ព័ត៌មានជាតិ
ប្រធានមន្ទីរសុខាភិបាលខេត្តកោះកុង ទទូចស្នើដល់ពលរដ្ឋមិនទាន់ចាក់វ៉ាក់សាំងដូសជំរុញ សូមអញ្ជើញទៅចាក់ទាំងអស់គ្នា
ប្រធានមន្ទីរសុខាភិបាលខេត្តកោះកុង បន្តទទូចប្រាប់ដល់ប្រជាពលរដ្ឋ ដែលមិនទាន់បានចាក់វ៉ាក់សាំងបង្ការជំងឺកូវីដ-១៩ ដូសទី ៤ និងដូសទី ៥ សូមអញ្ជើញទៅចាក់ទាំងអស់គ្នា គ្រាដែលក្រុមអ្នកអាទិភាព បានចាក់ដូសទី ៥រួចរាល់អស់ហើយ ។
លោកវេជ្ជបណ្ឌិត ទៅ ម៉ឹង ប្រធានមន្ទីរសុខាភិបាលខេត្តកោះកុង ឲ្យដឹងនៅថ្ងៃទី ២ ខែសីហានេះថា ល្បឿននៃការចាក់វ៉ាក់សាំង សម្រាប់អ្នកត្រូវមកទទួលដូសជំរុញ បន្តនៅយឺតយ៉ាវនៅឡើយ សម្រាប់មូលដ្ឋានខេត្តមួយនេះ។ ទោះបីជាដាក់ចេញនូវផែនការវិធីសាស្រ្តជាច្រើន ដើម្បីឱ្យថ្នាំបានដល់ភូមិ-ឃុំ សម្រាប់ពលរដ្ឋឆ្ងាយដាច់ស្រយោលយ៉ាងណាក្តី។
បើតាមលោកវេជ្ជបណ្ឌិត ទៅ ម៉ឹង ចំពោះក្រុមអាទិភាពបានចាក់ដូសទី ៥រួចរាល់អស់ហើយ ពោលនៅសេសសល់តែអ្នកដែលខកខានចាក់វ៉ាកសាំងដូសទី ៣ រហូតដល់ដូសទី ៥ មិនទាន់ស្ម័គ្រចិត្តមកចាក់ប៉ុណ្ណោះ។ ដូច្នេះលោកទទូចហើយ ទទូចទៀតដល់ពលរដ្ឋ ចៀសវាងកុំភ្លេចខ្លាច ឬសន្តិភាពជាមួយជំងឺកូវីដ-១៩ ឲ្យសោះ ពីព្រោះវាបានវិវឌ្ឍន៍បំប្លែងខ្លួនថ្មីជាបន្តបន្ទាប់។
ទន្ទឹមនោះការចាក់វ៉ាកសាំងមិនទាន់ផែនការនេះ ត្រូវបានលោកវេជ្ជបណ្ឌិត ទៅ ម៉ឹង ព្រួយបារម្ភអំពីការឆ្លងរីករាលជំងឺកូវីដ-១៩ឡើងវិញ ខណៈកម្ពុជារកឃើញអត្រាអ្នកឆ្លងច្រើនគួរសម ក្នុងមួយថ្ងៃៗ។ ប្រជាពលរដ្ឋ យុវជន កុមារ និងអ្នកពាក់ព័ន្ធ អាចមកទទួលសេវាចាក់វ៉ាក់សាំងគ្រប់ដូស តាមតម្រូវការនៅតាមមណ្ឌលសុខភាព ឬប៉ុស្តិ៍សុខភាពដែលនៅជិតផ្ទះរបស់ពួកគាត់ ក្នុងភូមិឃុំសង្កាត់នីមួយៗ។
តាមរបាយការណ៍លទ្ធផលចាក់វ៉ាក់សាំង របស់រដ្ឋបាលខេត្តកោះកុង បង្ហាញថា គិតបំណាច់ខែកក្កដា ឆ្នាំ ២០២២ មានប្រជាពលរដ្ឋ ក្រុមមន្រ្តីរាជការ គ្រូពេទ្យ និងកងកម្លាំងប្រដាប់អាវុធចំនួន ២.៩១០នាក់បានចាក់វ៉ាក់សាំងដូសទី ៥។ រីឯដូសទី ៤ បាន ១ម៉ឺន ៤ពាន់នាក់ និងដូសទី ៣ បានចាក់វ៉ាក់សាំងសរុប ៨ម៉ឺន ៥ពាន់នាក់។
ថ្មីៗនេះ លោកស្រី ឱ វណ្ណឌីន រដ្ឋលេខាធិការក្រសួងសុខាភិបាល និងតំណាងអង្គការសុខភាពពិភពលោក (WHO) ប្រចាំកម្ពុជា ក៏លើកឡើងពីការងើបឡើងវិញ នូវករណីឆ្លងជំងឺកូវីដ-១៩ នៅកម្ពុជា ដោយជំរុញឱ្យបង្កើនការការពារ និងត្រូវទទួលការចាក់វ៉ាក់សាំងកូវីដ-១៩ ឱ្យបានគ្រប់ដូសតាមការណែនាំរបស់ក្រសួង និងត្រូវអនុវត្តយ៉ាងម៉ឺងម៉ាត់នូវវិធានការ ៣ ការពារ និង ៣ កុំ៕
អត្តបទ៖ សិរីវឌ្ឍនៈ
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៤ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ