Connect with us

ព័ត៌មានជាតិ

ច្បាប់​ទេសចរណ៍​បញ្ជាក់​ថា អាជីវកម្ម​គ្មាន​អាជ្ញាប័ណ្ណ​អាច​រង​ពិន័យ​ដល់ ២០ លាន​រៀល

បានផុស

នៅ

កាល​ពី​ឆ្នាំ ២០០៩ រដ្ឋាភិបាល​បាន​ដាក់​ចេញ​ឲ្យ​ប្រើប្រាស់​ច្បាប់​ស្តី​ពី​ទេសចរណ៍ សម្រាប់​គ្រប់គ្រង​មណ្ឌល​កម្សាន្ត​ទេសចរណ៍​ទូទាំង​ប្រទេស។

ក្នុង​ច្បាប់​ក៏​បាន​ចែង​ពី​ការ​ផាក​ពិន័យ​លើ​អាជីវកម្ម​ដែល​ចាត់​ចូល​ក្នុង​ប្រភេទ​អាជីវកម្ម​ទេសចរណ៍ បើ​បើក​ដំណើរការ​គ្មាន​អាជ្ញាបណ្ណ​ត្រឹមត្រូវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឆាយ មុន្នី​សិលា មន្ត្រី​មន្ទីរ​ទេសចរណ៍​រាជធានី​ភ្នំពេញ ខណៈ​ចូលរួម​កម្មវិធី​ផ្សព្វផ្សាយ​ច្បាប់​ស្តី​ពី​ទេសចរណ៍ និង​យន្តការ​ផ្តល់​អាជ្ញាប័ណ្ណ​ទេសចរណ៍​ដល់​ម្ចាស់​សេវា​ទេសចរណ៍​ក្នុង​ខណ្ឌ​ច្បារអំពៅ​កាល​ពី​សប្ដាហ៍​មុន​បាន​ឲ្យ​ដឹង​ថា ច្បាប់​ទេសចរណ៍​បង្កើត​ឡើង​ក្នុង​គោលដៅ​កំណត់​វិធាន​និង​យន្តការ​គ្រប់គ្រង​វិស័យ​ទេសចរណ៍ ដើម្បី​រួមចំណែក​ការពារ​ថែរក្សា​ធនធាន​ធម្មជាតិ វប្បធម៌ ទំនៀម​ទម្លាប់​ប្រពៃណី​ជាតិ ធានា​លើកកម្ពស់​និង​​ផ្តល់​​ផល​ប្រយោជន៍​ដល់​​សេវាករ​​ក្នុង​វិស័យ​ទេសចរណ៍។

លោក​បន្ត​ថា បើ​យោង​តាម​ច្បាប់​ស្តី​ពី​ទេសចរណ៍​ដែល​ដាក់​ឲ្យ​ប្រើប្រាស់​ក្នុង​ឆ្នាំ ២០០៩ គ្មាន​បុគ្គល​ណា​អាច​ធ្វើ​អាជីវកម្ម​ទេសចរណ៍​បាន​ទេ បើ​សិន​មិនបាន​ទទួល​អាជ្ញាបណ្ណ​ទេសចរណ៍​ពី​ក្រសួងទេសចរណ៍ ឬ​រដ្ឋបាល​ថ្នាក់​ក្រោម​ជាតិ។ ច្បាប់​ស្តី​ពី​ទេសចរណ៍​តាម​មាត្រា ៦៥ បាន​បញ្ជាក់​ថា បុគ្គល​ដែល​ប្រកប​អាជីវកម្ម​ទេសចរណ៍​គ្មាន​អាជ្ញាប័ណ្ណ​ទេសចរណ៍ ត្រូវ​ទទួល​រង​ការ​ផាក​ពិន័យ​ពី ២.០០០.០០០ (ពីរ​លាន) រៀល ដល់ ២០.០០០.០០០ (ម្ភៃ​លាន) រៀល

បើ​តាម​លោក ឆាយ មុន្នីសិលា ក្រសួងទេសចរណ៍​កំពុង​ពង្រឹង​ការគ្រប់គ្រង​អាជ្ញាបណ្ណ​ទេសចរណ៍​ចាប់ពីឆ្នាំ២០១៨ គ្មាន​ទៀត​ទេ​អាជីវកម្ម​​គ្មាន​អាជ្ញាបណ្ណ​ទេសចរណ៍​នៅ​បន្ត​ដំណើរការ។ ប៉ុន្តែ​ដោយសារ​វិបត្តិ​កូវីដ​អូសបន្លាយ ទើប​មានការ​យោគយល់ខ្លះ តែ​ក្រសួង​នឹង​បន្ត​ពង្រឹងជំរុញ​ឲ្យ​អាជីវកម្ម​ទេសចរណ៍ ត្រូវ​ចុះប​ញ្ជី​​ដើម្បី​ទទួល​អាជ្ញាបណ្ណ​ដំណើរការ​សេវា​ទេសចរណ៍​។

កញ្ញា នី សៀវហ៊ុន ប្រធាន​ការិយាល័យ​ទីក្រុង​ស្អាត ទទួល​បន្ទុក​លើ​វិស័យ​ទេសចរណ៍​នៅ​អង្គភាព​ច្រកចេញ​ចូល​តែមួយ​សាលា​រាជធានី​ភ្នំពេញ​បាន​ឲ្យ​ដឹង​ថា រដ្ឋាភិបាល​បាន​ដាក់​ឲ្យ​ដំណើរការ​សេវា​រដ្ឋបាល​ ដោយ​សម្រេច​បង្កើត​ការិយាល័យ​ច្រក​ចេញ​ចូល​តែ​មួយ​ថ្នាក់​ស្រុក​ខណ្ឌ និង​រាជធានី​ខេត្ត។

ច្រក​ចេញ​ចូល​តែ​មួយ​ប្រមូល​ផ្តុំ​សេវា​រដ្ឋបាល​នានា​នៅ​កន្លែង​តែមួយ​ គ្មាន​នីតិវិធី​ស្មុគស្មាញ​ បង្ក​លក្ខណៈ​ងាយស្រួល ឆ្លើយតប​ការ​ស្នើ​សុំ​សេវា​នានា​របស់​ប្រជាពលរដ្ឋ​។

មន្រ្តី​ច្រក​ចេញ​ចូល​នៅ​សាលា​រាជធានី​ភ្នំពេញ​បាន​បញ្ជាក់ថា ប្រជាពលរដ្ឋ​អាច​មក​រក​សេវា​នៅ​ច្រក​ចេញ​តែ​មួយ​នៅ​ថ្នាក់​ស្រុក​ខណ្ឌ ឬ​រាជធានី​ខេត្ត​ទៅ​តាម​ទំហំ​អាជីវកម្ម ដើម្បី​ស្នើ​សុំ​អាជ្ញាបណ្ណ​អាជីវកម្ម​លើ​វិស័យ​ទេសចរណ៍។

កញ្ញា​បន្ត​ថា រយៈពេល​ដំណើរការ​នៃ​នីតិវិធី​ផ្តល់​លិខិត​អនុញ្ញាត​គឺ​រយៈពេល ២៨ ថ្ងៃ ដោយ​ក្រុម​ការងារ​នឹង​ពិនិត្យ​ឯកសារ និង​ចុះ​ត្រួត​ពិនិត្យ​បច្ចេកទេស​លើ​ទីតាំង​ជាក់ស្តែង មុន​ចេញ​លទ្ធផល​សម្រេច​ ឬ​ផ្តល់​លិខិត​អនុញ្ញាតិ។

បើ​យោង​តាម​ច្បាប់​ស្តី​ពី​ទេសចរណ៍ បាន​កំណត់​អាជីវកម្ម ៩ ប្រភេទ​ជា​ប្រភេទ​អាជីវកម្ម​ទេសចរណ៍​ស្រប​តាម​ប្រកាស​រួម​រវាង​ក្រសួង​ទេសចរណ៍ និង​ក្រសួង​សេដ្ឋកិច្ច​និង​ហិរញ្ញវត្ថុ។ អាជីវកម្ម​ទេសចរណ៍​ទាំង ៩ រួម​មាន​ ទីភ្នាក់ងារ​ទេសចរណ៍ សណ្ឋាគារ និង​សេវា​ស្នាក់នៅ ស្ប៉ា​និង​ម៉ាស្សា​សុខភាព សេវាកម្ម​កម្សាន្ត​ទេសចរណ៍​ មគ្គុទ្ទេសក៍​ទេសចរណ៍ កីឡា​ទេសចរណ៍ ភោជនីយដ្ឋាន​និង​អាហារដ្ឋាន​ទេសចរណ៍​ ដឹក​ជញ្ជូន​ទេសចរណ៍​ និង​រមណីយដ្ឋាន​ទេសចរណ៍៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ម៉ោង មុន

កម្មករ​នៃ​រោងចក្រ Y & W ជិត​២០០០​នាក់ បាន​បើកប្រាក់​ឈ្នួល និង​ប្រាក់​បំណាច់ ដោយ​ពេញចិត្ត និង​មាន​ជំនឿ​លើ​រាជរដ្ឋាភិបាល

ព័ត៌មានជាតិ៣ ម៉ោង មុន

ឯកអគ្គរដ្ឋទូត​សាធារណរដ្ឋ​សហភាព​មី​យ៉ាន់​ម៉ា បេ្ត​ជ្ញា​ចិត្ត​ក្នុង​ការជំរុញ​ទំនាក់ទំនង និង​កិច្ចសហប្រតិបត្តិការ​រ​វាង​មី​យ៉ាន់​ម៉ា​-​កម្ពុជា​ឱ្យ​កាន់តែ​រឹងមាំ

ព័ត៌មានអន្ដរជាតិ៦ ម៉ោង មុន

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

ព័ត៌មានជាតិ៦ ម៉ោង មុន

ស្ថានីយប្រព្រឹត្តកម្មទឹកកខ្វក់ទី ៣ នៅ​ខេត្តព្រះសីហនុដាក់សម្ពោធ​ឲ្យដំណើការជា​ផ្លូវការ

ព័ត៌មានអន្ដរជាតិ៦ ម៉ោង មុន

ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ

ព័ត៌មានជាតិ៦ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៦ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៥ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

កីឡា៣ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

Sokha Hotels

ព័ត៌មានពេញនិយម