ព័ត៌មានជាតិ
ក្រសួងសាធារណការ គ្រោងអញ្ជើញសិល្បករ និងកីឡាករល្បីៗ ឲ្យចូលរួមផ្សព្វផ្សាយច្បាប់ចរាចរណ៍
លោក ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន មានប្រសាសន៍ថា ក្រសួង គ្រោងអញ្ជើញសិល្បករ និងកីឡាករល្បីៗ ប្រចាំនៅព្រះរាជាណាចក្រកម្ពុជា ឲ្យចូលរួមជួយផ្សព្វផ្សាយច្បាប់ចរាចរណ៍តាមកម្មវិធីផ្សេងៗ និងតាមបណ្តាញសង្គមដល់ប្រជាពលរដ្ឋបានយល់ដឹង ដើម្បីកាត់បន្ថយអត្រាស្លាប់ និងរបួសដោយសារគ្រោះថ្នាក់ចរាចរណ៍នេះ។
នៅក្នុងកិច្ចប្រជុំ បូកសរុបលទ្ធផលការងារសុវត្ថិភាពចរាចរណ៍ផ្លូវគោកប្រចាំឆមាសទី ១ និងលើកទិសដៅការងារឆមាសទី ២ ឆ្នាំ ២០២២ កាលពីថ្ងៃទី ១៨ ខែសីហា លោកទេសរដ្ឋមន្ត្រី ស៊ុន ចាន់ថុល បានបន្តថា «ដើម្បីកាត់បន្ថយ គ្រោះថ្នាក់ចរាចរណ៍ឲ្យបាន ៥០ភាគរយ តាមការសម្រេចរបស់អង្គការសហប្រជាជាតិ ក្រសួងមានគម្រោងអញ្ជើញសិល្បករ-សិល្បការិនី កីឡាករ-កីឡាការិនីល្បីៗ ដើម្បីជួយផ្សព្វផ្សាយក្នុងបណ្ដាញសង្គមរបស់គាត់ ពន្យល់ប្រជាពលរដ្ឋអំពីច្បាប់ចរាចរណ៍ផ្លូវគោក ដោយសារពួគាត់ជាមនុស្សមានប្រជាប្រិយ ប្រជាពលរដ្ឋស្គាល់ច្រើន។ អ៊ីចឹងពេលគាត់និយាយទៅប្រជាពលរដ្ឋស្តាប់»។
លោកទេសរដ្ឋមន្ត្រី បានបន្តទៀតថា ផ្ទុយពីក្រសួងពេលផ្សព្វផ្សាយទៅ ប្រជាពលរដ្ឋមិនសូវជាចាប់អារម្មណ៍ស្តាប់ទេ។ តែបើសិល្បករ-សិល្បការិនី កីឡាករ-កីឡាការិនីល្បីៗ និយាយនៅពេលចូលរួមកម្មវិធីផ្សេងៗ ឬតាមបណ្តាញសង្គមវិញពួកគាត់ស្តាប់ច្រើនជាង។ លោកបានបន្ថែមថា នេះជាមធ្យោបាយមួយ ក្នុងការរួមចំណែកកាត់បន្ថយអត្រាគ្រោះថ្នាក់ចរាចរណ៍នៅប្រទេសកម្ពុជា ឲ្យបានកាន់តែប្រសើរឡើងបន្ថែមទៀត ខណៈបច្ចុប្បន្នអត្រាគ្រោះថ្នាក់ចរាចរណ៍នៅមានកម្រិតខ្ពស់នៅឡើយ។
លោកទេសរដ្ឋមន្ត្រី បន្ថែមទៀតថា ក្រៅពីនេះ ក្រសួងគ្រោងនឹងស្វែងរកថវិកាពីដៃគូនានា ដើម្បីទិញស្ទីកឃ័រឲ្យបាន ១លានស្លឹកបន្ថែមទៀត ដើម្បីចុះទៅតាមភូមិបិទនៅតាមផ្ទះប្រជាពលរដ្ឋតាមជនបទដែលមានកង់ និងគោយន្ត ដើម្បីការពារឲ្យមានចំណាំងផ្លាតនៅពេលយប់។ លើសពីនេះទៀត លោកទេសរដ្ឋមន្ត្រី ក៏មានគម្រោងទិញមួកសុវត្តិភាពបន្ថែមផងដែរ សម្រាប់ផ្តល់ជូនប្រជាពលរដ្ឋ ហើយពេលចែកជួនពួកគាត់ ក្រុមការងារក៏អាចបញ្ជ្រាបចំណេះដឹង ពីច្បាប់គ្រោះថ្នាក់ចរាចរណ៍ជូនពូកគាត់ផងដែរ។
សូមជម្រាបថា គ្រោះថ្នាក់ចរាចរណ៍ក្នុងឆមាសទី ១ ឆ្នាំ ២០២២ បានថយចុះ ៥៦២លើក ស្មើចំនួន ២៦% (១៦០៩/ ២១៧១លើក) អ្នកស្លាប់បានថយចុះ ៩១នាក់ ស្មើ ៩% (៩៤២/១០៣៣នាក់) និងអ្នករបួសថយចុះ ៩៩២នាក់ ស្មើនឹង ៣១% (២២៣៥/ ៣២២៧នាក់) ធៀបនឹងគ្រោះថ្នាក់ចរាចរណ៍ក្នុងរយៈពេលដូចគ្នា ឆ្នាំ ២០១៩ ជាអំឡុងពេលដែលមិនទាន់មានជំងឺកូវីដ-១៩៕
អត្ថបទ៖ សំអឿន
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៧ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៦ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ