ព័ត៌មានជាតិ
មេបញ្ជាការកងទ័ពពិសេសហ្វីលីពីន ទស្សនកិច្ចនៅតំបន់សាលាហ្វឹកហ្វឺនតេជោសែនជុំគិរី
តបតាមការអញ្ជើញរបស់លោកឧត្តម សេនីយ៍ឯក ម៉ៅ សុផាន់ មេបញ្ជាការរងកងទ័ពជើងគោក មេបញ្ជាការកងពលតូចលេខ ៧០ ប្រតិភូកងទ័ពហ្វីលីពីន ដឹកនាំដោយលោកឧត្តមសេនីយ៍ត្រី MONICO E ABANG មេបញ្ជាការវរសេនាធំប្រឆាំងភេរវកម្ម នៃបញ្ជាការដ្ឋានប្រតិបត្តិការពិសេស កងទ័ពហ្វីលីពីន (LIGHT REACTION REGIMENT SOCOMAFP) បានទៅទស្សនកិច្ចនៅតំបន់សាលាហ្វឹកហ្វឺនតេជោសែន ជុំគិរី និងមូលដ្ឋានកងយោធពលខេមរភូមិន្ទ តេជោសែន ភ្នំធំម្រះព្រៅ។
ទស្សនកិច្ចនេះ អមដោយលោកវរសេនីយ៍ឯក ហៃ សមឧត្តមសក្តិ មេបញ្ជាការវរសេនាតូចពិសេសប្រឆាំងភេរវកម្ម កងពលតូចលេខ ៧០ ក្នុងបំណងដើម្បីសិក្សាអំពីទីតាំងភូមិសាស្ត្រ ហេដ្ឋារចនាសម្ព័ន្ធ និងតម្រូវការហ្វឹកហ្វឺនជំនាញផ្សេងៗរបស់កងពលតូចលេខ ៧០។
ដំណើរទស្សនកិច្ចរបស់ប្រតិភូកងទ័ពហ្វីលីពីន នាពេលនេះ គឺជាផ្នែកមួយដ៏សំខាន់ក្នុងការអនុវត្តទិសដៅកិច្ចសហប្រតិបត្តិការ ដែលបានឯកភាពគ្នាកន្លងមកឲ្យសម្រេចបានជាផ្លែផ្កា រួមជាមួយការបន្តអនុវត្តទិសដៅកិច្ចសហប្រតិបត្តិការសំខាន់ៗមួយចំនួន ដូចជាលក្ខខណ្ឌកិច្ចសហប្រតិបត្តិការ (ToR) ការហ្វឹកហ្វឺនធនធានមនុស្ស និងការធ្វើលំហាត់រួមគ្នាជាដើម។
គួររំលឹកថា នៅក្នុងដំណើរទស្សនកិច្ចរបស់ប្រតិភូកងទ័ពហ្វីលីពីនមកកាន់កម្ពុជានេះ កាលពីថ្ងៃទី២៦ ខែកក្កដា ម្សិលមិញ លោកឧត្តមសេនីយ៍ត្រី ម៉ូនីកូ អេស្តូតា អាបាង ក៏បានជួបពិភាក្សាការងារជាមួយលោកឧត្តមសេនីយ៍ឯក ម៉ៅ សុផាន់ ផងដែរ។
នៅក្នុងជំនួបពិភាក្សាការងារនោះ លោកឧត្តមសេនីយ៍ឯក ម៉ៅ សុផាន់ បានអះអាងថា រាជរដ្ឋាភិបាលកម្ពុជា ក្រោមការដឹកនាំរបស់សម្ដេចតេជោ ហ៊ុន សែន តែងបានប្រកាន់ខ្ជាប់នូវ សន្តិភាព មិត្តភាព សហប្រតិបត្តិការ និងការអភិវឌ្ឍ ហើយតទៅអនាគតនឹងបន្តពង្រឹងពង្រីកប្រតិបត្តិការដែលមានស្រាប់ឲ្យកាន់តែជិតស្និទ្ធ និងរឹងមាំ យូរអង្វែង ដើម្បីភាពសុខដុមប្រទេសទាំងពីរ។
ជាការឆ្លើយតប លោកឧត្តមសេនីយ៍ត្រី ម៉ូនីកូ អេស្តូតា អាបាង បានថ្លែងអំណរគុណចំពោះលោកមេបញ្ជាការកងពល ដែលបានទទួលលោក និងសហការី យ៉ាងកក់ក្តៅ លោកបានប្តេជ្ញាពង្រឹងពង្រីកចំណងទាក់ទង រវាងប្រទេសទាំងពីរ ជាពិសេសលើវិស័យកងទ័ព ឲ្យកាន់តែរឹងមាំទ្វេដង៕
អត្ថបទ៖ កោះកែវ
-
សេចក្ដីជូនដំណឹង៧ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ