ព័ត៌មានជាតិ

គ្រឿងឧបភោគ បរិភោគ សំលៀកបំពាក់ និងថវិកា១លានរៀលរបស់សម្តេចតេជោ បានប្រគល់ជូនលោកយាយអាយុ៩០ឆ្នាំ ដែលមានជំងឺ ដើរមិនរួចនិងពិការភ្នែក

បានផុស

៤ years មុន

នៅ

ថ្ងៃសុក្រ ៩ កញ្ញា ២០២២

ដោយ

ភ្នំពេញ ៖ បន្ទាប់ពីទទួលបានការចាត់តាំងពី លោកឃួង ស្រេង អភិបាល នៃគណៈអភិបាលរាជធានីភ្នំពេញ នៅថ្ងៃទី៩ ខែកញ្ញា ឆ្នាំ២០២២នេះ លោក ម៉េត មាសភក្តី អ្នកនាំពាក្យរដ្ឋបាលរាជធានីភ្នំពេញ បាននាំយកគ្រឿងឧបភោគបរិភោគ សម្ភារៈប្រើប្រាស់ និងថវិកាមួយចំនួនរបស់សម្តេចតេជោនាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត តាមរយៈ លោកអភិបាលរាជធានីភ្នំពេញ ប្រគល់ជូនលោកយាយ យឹម យ៉ន ព្រះជន្ម ៩០ឆ្នាំ មានជីវភាពក្រីក្រលំបាក កំពុងមានជំងឺប្រចាំកាយដើរមិនរួច និងពិការភ្នែក រស់នៅភូមិបាក់ខែង សង្កាត់ព្រែកលៀប ខណ្ឌជ្រោយចង្វារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយនឹងការផ្តាំផ្ញើសួរសុខទុក្ខពីថ្នាក់ដឹកនាំ លោក ម៉េត មាសភក្តី បានប្រគល់ជូនលោកយាយនូវ សម្ភារៈ និងថវិការួមមាន ១. អង្ករចំនួន ១០០គីឡូក្រាម មី៥កេសតូច ទឹកសុទ្ធ ៥កេស ទឹកត្រី ៣យួរ ទឹកស៊ីអ៊ីវ ៣យួរ ត្រីខ ៥យួរ ប្រេងឆា ៥ដប ភួយធំ១ មុង១ អាវរងារ១ ក្រមា១ និង ថវិកា១លានរៀល ។

បន្ថែមពីនេះ លោក ម៉េត មាសភក្តី ក៏បានបញ្ជាក់ជូនលោកយាយថា លោកឃួង ស្រេង អភិបាលរាជធានីភ្នំពេញនឹងធ្វើការឧបត្ថម្ភអង្ករជារៀងរាល់ខែជូនលោកយាយមិនអោយបារម្ភពីការដាច់ស្បៀងអាហារឡើយ។

លោកយាយ យឹម យ៉ន បានសំដែងសេចក្តីត្រេកអរយ៉ាងខ្លាំងពោរពេញដោយក្តីសង្ឃឹមជាមួយនឹងទឹកចិត្តសន្ដោសប្រណីគាំពារពីប្រមុខថ្នាក់ដឹកនាំ តាមរយៈលោកអភិបាលរាជធានីភ្នំពេញនេះ៕

ដោយ ៖ ស្រីរ័ត្ន