Connect with us

ព័ត៌មានជាតិ

ឧកញ៉ា តែ តាំងប៉ ប្រាប់ពលរដ្ឋខេត្តស្វាយរៀង​លើកស្ទួយផលិតផលក្នុងស្រុកកាត់បន្ថយការនាំចូល

បានផុស

នៅ

លោកឧកញ៉ា តែ តាំងប៉ ប្រធានក្រុមប្រឹក្សាភិបាល នៃសម្ព័ន្ធសមាគមសហគ្រាសធុនតូច និងមធ្យមកម្ពុជា បានប្រាប់ពលរដ្ឋត្រូវកាត់បន្ថយការប្រើប្រាស់ផលិតផលនាំចូលពីក្រៅប្រទេស ហើយត្រឡប់មកគាំទ្រនិងជំរុញ​សិប្បកម្មក្នុងស្រុកវិញ ដើម្បីឲ្យសហគ្រាសក្នុងស្រុកមានលទ្ធភាពក្នុងការផលិត មានប្រាក់ចំណេញ ជាពិសេសបង្កើតការងារជូនពលរដ្ឋ ស្របតាមគោលនយោបាយរបស់រាជរដ្ឋាភិបាលក្នុងការកាត់បន្ថយភាពក្រីក្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧកញ៉ា តែ តាំងប៉ ថ្លែងបែបនេះ នៅក្នុងសិក្ខាសាលាស្តីពីការកសាងអាជីវកម្មប្រកបដោយភាពជោគជ័យ នាសាលប្រជុំសណ្ឋាគារទន្លេវៃគោ នៅថ្ងៃទី១៨ ខែសីហា ឆ្នាំ២០២២។

លោកឧកញ៉ា បានបញ្ជាក់ថា គោលបំណងនៅក្នុងសិក្ខាសាលានេះ គឺដើម្បីឲ្យសហគ្រាសធុនតូចមធ្យម ជាពិសេសផ្នែកកម្មន្តសាលអ្នកផលិតឲ្យបានយល់ដឹងអំពីនីតិវិធីរដ្ឋាភិបាលដោយមានមន្ត្រីពន្ធដារ គយនិងសវនកម្មចូលរួមធ្វើបទបង្ហាញឲ្យបានយល់ដឹងពាក់ព័ន្ធទៅនឹងពន្ធដារ និងសវនកម្មគយ ជាដើម។

លោកឧកញ៉ា បានបន្តថា «ក្នុងនាមជាប្រធានក្រុមប្រឹក្សាភិបាលនៃសម្ព័ន្ធសមាគមសហគ្រាសធុនតូចនិងមធ្យមកម្ពុជា ខ្ញុំស្នើដល់រដ្ឋបាលខេត្តរាជធានីទូទាំងប្រទេស ក៏ដូចជាខេត្តស្វាយរៀងសូមឲ្យបង្កើតតំបន់ឧស្សាហកម្មមួយ ឲ្យអ្នកផលិតបានចូលទៅក្នុងតំបន់ និងងាយស្រួលក្នុងការប្រមូលផ្ដុំ ដើម្បីឲ្យរាជរដ្ឋាភិបាលលើក​ទឹកចិត្តគោល​នយោបាយឆ្នាំ ២០១៥, ២០២៥ ក្នុងការកែច្នៃផលិតផលកសិកម្មឲ្យក្លាយទៅជាផលិតផលចំណីអាហារដើម្បីឱ្យអ្នក ផលិតក្នុងស្រុកមានប្រាក់ចំណេញបន្ថែម បើយើងមិនធ្វើអញ្ចឹងទេ យើងគិតតែនាំចូលពីក្រៅ អត់មានអ្វីជួយដល់​សហគ្រាសធុនតូចនិងមធ្យមនោះទេ។ដូច្នេះសូមស្នើដល់អភិបាលខេត្តស្វាយរៀងដើម្បីរកដីមួយកន្លែង ដើម្បីបង្កើតឲ្យមានសិប្បកម្មក្នុងស្រុក ដែលវាអាចជួយដល់អ្នកផលិតបានច្រើន»។

បេសកម្មនេះ បានធ្វើទៅលើខេត្តចំនួន ២២ហើយ នឹងបន្តធ្វើឱ្យគ្រប់ ២៥ រាជធានីខេត្ត ដើម្បីជួយ​ឲ្យសហគ្រាសធុនតូចនិងមធ្យមទាំងអស់ទទួលបានថវិកាសម្រាប់អភិវឌ្ឍសហគ្រាសរបស់ខ្លួន។

លោកឧកញ៉ា តែ តាំងប៉ ក៏បានស្នើដល់ប្រជាពលរដ្ឋខេត្តស្វាយរៀង ដែលមានអាជីវកម្មក្នុងដៃ ត្រូវប្រើកម្ចីប្រាក់ពីធនាគារប្រើប្រាស់ឲ្យចំគោលដៅ មានសមិទ្ធផល និងប្រាក់ចំណេញមកវិញ ទើបគ្មានហានិភ័យទៅថ្ងៃក្រោយ។

ពាក់ព័ន្ធនឹងសកម្មភាពនេះ លោក ហែម ពិសិដ្ឋ អភិបាលរងខេត្តស្វាយរៀងបានថ្លែងការកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែង និងយកចិត្តទុកដាក់របស់លោកឧកញ៉ាប្រធាន​សម្ព័ន្ធសមាគ​ម​សហគ្រាសធុនតូច និងមធ្យមកម្ពុជា ដែលបានសហការជាមួយមន្ទីរអង្គភាពពាក់ព័ន្ធនានា រៀបចំកម្មវិធី​សិក្ខាសាលានេះឡើង ដើម្បីជាប្រយោជន៍ដល់ម្ចាស់សហគ្រាសធុនតូច​និងមធ្យមនៅក្នុង​ខេត្តស្វាយរៀងទាំងមូល។

លោកបានបញ្ជាក់ថា នៅក្នុងខេត្តស្វាយរៀងមានសហគ្រាសធុនតូច និងមធ្យមជាច្រើនដែលកំពុងត្រូវការចំណេះ​ដឹងថ្មីៗបន្ថែមទៀត ក៏ដូចជាត្រូវការជួយជ្រោមជ្រែងបន្ថែមទាំងផ្នែកបច្ចេកទេសផ្នែកទីផ្សារ ធនធានហិរញ្ញវត្ថ ដើម្បីទ្រទ្រង់ និងអភិវឌ្ឍអាជីវកម្មរបស់ពួកគាត់ឱ្យកាន់តែរីកចម្រើន។

លោកអភិបាលរងខេត្តស្វាយរៀង សង្ឃឹមយ៉ាងមុតមាំថា ម្ចាស់សហគ្រាសធុនតូចនិងមធ្យមដែលមានវត្តមានក្នុង​អង្គសិក្ខាសាលានេះ នឹងទទួលបានចំណេះដឹងថ្មីៗ ដើម្បីពង្រឹងសមត្ថភាពរបស់ខ្លួន ក្នុងការគ្រប់គ្រងអាជីវកម្មឱ្យកាន់​តែរីកចម្រើនបន្ថែមទៀត៕ ដោយ:ភក្ដី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣៥ នាទី មុន

មន្ទីរវប្បធម៌ និងវិចិត្រសិល្បៈខេត្តសៀមរាប និងឥណ្ឌា សម្ពោធព្រះគណេស និងរូបសំណាកលោក ធារូវ៉ាលលូវើរ ទស្សនវិទូឥណ្ឌា

ព័ត៌មានជាតិ៤៦ នាទី មុន

ក្រសួងអប់រំចុះពិនិត្យមណ្ឌលប្រឡងនៅទូទាំងប្រទេស ដើម្បីធានាបាននូវប្រសិទ្ធភាព សុវត្ថិភាពសម្រាប់ការប្រឡងបាក់ឌុបខាងមុខ

ជីវិតកម្សាន្ដ១ ម៉ោង មុន

សាយ សៀរ៉ា ត្អូញត្អែរចង់ឈប់ពីសិល្បៈ ខណៈការងារត្រូវគេមើលរំលង

សន្តិសុខសង្គម១ ម៉ោង មុន

ខ្សែភ្លើង​ឆក់បុរសម្នាក់​ធ្លាក់ពីលើដើមឈើ​ពេលកំពុងសង់ផ្ទះ​

ជីវិតកម្សាន្ដ១ ម៉ោង មុន

អ៊ុន សិទ្ធា ពន្លះយ៉ាងចាស់ដៃលើម្ចាស់ផលិតកម្មមួយចំនួន ខណៈស៊ីដាច់លុយតារាភេទទី៣ម្នាក់ដែលឈឺធ្ងន់រហូតស្លាប់

Sokha Hotels

ព័ត៌មានពេញនិយម