ព័ត៌មានជាតិ
ក្រុមប្រឹក្សាខណ្ឌទួលគោកស្នើឱ្យរដ្ឋបាលខណ្ឌពង្រឹងការរៀបចំសណ្តាប់ធ្នាប់ និងពិនិត្យរបាំងពុះចែកទ្រូងផ្លូវដែលបាក់បែក
ប្រធានក្រុមប្រឹក្សាខណ្ឌទួលគោកលោក ម៉ែន សិរីបានស្នើឱ្យរដ្ឋបាលខណ្ឌទួលគោកពង្រឹងការរៀបចំសណ្តាប់ធ្នាប់សាធារណៈនៅតាមដងផ្លូវមូលដ្ឋានឱ្យបានល្អប្រសើរ ខណៈកំណាត់ផ្លូវមួយចំនួនមានការកកស្ទះចរាចរ មិនអាចធ្វើចរាចរណ៍បានជាមួយ និងការពិនិត្យក្បាលក្លូ (របាំងពុះចែកទ្រូងផ្លូវ) ដែលបាក់ដោយប្រការផ្សេងដើម្បីតាត់បន្ថយគ្រោះថ្នាក់ចរាចរណ៍។
![](https://www.kampucheathmey.com/wp-content/uploads/2022/07/image-2022-07-29T121104.565.jpg)
ការស្នើបែបនេះរបស់លោក ម៉ែន សិរីបានធ្វើឡើយ នាព្រឹកថ្ងៃទី ២៩ ខែកក្កដា ឆ្នាំ២០២២នេះ ក្នុងកិច្ចប្រជុំសាមញ្ញលើកទី ៣៨ របស់ក្រុមប្រឹក្សាខណ្ឌទួលគោកនៅសាលាខណ្ឌទួលគោក ក្រោមវត្តមានលោក ម៉ែន សិរីប្រធានក្រុមប្រឹក្សាខណ្ឌទួលគោក និងលោកកែវ សុភា អភិបាលរងខណ្ឌទួលគោក។
លោក ម៉ែន សិរីបានមានប្រសាសន៍លើកឡើងថា៖ នៅលើកំណាត់ផ្លូវ២៤៥ កំណាត់ផ្លូវ២១៧ ខណ្ឌទួលគោក ក៏ដូចជានៅក្បែរវិទ្យាល័យឥន្ត្រទេវីជាដើម ត្រូវបានកកស្ទះចរាចរណ៍ ដោយអ្នកលក់ដូរបានយកចិញ្ចើមនិងទ្រូងផ្លូវដើម្បីលក់ដូរ។
![](https://www.kampucheathmey.com/wp-content/uploads/2022/07/image-2022-07-29T121111.693.jpg)
លោកស្នើឱ្យអភិបាលនៃគណៈអភិបាលខណ្ឌទួលគោក ដាក់កម្លាំងចុះរៀបចំសណ្តាប់ធ្នាប់ឱ្យបានប្រសើរឡើងវិញ ដើម្បីអោយប្រជាពលរដ្ឋ អាចធ្វើចរាចរណ៍ទៅមកបានស្រួល។
បន្ថែមពីនេះ ក៏ត្រូវពិនិត្យមើលក្បាលក្លូរបាំងពុះចែកទ្រូងផ្លូវដែលបាក់ដោយត្រូវជួសជុលឡើងវិញ ដើម្បីឱ្យប្រជាពលរដ្ឋអាចមើលឃើញមិនបណ្តាលឱ្យមានគ្រោះថ្នាក់ចរាចរណ៍។
![](https://www.kampucheathmey.com/wp-content/uploads/2022/07/download-2.jpg)
ក្រៅពីនេះ ក្នុងកិច្ចប្រជុំនោះ ប្រធានក្រុមប្រឹក្សាខណ្ឌទួលគោក ក៏បានជំរុញឱ្យរដ្ឋបាលខណ្ឌក៏ដូចជា ចៅសង្កាត់ទាំង១០ ចុះទៅធ្វើការផ្សព្វផ្សាយនិងជម្រុញប្រជាពលរដ្ឋឱ្យទៅទទួលយកការចាក់វ៉ាក់សាំងដុសជំរុញ ទី៣ ទី៤និងទី៥ អោយបានគ្រប់គ្នាដើម្បីចូលរួមបង្ការ និងទប់ស្តាត់ជំងឺកូវីដ-១៩ ទៅតាមការណែនាំរបស់សម្តេចតេជោហ៊ុន សែន នាយករដ្ឋមន្ត្រី។
![](https://www.kampucheathmey.com/wp-content/uploads/2022/07/image-2022-07-29T121059.189.jpg)
លោក កែវ សុភា អភិបាលរងខណ្ឌទួលគោក បានមានប្រសាសន៍លើកឡើងថា ចំពោះការរៀបចំសណ្តាប់ធ្នាប់ បរិស្ថាន នៅក្នុងមូលដ្ឋាន អាជ្ញាធរខណ្ឌទួលគោកបាននឹងកំពុងអនុវត្តជាប្រចាំ សំដៅធ្វើយ៉ាងណាអោយរាជធានីភ្នំពេញមានសណ្តាប់ធ្នាប់សោភណ្ឌភាពនិងបរិស្ថានល្អ៕
អត្ថបទ៖ ស្រីរ័ត្ន
-
សន្តិសុខសង្គម៦ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៦ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៦ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៦ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច២ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ៥ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ