ព័ត៌មានជាតិ
ស្ថានភាពទឹកនៅទំនប់អាងទឹកតាម៉ុក មិនទាន់ដល់កម្រិតប្រកាសអាសន្ននៅឡើយទេ
មន្ត្រីនាំពាក្យខេត្តឧត្តរមានជ័យ បានបញ្ជាក់ថា គិតត្រឹមព្រឹកថ្ងៃអង្គារនេះ ស្ថានភាពទឹកនៅទំនប់អាងទឹកតាម៉ុក មិនទាន់ដល់កម្រិតប្រកាសអាសន្ននៅឡើយទេ។
ក្រុមការងារមន្ទីរធនធានទឹក និងឧតុនិយម ខេត្តឧត្តរមានជ័យ បានបញ្ជូនគ្រឿងចក្រចុះប្រចាំការ និងធ្វើការកាយស្ដារពពួកវារីរុក្ខជាតិ ដែលកកស្ទះនៅមុខទ្វារទឹកទំនប់អាងទឹកតាម៉ុក ដើម្បីរំដោះបរិមាណធារទឹកហូរទៅផ្នែកខាងក្រោមបានលឿន ក្នុងខណៈពេលមានភ្លៀងធ្លាក់ នាថ្ងៃទី ៧ ខែសីហា ឆ្នាំ២០២២ ក្នុងកម្រិតកម្ពស់ ១០៧,៥ មម ស្ថិតនៅឃុំអន្លង់វែង ស្រុកអន្លង់វែង។
លោក ឌី រ៉ាដូ អភិបាលរង និងជាអ្នកនាំពាក្យខេត្តឧត្តរមានជ័យ មានប្រសាសន៍ប្រាប់កម្ពុជាថ្មី នៅព្រឹកថ្ងៃទី ៩ ខែសីហានេះថា មកដល់ពេលនេះ ស្ថានភាពទឹកនៅទំនប់អាងទឹកតាម៉ុក នូវមិនទាន់ដល់កម្រិតប្រកាសអាសន្ននៅឡើយទេ ហើយនៅចំពោះមុខមន្ទីរធនធានទឹក និងឧតុនិយម ខេត្តឧត្តរមានជ័យ បានដាក់គ្រឿងចក្រវែកមុខទឹកដែលមានស្លែរ និងសំរាមជាដើម ដើម្បីឲ្យទឹកបានហូរលឿន។
ដោយសារខេត្តឧត្តរមានជ័យ នៅជាប់ព្រំដែនប្រទេសថៃ ហើយនៅព្រំដែនមានទីតាំងខ្ពស់ ដូច្នេះនៅពេលភ្លៀងធ្លាក់ប៉ុន្មានថ្ងៃកន្លងមកនេះ បានធ្វើឲ្យទឹកហូរចូលតាមបណ្ដាបឹងៗនានា នៅក្នុងខេត្តឧត្ដរមានជ័យ។ នេះបើតាមឲ្យដឹងពីលោក ឌី រ៉ាដូ ដដែល។
លោកអភិបាលរងខេត្តឧត្តរមានជ័យ បានឲ្យដឹងបន្តថា អាជ្ញាធរខេត្តរបស់លោក បានត្រៀមខ្លួនរួចហើយ ដើម្បីជួយ សង្រ្គោះប្រជាពលរដ្ឋនៅពេលមានទឹកជំនន់កើតឡើង ដោយសារខេត្តមានគណៈកម្មការគ្រោះមហន្តរាយ។ លោកថា «យើងបានត្រៀមលក្ខណៈអស់ហើយ ដោយសារខេត្តយើងមានគណៈកម្មការគ្រោះមហន្តរាយ បើសិនជាករណីមានអីប៉ះពាល់ដល់បងប្អូនប្រជាពលរដ្ឋ គឺថាយើងគណៈកម្មការគ្រោះមហន្តរាយខេត្ត ក្រុង ស្រុក ដើម្បីត្រៀមជួយបងប្អូនប្រជាពលរដ្ឋ»។
តែទោះជាយ៉ាងណាក៏ដោយ មកដល់ពេលនេះ មិនទាន់មានទឹកជំនន់ដែលធ្វើឲ្យប៉ះពាល់ ដល់ការរស់នៅរបស់ប្រជាពលរដ្ឋនៅឡើយទេ។ នេះបើតាមលោក ឌី រ៉ាដូ អភិបាលរង និងជាអ្នកនាំពាក្យខេត្តឧត្តរមានជ័យ ដដែល៕
អត្ថបទ៖ ឃួន សុភ័ក្រ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ