ព័ត៌មានជាតិ
ពលរដ្ឋក្នុងស្រុកអូររាំងឪត្រេកអរ ហើយទទួលបានផ្លូវ៤ខ្សែពីគម្រោងអភិវឌ្ឍន៍ឃុំសង្កាត់
ត្បូងឃ្មុំ ៖ នៅព្រឹកថ្ងៃទី១៥ ខែសីហា ឆ្នាំ២០២២នេះ នៅសាលាស្រុកអូររាំងឪបានរៀបចំដាក់ឲ្យដេញថ្លៃជាសាធារណៈ ប្រកបដោយតម្លាភាព និងទទួលបានលទ្ធផលជោគជ័យ ដោយគណៈបញ្ជាការឯកភាពស្រុក និងនាយកផែនការទីចាត់ការ និងវិនិយោគខេត្ត គណៈកម្មការលទ្ធកម្មឃុំទាំង៤ ក្រុមហ៊ុនគម្រោងទាំងអស់បានចូលរួមប្រកួតប្រជែងពោរពេញទៅដោយក្រមសីលធម៌វិជ្ជាជីវៈអនុវត្តន៍ទៅតាមនីតិវិធីយ៉ាងល្អ ក្នុងស្មារតីនេះហើយ ពលរដ្ឋក្នុងឃុំចំនួន៤ រួមមានៈ ឃុំដំរិល ឃុំគងជ័យ ឃុំអំពិលតាពក និងឃុំចក ដែលនាពេលខាងមុខនេះ ទទួលបាននូវផ្លូវក្រាលគ្រោះក្រហម និងផ្លូវបេតុង ប្រកបដោយគុណភាពស្របតាមគោលការណ៍អភិវឌ្ឍន៍ របស់រាជរដ្ឋាភិបាល តាមរយៈអំណាចវិមជ្ឈការធ្វើឲ្យមូលដ្ឋានមានលក្ខណៈប្រសើរឡើងនោះ។
ក្នុងទិដ្ឋភាពនោះដែរ លោក នួន ប៊ុណ្ណាន អភិបាលស្រុកអូររាំងឪបានថ្លែងកោតសរសើរដល់ដំណើរការដេញថ្លៃប្រកបដោយការប្រកួតប្រជែងដោយសេរី និងមានតម្លាភាព ហើយទទួលស្គាល់ ដល់លទ្ធផលក្នុងឃុំទាំង៤ ដោយឃុំដំរិលទទួលបានផ្លូវក្រាលគ្រួសក្រហមមួយខ្សែមានប្រវែង២៣៧០ម៉ែត្រ តម្លៃប៉ាន់ស្មានជាង១៦៤លានរៀល បានទៅក្រុមហ៊ុន សាម ស្រ៊ីន ដេញតម្លៃទាបជាងគេគឺ ជាង៤៦លានរៀល។ ឃុំគងជ័យ ទទួលបានផ្លូវបេតុងមួយខ្សែមានប្រវែង៣០០ម៉ែត្រ តម្លៃប៉ាន់ស្មានជាង១៤៨លានរៀល បានទៅក្រុមហ៊ុន សុធី រាជ តម្លៃ៧០លានរៀល។ ឃុំអំពិលតាពកទទួលបានផ្លូវបេតុងមួយខ្សែមានប្រវែង៣៧០ម៉ែត្រ តម្លៃប៉ាន់ស្មានជាង១៦៥លានរៀល បានទៅក្រុមហ៊ុន ធួក តៃលី តម្លៃ៨៦លានរៀល។ និងឃុំចក ទទួលបានផ្លូវបេតុងមួយខ្សែប្រវែង៣៧០ម៉ែត្រ តម្លៃប៉ាន់ស្មានជាង១៧២លានរៀល បានទៅក្រុមហ៊ុន គាំ សារួន តម្លៃជិត៧០លានរៀល។
លោកអភិបាលស្រុកបានជំរុញឲ្យក្រុមហ៊ុនដែលដេញបាន ត្រូវអនុវត្តន៍តាមកិច្ចសន្យាថ្លៃកក់ប្រាក់១០ភាគរយ ឲ្យបានទៀងទាត់តាមថ្ងៃកំណត់។ ត្រូវសាងសង់ផ្លូវគ្រួសក្រហមមួយខ្សែ និងផ្លូវបេតុងទាំង៣ខ្សែ ទៅតាមលក្ខណៈបច្ចេកទេស ដែលបន្ទាប់ពីធ្វើរួចមានការចូលរួមវាយតម្លៃពីគណៈកម្មការលទ្ធកម្ម និងប្រជាពលរដ្ឋ ដែលជាអ្នកអាស្រ័យប្រយោជន៍លើផ្លូវនូវមូលដ្ឋាននេះ៕
ដោយ ៖ សាន វិឡែម
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត