ព័ត៌មានជាតិ
អាជីវកម្មសម្មាមគ្គ ផ្តល់គុណប្រយោជន៍ច្រើនដល់ម្ចាស់អាជីវកម្ម និងអ្នករកស៊ីទូទៅ
អាជីវកម្មសាម្មាមគ្គ ផ្តោតសំខាន់លើការយកព្រះធម៌ដែលជាផ្នែកលោកិយៈ ផ្តល់ជូនដល់សហគ្រិន ឬអាជីវករទាំងឡាយ សម្រាប់យកទៅអនុវត្ត ដើម្បីឱ្យកើននូវសេចក្តីចម្រើន កើតជាប្រយោជន៍ និងទទួលបាននូវសេចក្តីសុខ គ្រប់ប្រការ តាមព្រះពុទ្ធដីកា ដែលព្រះបានសម្តែងជាភាសាបាលីថា អត្ថាយៈ ហិតាយៈ សុខាយៈ។ មូលដ្ឋានរបស់អាជីវកម្មសម្មាមគ្គ គឺការយកនូវត្រៃសិក្ខារបស់គ្រហស្ថ គឺ ទាន សីល និងភាវនា ធ្វើជាគ្រឹះរបស់ផ្ទះ ឬក្រុមហ៊ុនអាជីវកម្ម។
លោក អៀង សុធារ៉ា មហាឧបាសកពុទ្ធសាសនូបត្ថម្ភក៍ បានឱ្យដឹងថា វគ្គសិក្សានេះធ្វើឡើងដើម្បីបង្រៀនដល់អាជីវករ ពាណិជ្ជករ ឬអ្នករកស៊ី ចេះធ្វើអាជីវកម្ម ឱ្យបានតាមផ្លូវកណ្តាល ហើយតាមវិធីដែលត្រឹមត្រូវ តាមព្រះសម្មាសម្ពុទ្ធដែលព្រះអង្គបានសម្តែង ហើយនៅពេលដែលការរៀននេះបានត្រឹមត្រូវតាមពុទ្ធវចនៈ ត្រឹមត្រូវតាមទានសីល និងយកទៅអនុវត្តពិតប្រាកដហើយនោះ នឹងបានជាសេចក្តីចម្រើន បានជាប្រយោជន៍ និងបានសេចក្តីសុខ។
ជាមួយគ្នានេះ លោកបណ្ឌិត ម៉ី កល្យាណ ទីប្រឹក្សាជាន់ខ្ពស់នៃឧត្តមក្រុមប្រឹក្សាសេដ្ឋកិច្ចជាតិនិងជាប្រធានក្រុមធម្មសកម្ម បានឱ្យដឹងថា ធនធានមនុស្សគឺជាកត្តាសំខាន់សម្រាប់កសាងប្រទេសជាតិ។ ចំពោះបុគ្គលដឹកនាំដែលបានក្រេបជញ្ជក់ចំណេះដឹងតាមរយៈវគ្គសិក្សាអាជីវកម្មសាម្មាមគ្គ នឹងមានសីលធម៌គុណធម៌ខ្ពស់ ក្នុងការពង្រឹងស្មារតីជួយសល់សង្គមជាតិ ជាពិសេសសម្រាប់ CEO នៅតាមបណ្តាក្រុមហ៊ុននានា។
សម្តេចព្រះពោធិ៍វ័ង្សកិត្តិបណ្ឌិត អំ លឹមហេង សម្តេចព្រះសង្ឃនាយករងទី១នៃគណៈមហានិកាយ និងជាព្រះប្រធានថេរសភានៃពុទ្ធសាសនាកម្ពុជា មានព្រះបន្ទូលថា បុគ្គលណាសេពគប់នឹងបណ្ឌិត តែងបានប្រយោជន៍រួមមាន៖ ប្រយោជន៍បច្ចុប្បន្ន ប្រយោជន៍បរលោក និងប្រយោជន៍ដ៏ធំផុត គឺប្រយោជន៍ព្រះនិព្វាន ពុំខានឡើយ។ សម្តេចព្រះពោធិ៍វ័ង្សកិត្តិបណ្ឌិត អំ លឹមហេង មានព្រះបន្ទូលយ៉ាងដូចនេះ កាលពីថ្ងៃទី១៣ ខែសីហា ឆ្នាំ២០២២ ក្នុងឱកាសនិមន្តជាព្រះអធិបតីភាពក្នុងពិធីចែក សក្ខីបត្រដល់សិក្ខាកាមអាជីវកម្មសម្មាមគ្គជំនាន់ទី១ ចំនួន ១៩នាក់ និងការប្រកាសបើកបង្រៀនអាជីវកម្មសម្មាមគ្គជំនាន់ទី២ ដែលមានការអញ្ជើញចូលរួមពីមហាឧបាសកពុទ្ធសាសនូបត្ថម្ភក៍ អៀង សុធារ៉ា ទីប្រឹក្សាគណៈសង្ឃនិងជាអ្នកផ្តួចផ្តើមបង្រៀនអាជីវកម្មសម្មាមគ្គ, លោកបណ្ឌិត ម៉ី កល្យាណ ទីប្រឹក្សាជាន់ខ្ពស់នៃឧត្តមក្រុមប្រឹក្សាសេដ្ឋកិច្ចជាតិនិងជាប្រធានក្រុមធម្មសកម្ម រួមទាំងមានសិក្ខាកាមជាច្រើនរូបទៀត។
សម្តេចព្រះពោធិ៍វ័ង្ស អំ លឹមហេង មានព្រះបន្ទូលថា បច្ចុប្បន្ននេះការទាស់ទែងគ្នានៅតាមស្ថាប័ន និងក្រុមហ៊ុននីមួយៗ គឺដោយសារការខ្វះធម៌ និងក្តីមេត្តាក្នុងខ្លួន ការឥតសីល ហើយប្រសិនជាមនុស្សម្នាក់ៗមានសីល៥នៅក្នុងខ្លួននោះ គឺនឹងមិនចេះឈ្លោះប្រកែកគ្នានោះទេ។
លោក អៀង សុធារ៉ា បានអះអាងថា វគ្គសិក្សាអាជីវកម្មសម្មាមគ្គ នឹងបន្តបង្កើតឡើងច្រើនវគ្គបន្ថែមទៀត ដើម្បីបណ្តុះអាជីវករឱ្យទទួលបានចំណេះដឹង និងជាប្រយោជន៍សម្រាប់ខ្លួន និងសង្គមផងដែរ៕
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore