ព័ត៌មានជាតិ
មន្រ្តីជំនាញ នឹងចែកវិញ្ញាបនបត្រសម្គាល់ម្ចាស់អចលនវត្ថុជាង ៧ពាន់ក្បាលដីដល់ពលរដ្ឋរស់នៅសង្កាត់ស្ទឹងវែង
មន្រ្តីជំនាញមន្ទីររៀបចំដែនដី នគរូបនីយកម្ម និងសំណង់ខេត្តកោះកុង នឹងផ្តល់វិញ្ញាបនបត្រម្ចាស់អចលនវត្ថុចំនួន ៧.០៩៣ក្បាលដី ជូនដល់ប្រជាពលរដ្ឋរស់នៅភូមិស្ទឹងវែង សង្កាត់ស្ទឹងវែង ក្រុងខេមរភូមិន្ទ ខេត្តកោះកុង ចាប់ពីថ្ងៃស្អែកតទៅ។
លោក ញៀន វណ្ណៈ ប្រធានក្រុមទី ១ ចុះបញ្ជីដីធ្លីមានលក្ខណៈជាប្រព័ន្ធ បានឲ្យដឹងរសៀលថ្ងៃទី ១៥ ខែកញ្ញានេះថា ចាប់ពីថ្ងៃទី ១៦ ខែកញ្ញា ដល់ថ្ងៃទី ២៤ ខែកញ្ញា ឆ្នាំ ២០២២ ប្រជាពលរដ្ឋរស់នៅភូមិស្ទឹងវែង អាចមកកាន់ការិយាលរៀបចំដែនដី នគរូបនីយកម្ម សំណង់ និងភូមិបាលក្រុងខេមរភូមិន្ទ ដើម្បីទទួលវិញ្ញាបនបត្រសម្គាល់ម្ចាស់អចលនទ្រព្យវត្ថុ ដែលមានប្រមាណសរុប ៧.០៩៣ក្បាលដី ឯណោះ។
បើតាមលោក ញៀន វណ្ណៈ បន្ថែមថា ចំពោះប័ណ្ណសម្គាល់សិទ្ធិកាន់កាប់ប្រើប្រាស់ដីធ្លី ឬហៅថា បណ្ណស្លាបមាន់ ដែលចេញដោយរដ្ឋបាលសុរិយាដីកន្លងមកក្នុងតំបន់នេះ នឹងត្រូវអស់សុពលតាមផ្លូវច្បាប់ចាប់ពីថ្ងៃចែកវិញ្ញាបនបត្រសម្គាល់ម្ចាស់អចលនទ្រព្យខាងលើនេះតទៅ។
ដូច្នេះដូចតាមការជូនដំណឹង សូមម្ចាស់ក្បាលដីស្ថិតនៅក្នុងទីតាំងភូមិស្ទឹងវែង ដែលមានបណ្ណសម្គាល់សិទ្ធិកាន់កាប់ប្រើប្រាស់ដីធ្លី ឬបណ្ណសម្គាល់សិទ្ធិកាន់កាប់អចលនទ្រព្យវត្ថុកន្លងមក មេត្តាយកបណ្ណទាំងនោះ មកប្រគល់ឲ្យមន្រ្តីរដ្ឋបាលសុរិយាលដី ដើម្បីទទួលយកវិញ្ញាបនបត្រសម្គាល់ថ្មីជំនួសវិញ។ ចំពោះម្ចាស់បំណុលដែលបានទទួលបញ្ចាំ ឬដាក់ហ៊ីប៉ូតែក ពាក់ព័ន្ធនឹងក្បាលដីក្នុងតំបន់វិនិច្ឆ័យខាងលើ សូមយកបណ្ណទាំងនោះមកជូនមន្រ្តីរដ្ឋបាលសុរិយាដីធ្វើនិយ័តកម្ម ដើម្បីធានាប្រាក់របស់លោកអ្នក។
គួរជម្រាបថា ក្រៅពីការផ្តល់វិញ្ញាបនបត្រសម្គាល់អចលនាទ្រព្យវត្ថុ ដល់ពលរដ្ឋរស់នៅភូមិស្ទឹងវែងរួចរាល់ហើយ មន្រ្តីជំនាញ គ្រោងនឹងចែកជូនដល់ពលរដ្ឋរស់នៅភូមិ ១ សង្កាត់ស្មាច់មានជ័យ នាពេលឆាប់ៗខាងមុខដែរ។
ជាក់ស្តែងការផ្តល់នេះដែរ យោងតាមអនុក្រឹត្យលេខ ៤៦ អនក្រ.បក ចុះថ្ងៃទី ៣១ ខែឧសភា ឆ្នាំ ២០០២ ស្តីពី នីតិវិធីនៃការកសាងប្លង់សុរិយោដី និងសៀវភៅគោលបញ្ជីដីធ្លី និងអនុក្រឹត្យលេខ ១២២ អនក្រ.បក ចុះថ្ងៃទី ៩ ខែមិថុនា ឆ្នាំ ២០១៦ ស្តីពីការកែសម្រួលមាត្រា ៦ មាត្រា ៧ និងមាត្រា ១១ នៃអនុក្រឹត្យលេខ ៤៦អនក្រ.បកចុះថ្ងៃទី ៣១ ខែឧសភា ឆ្នាំ ២០០២ ស្តីពី នីតិវិធីនៃការកសាងប្លង់សុរិយោដី និងសៀវភៅគោលបញ្ជីដីធ្លីក្រោមដំណើរការ នៃការចុះបញ្ជីដីធ្លីមានលក្ខណៈជាប្រព័ន្ធ របស់មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តកោះកុង៕
អត្តបទ៖ សិរីវឌ្ឍនៈ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ