ព័ត៌មានជាតិ
លោកស្រី ឱ វណ្ណឌីន៖ ពេលនេះ យើងចង់បានការរស់នៅប្រកបដោយអាយុវែង និងមានសុភមង្គល
លោកស្រី វេជ្ជបណ្ឌិត ឱ វណ្ណឌីន រដ្ឋលេខាធិការ និងជាអ្នកនាំពាក្យ ក្រសួងសុខាភិបាល បានមានប្រសាសន៍ថា អ្វីដែលយើងចង់បាន នៅពេលនេះ គឺការរស់នៅប្រកបដោយ អាយុវែង និងការថែទាំយកចិត្តទុកដាក់ ក្រុមគ្រួសារឱ្យមានសុខសុភមង្គល និង សុខភាពល្អ។
តាមរយៈតេឡេក្រាមឆ្លើយតបទៅនឹងសំណួរពីស្ថានភាពជំងឺ កូវីដ-១៩ នៅកម្ពុជា លោកស្រីវេជ្ជបណ្ឌិត ឱ វណ្ណឌីន មានប្រសាសន៍បន្តថា ក្រសួងសុខាភិបាល បានចេញសេចក្តីជូនព័ត៌មានប្រចាំថ្ងៃដែលបង្ហាញថា កូវីដ-១៩ កំពុងតែនៅមានការឆ្លងនៅក្នុងប្រទេសនៅឡើយ ជាពិសេសពួកអូមីក្រុង ដែលជាវីរុសកូវីដ-១៩ បម្លែងថ្មី ហើយនៅតាមបណ្តាប្រទេសនៅក្នុងតំបន់ និងនៅលើសាកលលោក ក៏នៅតែមានការឆ្លងបន្ត និងមានករណីស្លាប់បន្ថែមទៀត។
រដ្ឋលេខាធិការ ក្រសួងសុខាភិបាលរូបនេះ បានណែនាំដល់ពលរដ្ឋ កុំធ្វេសប្រហែសឱ្យសោះ ដោយត្រូវបន្តអនុវត្តវិធានការ ៣ ការពារ និង ៣ កុំ រួមជាមួយនឹងការចាក់វ៉ាក់សាំងកូវីដ-១៩ ដូសជំរុញឱ្យបានទាន់ពេល នៅពេលដល់វេន នឹងជួយការពារពីភាពធ្ងន់ធ្ងរបង្កឡើងដោយជំងឺនេះ កាត់បន្ថយអត្រាចូលសម្រាកពេទ្យ និងកាត់បន្ថយជាអតិប្បរិមានូវការស្លាប់បាត់បង់ជីវិត។
លោកស្រីវេជ្ជបណ្ឌិត ឱ វណ្ណឌីន មានប្រសាសន៍បន្តថា៖ “អ្វីដែលយើងចង់បាននៅពេលនេះ គឺការរស់នៅប្រកបដោយ អាយុវែង និងការថែទាំយកចិត្តទុកដាក់ ក្រុមគ្រួសារឱ្យមានសុខសុភមង្គល និងសុខភាពល្អ។ ដើម្បីធ្វើដូច្នេះបាន គឺអាស្រ័យទៅលើការសម្រេចចិត្តដ៏ត្រឹមត្រូវរបស់បុគ្កល និងគ្រួសារ ដោយត្រូវនាំគ្នាទៅ ចាក់វ៉ាក់សាំងកូវីដ-១៩ ដួសជំរុញជាបន្តទៀត រួមនឹងការអនុវត្តន៍វិធានការ ៣ ការពារ និង ៣ កុំ ព្រមទាំងកុំភ្លេចអនុវត្តការបរិភោគអាហារឆ្អិនល្អ កុំឱ្យប្រៃពេក កុំផ្អែមពេក កុំខ្លាញ់ពេក និងធ្វើលំហាត់ប្រាណទៀងទាត់”។
លោកស្រី បានបន្ថែមថា ការវាយតម្លៃរបស់ Neikki Asia សម្រាប់ COVID-19 Recovery Index (សន្ទស្សន៍ការស្តារឡើងវិញនៃ COVID-19) គិតត្រឹមថ្ងៃទី៣១ ខែកក្កដា ឆ្នាំ២០២២ កម្ពុជាឈរនៅលើចំណាត់ថ្នាក់លេខ២។
លោកស្រីបានបញ្ជាក់ថា សុខភាពរបស់យើង គឺស្ថិតនៅក្នុងកណ្តាប់ដៃរបស់យើងផ្ទាល់ ដើម្បីឈានទៅរកការរស់នៅប្រកបដោយផាសុខភាព និងអាយុយឺនយូរ។
គួរបញ្ជាក់ថា តាមរយៈការផ្សាយពីក្រសួងសុខាភិបាលនេះថ្ងៃនេះថា គិតត្រឹមថ្ងៃទី១៤ ខែសីហា ឆ្នាំ២០២២ ម្សិលមិញ កម្ពុជារកឃើញអ្នកឆ្លងជំងឺកូវីដ-១៩ ថ្មី ចំនួន ២៨ ករណី (សរុបមានចំនួន ១៣៧ ២៦៤ ករណី), អ្នកជាសះស្បើយថ្មីចំនួន ៣៧ ករណី (សរុប ១៣៣ ៩៥៨ ករណី) និងអ្នកស្លាប់ចំនួន ៣ ០៥៦ ករណី៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ