ព័ត៌មានជាតិ
ក្រុមប្រឹក្សាជាតិប្រាក់ឈ្នួល នឹងបើកកិច្ចប្រជុំកំណត់ប្រាក់ឈ្នួលកម្មករឆ្នាំ២០២៣ នៅរសៀលថ្ងៃស្អែក
ក្រុមប្រឹក្សាជាតិប្រាក់ឈ្នួលអប្បបរមា នឹងបន្តបើកកិច្ចប្រជុំពិភាក្សាអំពីប្រាក់ឈ្នួលអប្បបរមា ជូនកម្មករនិយោជិតក្នុងវិស័យវាយនភណ្ឌ កាត់ដេរ ផលិតស្បែកជើង និងផលិតផលិតផលធ្វើដំណើរ និងកាបូប សម្រាប់ឆ្នាំ២០២៣ ចាប់ផ្តើមវេលាម៉ោង ២:៣០នាទីរសៀល ថ្ងៃទី៣១ខែសីហាឆ្នាំ២០២៣នៅទីស្តីការក្រសួងការងារ។
សម្រាប់ឆ្នាំ២០២២នេះ ជាលើកទី៣ហើយដែលក្រុមប្រឹក្សាជាតិប្រាក់ឈ្នួលបានជួបប្រជុំគ្នា ខណៈលើកទី១ធ្វើនៅព្រឹកថ្ងៃទី១៥ ខែសីហា និងលើកទី២ ធ្វើនៅថ្ងៃទី២៤ ខែសីហា។ ប៉ុន្តែកិច្ចប្រជុំទាំង២លើកនេះ ភាគីនីមួយៗ នៅមិនទាន់បង្ហាញពីតួលេខប្រាក់ឈ្នួលនៅក្នុងកិច្ចប្រជុំពិភក្សានៅឡើយទេ។ លោក ហេង សួរ ប្រធានលេខាធិការដ្ឋានក្រុមប្រឹក្សាជាតិប្រាក់ឈ្នួលអប្បបរមាបានមានប្រសាសន៍ថា ការសម្រេចបានតួលេខប្រាក់ឈ្មួលកម្មករសម្រាប់ឆ្នាំ២០២៣នេះយឺត ឬលឿននោះ វាអាស្រ័យទៅលើភាគីនិយោជកនិងភាគីកម្មករនិយោជិតដែលមានការយល់យោគ និងអធ្យាស្រ័យគ្នាទៅវិញទៅមក។
លោកបានបន្តថា ភាគីរាជរដ្ឋាភិបាល គ្រាន់ជាអ្នកសម្រួលសម្រួល និងដាក់តួលេខមួយជាបន្ទាត់សម្រាប់ឱ្យភាគីទាំងពីរពិចារណាប៉ុណ្ណោះ។ លោកបានបន្ថែមថា ប្រសិនបើភាគីនិយោជក និងភាគីកម្មករនិយោជិត មានការអាធ្យាស្រ័យគ្នាទៅវិញទៅមក ពិសេស ការប្រជុំនៅថ្ងៃទី៣១ ខែសីហានេះ មានវឌ្ឍនភាព កិច្ចប្រជុំអាចនឹងបញ្ចប់មុនថ្ងៃទី២២ ឬ ២៣ ខែកញ្ញាខាងមុខ។ បើតាមលោក ហេង សួរ កិច្ចប្រជុំនៅសល់៥លើកទៀត គឺនៅថ្ងៃទី៣១ ខែសីហា,ទី៧,ទី១៤,ទី២២ និងទី២៣ ខែកញ្ញា ឆ្នាំ២០២២។
លោកហេង សួរ បានបញ្ជាក់ថា កិច្ចប្រជុំប្រាក់ឈ្មួលនេះ អាស្រ័យទៅលើលក្ខណៈវិនិច្ឆ័យទាំង៧ដែលជាធាតុចូលដ៏សំខាន់ក្នុងការចរចាដូចជាទៅលើបម្រែបម្រួលលក្ខណវិនិច្ឆ័យបែបសង្គម ដូចជា ស្ថានភាពគ្រួសារអត្រាអតិផរណា និងការចំណាយក្នុងការរស់នៅ និងលក្ខណវិនិច្ឆ័យបែបសេដ្ឋកិច្ចរួមមាន ផលិតភាពភាពប្រកួតប្រជែងរបស់ប្រទេស ស្ថានភាពទីផ្សារការងារ និងកម្រិតចំណេញរបស់វិស័យ។ គួរបញ្ជាក់ថាប្រាក់ឈ្មួលកម្មករនិយោជិតសម្រាប់ឆ្នាំ២០២២នេះ ទទួលបាន១៩៤ដុល្លារអាមេរិក ក្នុង១ខែដោយមិនគិតប្រាក់អត្ថប្រយោជន៍ផ្សេងៗទៀតនោះទេ៕
ដោយ៖ សំអឿន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១០ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)