លោក ស សុខា តំណាងសម្តេចក្រឡាហោម ​នាំយកអំណោយចែកពលរដ្ឋក្រីក្រ ៥០០គ្រួសារ

បាត់ដំបង÷ ប្រជាពលរដ្ឋក្រីក្រមកពីឃុំជ្រៃ ស្រុកមោងឫស្សីចំនួន ៥០០គ្រួសារ ទទួលបានអំណោយពី​សម្តេចក្រឡាហោម ស ខេង ដែលមានលោក ស សុខា ជាតំណាងដ៏ខ្ពង់ខ្ពស់ ដើម្បីជួយសម្រួលជីវភាពគ្រួសារ បើទោះបីមិនបានតាមតម្រូវការ ក៏ដោយចុះ ក៏បានសម្រួលជីវភាពបានមួយរយះផងដែរ ជាពិសេសក្នុងបរិបទកូវីត ១៩ ។

ការនាំយកអំណោយទៅចែកជូនដល់ប្រជាពលរដ្ឋក្រីក្រទាំង៥០០គ្រួសារខាងលើនេះ ធ្វើឡើងស្របពេលដែលលោក ស សុខា  រដ្ឋលេខាធិការក្រសួងអប់រំ យុវជន និងកីឡា តំណាងដ៏ខ្ពង់ខ្ពស់សម្តេចក្រឡាហោម ស ខេង ឧបនាយករដ្ឋមន្ត្រី បានអញ្ជើញ ចូលរួមជាអធិបតីភាពក្នុងពិធីសម្ពោធដាក់ឲ្យប្រើប្រាស់ជាផ្លូវការអគារមត្តេយ្យសិក្សាជ្រៃ ១ខ្នង មាន ២បន្ទប់និងផ្លូវបេតុ អាមេ ១ខ្សែ ប្រវែង ៣៦០ម៉ែត្រ ក្នុងភូមិជ្រៃ ឃុំជ្រៃ ស្រុកមោងឫស្សី កាលពីព្រឹកថ្ងៃទី ១០ខែកញ្ញានេះ នៅក្នុងបរិវេណសាលាបឋម ជ្រៃ ក្នុងស្រុកមោងឫស្សី ខេត្តបាត់ដំបង ។

លោក ស សុខា ក៏បានថ្លែងអំណរគុណដល់បងប្អូនប្រជាពលរដ្ឋដែលតែងទុកចិត្តចំពោះការរក្សាសុខសន្តិភាព​និងការអភិវឌ្ឍន៍ពីមួយជំហ៊ានទៅមួយជំហានលើគ្រប់វិស័យតាមរយៈការដឹកនាំប្រទេសឆ្លាតវ៉ៃពីសំណាក់សម្តេចតេជោ ហ៊ុន សែន ប្រកបដោយសុខ សុវត្ថិភាព ផ្សាភ្ជាប់ជាមួយការអភិវឌ្ឍន៍ បានរីកចម្រើនលើគ្រប់វិស័យ ដែលផ្តើមចេញពីបាតដៃទទេ ក្រោយបានបញ្ចប់សង្រ្គា ម ស៊ីវិល ដោយគោលនយោបាយឈ្នះឈ្នះរបស់សម្តេចតេជោ ។

អ្នកស្រី សួន ឋាន ពលរដ្ឋក្រីក្រមួយរូប បានរៀបរាប់យ៉ាងដូច្នេះថា “សម្រាប់ខ្ញុំនិងគ្រួសារក៏ដូចជាបងប្អូន ដែលជាសាច់ញាតខ្ញុំនៅស្រុកមោងឫស្សីនេះតែងសង្កេតឃើញថាមន្ត្រីអាជ្ញាធរដែនដីរបស់គណះបក្សប្រជាជនតែងតែយកចិត្តទុកដាក់លើសុខទុក្ខចំពោះអ្នកភូមិរួមនិងគ្រួសារ សាច់ញាតខ្ញុំផង ហើយការសាងសង់ស្ថាបនាក៏មានជាបន្តបន្ទាប់ មិនថាសាលារៀនឬផ្លូវក្នុងភូមិឃុំនោះទេ“៕សៅ សារិទ្ធ