ព័ត៌មានជាតិ
ធនាគារអេស៊ីលីដា និងធនាគារជប៉ុន SMBC ពង្រឹកកិច្ចសហប្រតិបត្តិលើការការពារបរិស្ថាន សង្គម និងអភិបាលកិច្ចសារជីវកម្ម
ធនាគារអេស៊ីលីដា ជាធនាគារពាណិជ្ជឈានមុខគេលើគ្រប់វិស័យ បានបន្តសហការជាមួយធនាគារជប៉ុន Sumitomo Mitsui Banking Corporation (SMBC) ពង្រឹងកិច្ចសហប្រតិបត្តិការជាមួយគ្នាឱ្យកាន់តែប្រសើរឡើងថែមទៀត ទៅលើការការពារបរិស្ថាន សង្គម និងអភិបាលកិច្ចសារជីវកម្មបន្ទាប់ពីស្ថាប័នធនាគារទាំងពីរសហការគ្នា ១០ ឆ្នាំ មកនេះទទួលបានជោគជ័យយ៉ាងត្រចះត្រចង់រួចមក។
ថ្លែងក្រោយចូលរួមអបអរខួប ១០ ឆ្នាំ ភាពជាដៃគូរវាងអេស៊ីលីដា និងធនាគារជប៉ុន SMBC នៅព្រឹកថ្ងៃទី១២ សីហានេះ នៅការិយាល័យកណ្តាល បណ្ឌិត អ៉ិន ចាន់នី ប្រធាននាយកប្រតិបត្តិ របស់ធនាគារអេស៊ីលីដា បានមានប្រសាសន៍ថារយៈពេល ១០ ឆ្នាំហើយ ដែលធនាគារជប៉ុន SMBCសហការជាមួយធនាគារអេស៊ីលីដា ដែលបានចុះកិច្ចព្រមព្រៀងសហប្រតិបត្តិការមួយ គឺបង្កើតការិយាល័យសារជីវកម្មអន្តរជាតិរបស់ធនាគារអេស៊ីលីដា ដើម្បីអាចឱ្យធនាគារផ្តល់សេវាកម្មដល់សហគ្រាសធំៗពិសេស សហគ្រាសជប៉ុននៅថ្ងៃទី ១២ ខែសីហា ឆ្នាំ ២០១២ កន្លងទៅ។
បណ្ឌិត អ៉ិន ចាន់នី បានបន្តថា គោលដៅសហប្រតិបត្តិការរវាងធនាគារទាំងពីរ គឺដើម្បីពង្រឹងសមត្ថភាពវិជ្ជាជីវៈមន្ត្រីក្រុមប្រឹក្សាភិបាលរហូតដល់ភាគទុនិកដោយយើងបានសហការគ្នាបានល្អណាស់។ បណ្ឌិត អ៉ិន ចាន់នី បានបន្តទៀតថា បន្ទាប់ពីចុះអនុស្សរណៈជាមួយគ្នារួចហើយធនាគារជប៉ុន SMBC បានចូលហ៊ុន និងបានកាន់កាប់ភាគហ៊ុនចំនួន ១២.២៥ ភាគរយនៅឆ្នាំ ២០១៤ និងបង្កើនហ៊ុនរហូតដល់ទៅ ១៨.២៥ ភាគរយរហូតមកដល់បច្ចុប្បន្ន។ បណ្ឌិត អ៉ិន ចាន់នី បានបន្ថែមថា ចំពោះការិយាល័យសារជីវកម្មអន្តរជាតិនៅពេលចុះអនុស្សរណៈនៅឆ្នាំ ២០១២ មានអតិថិជនតែ ៩ ពាន់ខ្នាតសារជីវកម្ម ដែលមានទឹកប្រាក់ប្រមាណ ៤០០ លានដុល្លារអាមេរិក។ ប៉ុន្តែមកដល់សព្វថ្ងៃចំនួនអតិថិជនបានកើនដល់ ២១ ពាន់ ខ្នាតសាជីវកម្មមានទឹកប្រាក់ ២ ពាន់លានដុល្លារអាមេរិក។
បណ្ឌិត អ៉ិន ចាន់នី បានឱ្យដឹងទៀតថា ក្រៅពីពង្រឹងធនធានតាំងពីថ្នាក់វិជ្ជាជីវៈរហូតដល់ភាគទុនិក យើងបានបង្កើតនូវហេដ្ឋារចនាសម្ព័ន្ធឌីជីថល។ ដោយខាងភាគីជប៉ុនបានរៀបចំទស្សនកិច្ចមួយឱ្យខាងធនាគារអេស៊ីលីដា ទៅមើលធនគារBPTNមួយដែលគាត់បានកាន់កាប់ភាគហ៊ុនច្រើន នៅប្រទេសឥណ្ឌូណេស៊ី ក្នុងការបង្កើតអេប ឌីជីថល។
បណ្ឌិត អ៉ិន ចាន់នី បានបញ្ជាក់ថា« ដូចនេះការជួបជុំគ្នាថ្ងៃនេះ ដើម្បីអបអរសាទរនូវសមិទ្ធផលដែលធនាគារយើងទាំងពីរបានសហការគ្នាបានល្អ»។ បណ្ឌិត អ៉ិន ចាន់នី បានបន្ថែមទៀតថា បន្ទាប់ពីបានពិភាក្សាគ្នារួចមកធនាគារទាំងពីរ បានប្តេជ្ញាពង្រឹងភាពជាដៃគូជាមួយគ្នាបន្ថែមទៀត ដើម្បីបង្កើនដៃគូយុទ្ធសាស្ត្រដោយផ្តោតលើចំណុចធំៗដូចជាមូលនិធិការផ្គត់ផ្គង់ការលូតលាស់ និងពិនិត្យមើលបន្ថែមទៀតពាក់ព័ន្ធ និងហេដ្ឋារចនាសម្ព័ន្ធឌីជីថលឱ្យកាន់តែទំនើបឡើងក៏ដូចជាពិនិត្យមើលហិរញ្ញប្បទានពាណិជ្ជកម្មអន្តរជាតិ ដើម្បីពង្រីកបន្ថែមទៀត។
បណ្ឌិត អ៉ិន ចាន់នី បានឱ្យដឹងទៀតថាក្រៅពីនេះ ធនាគារទាំងពីរក៏បានរួមគ្នាទៅលើការងារចំនួន ៣សំខាន់ៗគឺទី ១ បរិស្ថាន ទី២ សង្គម និងទី ៣ អភិបាលកិច្ចសារជីវកម្ម។ បណ្ឌិត អ៉ិន ចាន់នី បានបន្តថា ការងារបរិស្ថាននេះ ធនាគារទាំងពីរនឹងរៀបចំយ៉ាងណាក្នុងការផ្តល់ហិរញ្ញវត្ថុជូនដល់អតិថិជនរក្សាបាននូវបរិស្ថានល្អ និងមិនបំពានបរិស្ថាន។ បណ្ឌិត អ៉ិន ចាន់នីបានបន្ថែមថា « ការផ្តល់សេវាកម្មធនាគារ និងហិរញ្ញវត្ថុមិនមែនចេះតែផ្តល់បានទទួលផលចំណេញតែមួយមុខនោះទេ គឺគិតអំពីបរិស្ថានថា តើអ្នកទទួលសេវាពីយើងទៅប្រើប្រាស់នឹងបានប្រើទៅតាមអ្វីដែលបានឯកភាពគ្នាដែរឬទេ តើមានផលប៉ះពាល់អ្វីខ្លះដល់បរិស្ថាន គឺយើងពិនិត្យមើលចំណុចបរិស្ថាននេះ»។
បណ្ឌិត អ៉ិន ចាន់នី បានបន្តទៀតថា ចំពោះសង្គមយើងពិនិត្យមើលទាំងអ្នកពាក់ព័ន្ធសហការី និងអតិថិជនរបស់យើងចូលរួមជាមួយគ្នា និងកម្មវិធីសង្គមផ្សេងៗដែលយើងធ្លាប់ធ្វើកន្លងមកបានល្អនិងបង្កើនការចូលរួមបន្ថែមទៀត។ បណ្ឌិត អ៉ិន ចាន់នី បានឱ្យដឹងថា ចំណែកអភិបាលកិច្ចសារជីវកម្មទោះបីជាយើងមានចំណាត់ថ្នាក់បានល្អហើយ ក៏ដោយក៏ត្រូវគិតគូរបន្តទៀត ដើម្បីក្លាយជាក្រុមហ៊ុនដែលមានលក្ខណៈអន្តរជាតិជាសាកល។
បណ្ឌិត អ៉ិន ចាន់នី បានមានប្រសាសន៍ថា« នៅក្នុងការចំណាត់ថ្នាក់E&Sគេឱ្យពិន្ទុ ៥ ។ ប៉ុន្តែយើងសព្វថ្ងៃទទួលបានពិន្ទុ ៣ លើមធ្យមអីចឹងបង្កើនវាឱ្យដល់ ៤ ក្នុងរយៈពេលមិនលើសពី ២ ឆ្នាំទេ។ ចំណែកចំណាត់ថ្នាក់អភិបាលកិច្ចសារជីវកម្មវាអាស្រ័យលើចំណាត់ថ្នាក់លើប្រទេស បើប្រទេសនឹងកើនយើងនឹងមានកំណើនទៅតាមនឹងដែរ»៕
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៦ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ