អាត ត្រូវអនុវត្តតែនៅខេត្តពីរគឺ ខេត្តបាត់ដំបង និងកំពង់ចាមប៉ុណ្ណោះ។
លោកបានទៀតថា គម្រោងនេះ ត្រូវបានចុះហត្ថលេខាតាំងពីថ្ងៃ ៩ ខែមករា ឆ្នាំ ២០១៨ ហើយត្រូវបញ្ចប់នៅត្រឹមថ្ងៃទី ៣០ ខែមិថុនា ឆ្នាំ ២០២៣ មានថវិកាសរុប ១១៩,១៧លានដុល្លារអាមេរិក ដែលរួមមាន៖ ឥណទានរបស់ ADB លេខ 3630-CAM (COL) ចំនួន ៥0លានដុល្លារ ឥណទានពីទីភ្នាក់ងារអភិវឌ្ឍន៍បារាំង (AFD) លេខ 8335-CAM (CKH 1188 01 V) គ្រប់គ្រងដោយធនាគារ ADB ចំនួន ៤0លានយូរ៉ូ ឬប្រហែល ៤៣,៥៤ លានដុល្លារអាមេរិក ជំនួយឥតសំណងរបស់សហគមន៍អឺរ៉ុប លេខ G0561-CAM ចំនួន ៤,៦៧លានយូរ៉ូ ឬប្រហែល ៥,០៩លានដុល្លារអាមេរិក។
លោកជឿជាក់ថា ផលប្រយោជន៍រំពឹងទុកថា ទទួលបានពីគម្រោងគឺ៖ ការលើកកម្ពស់បរិស្ថានទីក្រុង និងគុណភាពជីវិតរបស់ប្រជាជននៅទីប្រជុំជន ដោយត្រូវកសាងនូវសមិទ្ធផល នៅខេត្តបាត់ដំបង៖ គឺកសាងរោងចក្រប្រព្រឹត្តិកម្មទឹកស្អាតថ្មី មានសមត្ថភាពផលិត ៥០០០០ម៣/ថ្ងៃ និងបណ្ដាញចែកចាយទឹកស្អាតប្រវែង ១២៥,៥៥គម។
លោកទេសរដ្ឋមន្រ្តី ចម ប្រសិទ្ធ បានថ្លែងអំណរគុណចំពោះម្ចាស់ជំនួយ និងកិច្ចសហការគ្នាល្អ។ បើទោះបីគម្រោងនេះ មានការអនុវត្តយឺតយ៉ាវ ដោយកត្តាមេរោគរាតត្បាតកូវីដ-១៩ និងបញ្ហានីតិវិធីមួយចំនួនក៏ដោយ តែពេលនេះយើងឈានដល់ការចុះកិច្ចសន្យាមួយ។ លោកទេសរដ្ឋមន្រ្តី បានចាត់ទុក ថា គម្រោងនេះមានសារៈសំខាន់ សម្រាប់ជំរុញគោលដៅអភិវឌ្ឍទឹកស្អាត របស់រាជរដ្ឋាភិបាលម្រាប់ឆ្នាំ ២០២៥ និងគោលដៅអភិវឌ្ឍន៍ទឹកស្អាត ជាសាកលសម្រាប់ឆ្នាំ ២០៣០ ខាងមុខ។
លោកទេសរដ្ឋមន្រ្តី ចម ប្រសិទ្ធ បានស្នើ និងជំរុញឲ្យការអនុវត្តគម្រោងនេះ ដំណើការឲ្យស្របតាមកិច្ចសន្យា ប្រកបដោយគុណភាព ហើយសាម៉ីក្រសួងនឹងខិតខំសហការឲ្យបានរលូន និងជោគជ័យ តាមការគ្រោងទុក៕
អត្ថបទ៖ វិមាន
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore