ព័ត៌មានជាតិ
កម្ពុជានឹងចាប់ផ្តើមសិក្សា និងបំពាក់ឧបករណ៍ការពាររន្ទះនៅតាមខេត្តគោលដៅនៅឆ្នាំក្រោយ
គណៈកម្មាធិការជាតិគ្រប់គ្រងគ្រោះមហន្តរាយ នឹងចាប់ផ្តើមសិក្សាការអនុវត្តបំពាក់ឧបករណ៍ការពាររន្ទះនៅតាមបណ្តាខេត្តគោលដៅមួយចំនួននៅឆ្នាំ២០២៣ខាងមុខដើម្បីការពារកុំឱ្យមនុស្សសត្វរងរបួសនិងស្លាប់ជាបន្តទៀត។
លោក សុទ្ធ គឹមកុលមុនី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយបានមានប្រសាន៍នៅព្រឹកថ្ងៃទី៩ ខែសីហា នេះថា បច្ចុប្បន្ននេះគណៈកម្មាធិការជាតិកំពុងរៀបចំលើកផែនការសម្រាប់អនុវត្តឆ្នាំ២០២៣ដែលនៅក្នុងផែនការនោះយើងក៏បានដាក់បញ្ចូលគម្រោងបំពាក់ឧបករណ៍ការពាររន្ទះនៅតាមបណ្តាខេត្តដែលប្រឈមខ្ពស់នឹងរន្ទះនេះផងដែរ។
លោកបានបន្តថា ដូចនេះនៅឆ្នាំក្រោយនេះយើងនឹងចាប់ផ្តើមសិក្សាស្រាវជ្រាវនៅតាមបណ្តាខេត្តមួយចំនួនដែកប្រឈមដើម្បីរៀបចំផែនការធ្វើការបំពាក់ឧបករណ៍ការពាររន្ទះការពារដល់អាយុជីវិតមនុស្សសត្វដែលតែងតែរងគ្រោះដោយសាររន្ទះជាញឹកញាប់ជាងគេរួមមានខេត្តសៀមរាប ខេត្តបាត់ដំបង និងខេត្តពោធិសាត់។
លោកបានបន្តថា «តាមពិតនៅកម្ពុជាមានរាជធានី-ខេត្តស្ទើទាំង២៥ទៅហើយដែលបានទទួលរងគ្រោះដោយសាររន្ទះបាញ់នេះតែខេត្តដែលលេចធ្លោជាងគេ គឺខេត្តទាំង៣ខាងលើដោយក្នុង១ឆ្នាំៗមានមនុស្សស្លាប់ និងរងគ្រោះដោយសារបញ្ហារន្ទះនេះច្រើនជាងគេ។ ដូចនេះហើយទើបយើងគ្រោងនឹងបំពាក់ឧបករណ៍ការពាររន្ទះមុនគេ»។
លោកទេសរដ្ឋមន្ត្រី គន់ គីម អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ បានមានប្រសាសន៍ថា
គ្រោះថ្នាក់ដោយធម្មជាតិតែងតែកើតមានជារៀងរាល់ឆ្នាំនៅកម្ពុជាដោយបានបំផ្លិតបំផ្លាញទ្រព្យសម្បត្តិ អាយុជីវិត ក្នុងនោះមានទឹកជំនន់ ខ្យល់កន្ត្រាក់ រន្ទះបាញ់ រាំងស្ងួត បាក់ច្រាំងទន្លេ និងជំងឺរាតត្បាតជាដើម។
ប៉ុន្តែក្នុងចំណោមគ្រោះធម្មជាតិទាំងនោះយើងមិនបានគិតចំពោះបញ្ហារន្ទះបាញ់ដែលបង្កគ្រោះថ្នាក់ដល់អាយុជីវិតពលរដ្ឋជាច្រើនជារៀងរាល់ឆ្នាំ។
យោងតាមរបាយការណ៍ របស់គណៈកម្មាធិការជាតិគ្រប់គ្រងគ្រោះមហន្តរាយ បានឲ្យដឹងថា ក្នុងរយៈពេល ៦ខែ ឆ្នាំ ២០២២នេះ គ្រោះមហន្តរាយធម្មជាតិដោយបាតុភូតរន្ទះបាញ់ បានកើតឡើងចំនួន ៦១លើក បណ្ដាលឲ្យមនុស្សស្លាប់ចំនួន ៣២នាក់ ស្ត្រី ៨នាក់ រងរបួស ២៨នាក់ ងាប់គោក្របីចំនួន ៦៩ក្បាល និងខូខាតផ្ទះចំនួន ១១ខ្នង៕
អត្ថបទ៖ សំអឿន
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១០ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore