ព័ត៌មានជាតិ
សម្ដេចតេជោ ៖ រដ្ឋកំពុងសិក្សាបង្កើតតំបន់ល្វាឯម ឲ្យទៅជាក្រុងថ្មីមួយ តែចំណុះឲ្យខេត្តកណ្ដាលដដែល
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបង្ហើបឲ្យដឹងថា រាជរដ្ឋាភិបាល កំពុងសិក្សានៅតំបន់ល្វាឯម នៃស្រុកល្វាឯម ខេត្តកណ្ដាល ដើម្បីបង្កើតជាក្រុងថ្មីមួយ តែចំណុះឲ្យខេត្តកណ្ដាលដដែល។
នៅក្នុងពិធីបើកការដ្ឋានសាងសង់ស្ពានអាកាស ក្នុងរាជធានីភ្នំពេញចំនួន ២បន្ថែមទៀត នាព្រឹកថ្ងៃទី ៣១ ខែសីហានេះ សម្ដេចតេជោ ហ៊ុន សែន បានថ្លែងថា កន្លងទៅ សម្ដេចបានណែនាំឲ្យមន្ត្រីជំនាញសិក្សានៅតំបន់ល្វាឯម ដើម្បីបង្កើតឲ្យទៅជាក្រុងថ្មីមួយ ហើយចំណុះឲ្យខេត្តកណ្ដាលដដែល មិនមែនបញ្ចូលមករាជធានីភ្នំពេញ ទៀតនោះទេ។
សម្ដេចតេជោ ហ៊ុន សែន មានប្រសាសន៍ថា «កន្លងទៅឲ្យសិក្សាបង្កើតតំបន់ល្វាឯម ឲ្យទៅជាក្រុងល្វាឯម កំពុងតែសិក្សា ក៏ប៉ុន្តែខ្ញុំបានបញ្ជាក់ជាមួយសម្ដេចក្រឡាហោម ស ខេង ឲ្យបានច្បាស់ថា អត់ទេ លើកនេះមិនមែនសិក្សាហើយ ភ្ជាប់ឲ្យភ្នំពេញទេ លើកនេះសិក្សារួចហើយ ត្រូវប្រគល់ បង្កើតក្រុង តែក្រុងចំណុះឲ្យខេត្តកណ្ដាល អត់មានថែមឲ្យភ្នំពេញថែមទៀតទេ សុំទោស ទុកឲ្យកណ្ដាលគេមានពន្ធអាករអីរបស់គេផង ចឹងឲ្យតែដីណារីកចម្រើនគឺប្រគល់ឲ្យភ្នំពេញអស់ កណ្ដាលគ្នាចេះតែថយៗៗ»។
សម្ដេចតេជោនាយករដ្ឋមន្ត្រី ក៏បានឲ្យដឹងដែរថា មានបុគ្គលខ្លះ បានលើកសំណូមពរថា នៅពេលបង្កើតទីក្រុងថ្មីនៅល្វាឯម បុគ្គលនោះស្នើសុំធ្វើជាអភិបាលក្រុងនៅទីនោះ តែសម្ដេចថា មិនធ្វើដូច្នេះទេ ដោយលើកឡើងថា «មានអ្នកខ្លះ បែរជាលើកសំណូមពរ ខ្ញុំដឹង សំណូមពរថា បើបង្កើតទីក្រុងថ្មីនៅឯល្វាឯម គេសុំទៅធ្វើអភិបាលក្រុងនៅទីហ្នឹង អត់ទេ ដោយសារតែរឿងហ្នឹងហើយ ប្រាប់គ្នាឲ្យហើយម៉ង អត់ទេ ចៅហ្វាយស្រុកល្វាឯមរាល់ថ្ងៃ ក្លាយទៅជាចៅហ្វាយក្រុងតែម្ដងទៅ….ឧបមាចឹងទៅ ហើយប្រសិនជាយើងកាត់តែប៉ុន្មានឃុំ មានចៅហ្វាយក្រុងល្វាឯម និងចៅហ្វាយស្រុកល្វាឯម ឬចៅហ្វាយក្រុង យើងអាចចៅហ្វាយក្រុងស្វាយជ្រុំ អីចឹងទៅ រួចដល់ទៅចៅស្រុកល្វាឯម ចឹងទៅ»៕
អត្ថបទ៖ ឃួន សុភ័ក្រ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង