ព័ត៌មានជាតិ
កម្ពុជា នឹងរៀបចំកិច្ចសន្ទនាយុវជនអាស៊ានលើកទី១ រយៈពេល២ថ្ងៃ នៅក្នុងខេត្តសៀមរាប
កិច្ចសន្ទនាយុវជនអាស៊ានលើកទី១ ក្រោមមូលបទ«យុវជនក្នុងយុគ្គសម័យបដិវត្តន៍ឧស្សាហកម្ម៤.០ កាលានុវត្តភាព និងការប្រឈម ក្នុងការស្តារឡើងវិញក្រោយជំងឺរាតត្បាតជាសកល» នឹងរៀបចំធ្វើឡើងនៅថ្ងៃទី២៨ និងថ្ងៃទី២៩ ខែកក្កដា ឆ្នាំ២០២២ ខាងមុខនេះ នៅខេត្តសៀមរាប។ នេះបើតាមសេចក្តីប្រកាសព័ត៌មានរបស់ក្រសួងអប់រំ យុវជន និងកីឡា កាលពីថ្ងៃទី១៨ ខែកក្កដា ឆ្នាំ២០២២។
ក្រសួងអប់រំ យុវជន និងកីឡា បានលើកឡើងថា កិច្ចសន្ទនាយុវជនអាស៊ានលើកទី១នេះ ប្រព្រឹត្តទៅក្នុងគោលបំណងផ្តល់ជាវេទិការសម្រាប់យុវជនអាស៊ាន និងសាធារណរដ្ឋកូរ៉េ ដើម្បីចូលជួបពិភាក្សា ផ្តល់អនុសាសន៍ និងផ្លាស់ប្តូរយោបល់គ្នា ជាមួយរដ្ឋមន្រ្តីយុវជនអាស៊ាន-សាធារណរដ្ឋកូរ៉េ និងដៃគូសន្ទនាជាន់ខ្ពស់សំខាន់ៗជាច្រើន។ ម្យ៉ាងវិញទៀត គឺដើម្បីជាការអបអរសាទរភាពជាប្រធានប្តូរវេនអាស៊ានរបស់កម្ពុជា ក្នុងឆ្នាំ២០២២ ក្រោមមូលបទ«អាស៊ានរួមគ្នាធ្វើ ដោះស្រាយបញ្ហាប្រឈមទាំងអស់គ្នា» នៅក្នុងក្រមខណ្ឌសសរស្តម្ភសហគមន៍សង្គម-វប្បធម៍អាស៊ាន ក្រោមកិច្ចសហការជាមួយលេខាធិការដ្ឋានអាស៊ាន និងការគាំទ្រពីរដ្ឋាភិបាលនៃសាធារណរដ្ឋកូរ៉េ។ ពិសេសនោះគឺ ការផ្តោតទៅលើវិធីសាស្រ្តក្នុងការស្វែងរកអត្ថប្រយោជន៍ និងកាលានុវត្តភាព ដែលកើតចេញពីឧស្សាហកម្ម៤.០ ព្រមទាំងដោះស្រាយបញ្ហាប្រឈមដែលបានកើតឡើងពីជំងឺរាតត្បាតជាសកល។
កិច្ចសន្ទនានេះ ក៏នឹងលើកឡើងនូវអនុសាសន៍គោលនយោបាយលើបញ្ហាប្រឈមរួមក្នុងតំបន់មួយដែលនឹងបន្តដាក់ជូនកិច្ចប្រជុំឧត្តមមន្រ្តីយុវជនអាស៊ាន (SOMY) កិច្ចប្រជុំឧត្តមមន្រ្តីយុវជនអាស៊ានបូកបី(SOMY+3) ក៏ដូចជាកិច្ចប្រជុំរដ្ឋមន្រ្តីអាស៊ាន (AMMY) ដើម្បីចូលរួមចំណែកការអនុវត្តផែនការសកម្មភាពយុវជនអាស៊ាន យុវជនអាស៊ានបូកបី និងយុវជនអាស៊ាន-សាធារណរដ្ឋកូរ៉េ ២០២១-២០២៥ ដែលមានអ្នកចូលរួមប្រមាណ២០០នាក់ បួករួមទាំងមន្រ្តី និងយុវជនពីបណ្តាប្រទេសអាស៊ានទាំង១០៕
ដោយ៖ ឌឿនចាន់ ថារី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ