ព័ត៌មានជាតិ
សម្ដេចតេជោ ហ៊ុន សែន ៖ ខ្ញុំឲ្យប្រុងប្រយ័ត្នខ្លាំងណាស់ ទៅលើបញ្ហាក្របខ័ណ្ឌ អត់ឲ្យរើសតែផ្ដេសផ្ដាសទេ
ប្រមុខរាជរដ្ឋាភិបាលកម្ពុជា បានអះអាងថា សម្ដេច តែងតែណែនាំជាញឹកញ៉ាប់ចំពោះការជ្រើសរើសមន្ត្រីរាជការចូលក្របខ័ណ្ឌ ដោយមិនត្រូវរើសផ្ដេសផ្ដាសនោះឡើយ។ ម្យ៉ាងវិញទៀត អ្នកដែលចង់ចូលក្របខ័ណ្ឌរដ្ឋ ត្រូវមានការប្រឡងចូលឲ្យច្បាស់លាស់។
នៅក្នុងពិធីប្រគល់សញ្ញាបត្រ ជូននិស្សិតជ័យលាភីរបស់សាកលវិទ្យាល័យអាស៊ី-អឺរ៉ុប ប្រមាណ ៣,០៧៥នាក់ នៅព្រឹកថ្ងៃទី ២៣ ខែសីហានេះ សម្ដេចតេជោ ហ៊ុន សែន បានលើកឡើងអំពីវិបត្តិសេដ្ឋកិច្ច ដែលកើតឡើងនៅប្រទេសស្រីលង្កា ដោយសម្ដេចទទួលព័ត៌មានថា ប្រទេសមួយនេះ មានបុគ្គលិកទទួលប្រាក់បៀវត្សរហូត ១លាន ៥សែននាក់។ ប្រសិនជាដូច្នេះមែន ប្រទេសស្រីលង្កា រកប្រាក់គ្រាន់តែសម្រាប់បើកប្រាក់ខែជូនមន្ត្រីរដ្ឋការ មិនគ្រប់គ្រាន់ផង។
សម្ដេចតេជោ ហ៊ុន សែន បានថ្លែងបន្តថា «ខ្ញុំមិនដឹងថា រឿងហ្នឹងពិត ឬមិនពិត ខ្ញុំនឹងផ្ដល់ឲ្យគេស្រាវជ្រាវបន្តិចមើល បើយ៉ាងដូច្នេះមែន គឺងាប់ហើយ ស្រុកយើងអត់ហ៊ានផងប៉ុណ្ណឹងទេៗ ស្រីលង្កា ប្រជាជនក៏មិនច្រើនពេកនោះដែរ បើសិនជាស្រីលង្កាមានមន្ត្រីធ្វើការស៊ីប្រាក់ខែ រហូតដល់ ១លាន ៥សែន គឺវិបត្តិផ្ដើមចេញពីអាកន្លែងហ្នឹងតែម្ដង»។
ដោយឡែកសម្រាប់កម្ពុជាវិញ សម្ដេចតេជោ ហ៊ុន សែន បានអះអាងថា សម្ដេច បានណែនាំឲ្យមានការប្រុងប្រយ័ត្នខ្លាំងណាស់ នៅក្នុងការជ្រើសរើសមន្ត្រីរាជការចូលក្របខ័ណ្ឌ ដោយមិនត្រូវរើសផ្ដេសផ្ដាសនោះទេ។ បើតាមសម្ដេចតេជោ ហ៊ុន សែន អ្នកដែលចង់ចូលក្របខ័ណ្ឌរដ្ឋ ត្រូវមានការប្រឡងចូលឲ្យច្បាស់លាស់ ហើយត្រូវជ្រើសរើសអ្នកដែលមានសមត្ថភាព។
ប្រមុខរាជរដ្ឋាភិបាល បានថ្លែងយ៉ាងដូច្នេះថា «ខ្ញុំករុណា ខ្ញុំឲ្យប្រុងប្រយ័ត្នខ្លាំងណាស់ ទៅលើបញ្ហាក្របខ័ណ្ឌ អត់ឲ្យរើសតែផ្ដេសផ្ដាសទេ កន្លងទៅជួនកាលតម្រឹមថា អ្នកឯងចូលនិវត្តន៍ ១០នាក់ ឲ្យរើសវិញ ១០នាក់ ប៉ុន្តែស្ថាប័នខ្លះចូលនិវត្តន៍ ១០នាក់ ឲ្យរើសតែ ៥នាក់ ឬ ៣នាក់ប៉ុណ្ណោះ ដើម្បីសម្រួលបន្ទុកចំណាយបុគ្គលិកៗ ចឹងទេមិនមែនអ្នកណា ក៏ចេះតែខិតខំដើម្បីសម្រុកចូលទៅយកក្របខ័ណ្ឌរដ្ឋ អត់ទេ ត្រូវប្រឡងឲ្យបានច្បាស់លាស់ ហើយតម្រូវសម្រិតសម្រាំងយកអ្នកពូកែៗ ហើយមិនអាចចេះច្បោលៗ ហើយទទួលយកក្របខ័ណ្ឌ»៕
អត្ថបទ៖ ឃួន សុភ័ក្រ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល