ព័ត៌មានជាតិ
ឧកញ៉ា សួរ វីរៈ ប្រតិកម្មអ្នកដែលចោលសំរាមនៅតំបន់រមណីយដ្ឋានគិរីរម្យ
«សូមបងប្អូនដែលមកកម្សាន្តគិរីរម្យ ត្រង់ចំណុច ជ្រោះសុភមង្គល សរសរស្តុក មេត្តាយោគយល់នាំយកសំរាមផ្ទាល់ខ្លួន យកទៅដាក់តាមទីតាំងសំរាមដែលបានកំណត់ដោយអនុគ្រោះ»។ នេះគឺជាការលើកឡើងរបស់លោកឧកញ៉ា សួរ វីរៈ អគ្គនាយកក្រុមហ៊ុនដឹកជញ្ជូន វីរៈ ប៊ុនថាំ នៅរសៀលថ្ងៃទី ២៤ ខែសីហា។
អ្នកជំនួញវ័យក្មេង គ្រប់គ្រងអាជីវកម្មក្រុមហ៊ុនដឹកជញ្ជូន វីរៈ ប៊ុនថាំ បានសរសេរនៅលើហ្វេសប៊ុកផ្លូវការរបស់ខ្លួនដូច្នេះថា« ខ្ញុំបាទ ពុំមានចេតនាហាមឃាត់ការចូលលេងកម្សាន្ត ឬបោះតង់ស្នាក់នៅនោះឡើយ តែខ្ញុំនឹងមានគោលការណ៍អនុញ្ញាតឲ្យចូលបាន តែពេលចេញមកវិញ តម្រូវឲ្យនាំយកសំរាមផ្ទាល់ខ្លួនមកវិញ ទើបអាចចេញបាន ដោយមិនគិតកម្រៃឡើយ»។
លោកឧកញ៉ាបន្ថែមថា ដោយសង្កេតឃើញចាប់តាំងពីលោកបានកសាងផ្លូវ 6km ចូលដល់ទីតាំងកម្សាន្តមក ប្រជាពលរដ្ឋជាច្រើនតែងតែចូលកម្សាន្ត ខ្លះបោះតង់ស្នាក់នៅ ហើយចោលសំរាមគ្រប់ទិសទី ដែលពិបាកសម្រាប់ក្រុមការងារក្នុងការសម្អាត ដូច្នេះសង្ឃឹមថា បងប្អូនមេត្តាយោគយល់ និងចូលរួមការពារសម្អាតបរិស្ថានទាំងអស់គ្នា ដើម្បអនាម័យ និងបរិស្ថាន។
លោកឧកញ៉ា សួរ វីរៈ បានប្រាប់ កម្ពុជាថ្មី នៅរសៀលនេះថា លោកមានគម្រោងវិនិយោគអភិវឌ្ឍរមណីយដ្ឋានគិរីរម្យនេះ ឱ្យទៅជាតំបន់ទាក់ទាញទេសចរបន្ថែមទៀត ដោយមានទាំងរីសត លំដាប់ផ្កាយ២ រហូតដល់ផ្កាយ៥ និងការស្ថាបនាផ្លូវ ដើម្បីងាយស្រូលដល់បងប្អូនប្រជាពលរដ្ឋចូលទៅលេងកម្សាន្ត ដោយមិនមានការហាមឃាត់នោះទេ។ លោកបន្ថែមថា បច្ចុប្បន្នគឺបាននិងកំពុងព្យាយាមតបណ្ដាញទឹក ដើម្បីងាយស្រួលដល់អ្នកទៅលេងកម្សាន្តនៅទីនោះមានទឹកប្រើប្រាស់ផងដែរ៕
អត្ថបទ៖ សុខុម
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»