ព័ត៌មានជាតិ
រដ្ឋមន្ត្រីការបរទេសកម្ពុជា-ចិន ប្ដេជ្ញាចិត្តពង្រឹងបន្ថែមទំនាក់ទំនងទ្វេភាគីរវាងប្រទេសទាំងពីរ
រដ្ឋមន្ត្រីក្រសួងការបរទេសកម្ពុជា-ចិន បានប្ដេជ្ញាចិត្តពង្រឹងបន្ថែមនូវទំនាក់ទំនងទ្វេភាគីរវាងប្រទេសទាំងពីរ ហើយសន្យាបង្កើនកិច្ចខិតខំប្រឹងប្រែង ក្នុងកិច្ចសហប្រតិបត្តិការក្នុងតំបន់ និងអន្តរជាតិ ផងដែរ។ ការប្ដេជ្ញានេះ នៅក្នុងជំនួបរវាងលោក ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេសកម្ពុជា បានអញ្ជើញជួបពិភាក្សាទ្វេភាគីជាមួយលោក វ៉ាង យី ទីប្រឹក្សារដ្ឋ និងជារដ្ឋមន្រ្តីការបរទេសចិន កាលពីល្ងាចថ្ងៃទី ៣ ខែសីហា ឆ្នាំ ២០២២។
លោក គង់ ភោគ រដ្ឋលេខាធិការក្រសួងការបរទេសកម្ពុជា និងជាអ្នកនាំពាក្យកិច្ចប្រជុំអាស៊ាន មានប្រសាសន៍ក្នុងសន្និសីទសារព័ត៌មាន នាព្រឹកថ្ងៃទី ៤ ខែសីហានេះថា នៅក្នុងជំនួបទ្វេភាគីរវាងលោកឧបនាយករដ្ឋមន្ត្រី ប្រាក់ សុខុន ជាមួយលោក វ៉ាង យី គឺភាគីទាំងពីរ បានបង្ហាញនូវការប្ដេជ្ញាចិត្តក្នុងការពង្រឹងបន្ថែមនូវទំនាក់ទំនងទ្វេភាគីកម្ពុជា-ចិន ហើយសន្យាបង្កើនកិច្ចខិតខំប្រឹងប្រែង ក្នុងកិច្ចសហប្រតិបត្តិការក្នុងតំបន់ និងអន្តរជាតិ ជាពិសេសចំពោះវិបត្តិប្រទេសអ៊ុយក្រែន និងស្ថានភាពនៅប្រទេមីយ៉ាន់ម៉ា ដើម្បីធ្វើយ៉ាងណារក្សារក្សាសន្តិភាព និងការអភិវឌ្ឍប្រកបដោយចីរភាព។
នៅក្នុងជំនួបនោះដែរ លោកឧបនាយករដ្ឋមន្ត្រី ប្រាក់ សុខុន បានសម្ដែងនូវការសាទរចំពោះភាពជោគជ័យរបស់ប្រទេស ចិន ក្នុងនាមជាម្ចាស់ផ្ទះនៃកិច្ចប្រជុំប្រ៊ីដ និងប្រ៊ីដបូក ផងដែរ។
ជាការឆ្លើយតប រដ្ឋមន្រ្តីការបរទេសចិន វ៉ាង យី ក៏បានអបអរសាទរចំពោះកម្ពុជា ក្នុងការធ្វើជាម្ចាស់ផ្ទះកិច្ចប្រជុំរដ្ឋមន្ត្រីការបរទេសអាស៊ានលើកទី ៥៥ និងកិច្ចប្រជុំពាក់ព័ន្ធ ប្រកបដោយជោគជ័យ ខណៈពេលដែលភាពតានតឹង នៃស្ថានភាពនយោបាយក្នុងតំបន់ និងសកលលោក កំពុងតែកើនឡើង។
រដ្ឋមន្ត្រីការបរទេសកម្ពុជា-ចិន ក៏បានវាយតម្លៃខ្ពស់ចំពោះវឌ្ឍនភាព នៃកិច្ចសហប្រតិបត្តិការអាស៊ាន-ចិន ក្នុងរយៈពេល ៣០ឆ្នាំកន្លងមកនេះ ព្រមទាំងបានប្ដេជ្ញាចិត្តក្នុងការបន្តកិច្ចសហប្រតិបត្តិការនានា ដើម្បីជំរុញ និងពង្រឹងនូវភាពជាដៃគូរយុទ្ធសាស្រ្ដគ្រប់ជ្រុងជ្រោយ អាស៊ាន-ចិន។
ប្រមុខការទូតកម្ពុជា-ចិន ក៏បានបង្ហាញនូវការប្ដេជ្ញាចិត្ត ក្នុងការបន្តការសហការយ៉ាងជិតស្និតជាមួយប្រទេសមេគង្គឡាន ឆាងដទៃទៀត ដើម្បីអនុវត្តនូវផែនការសកម្មភាព ៥ឆ្នាំទៅមុខ ក្នុងក្របខណ្ឌមេគង្គឡានឆាង៕
អត្ថបទ៖ ឃួន សុភ័ក្រ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ