ព័ត៌មានជាតិ
អតីតប្រធាន JICA ៖ កម្ពុជា ជាដៃគូយ៉ាងសំខាន់របស់ជប៉ុន ហើយមានកិច្ចសហប្រតិបត្តិការយ៉ាងច្រើន
អតីតប្រធាន JICA បានលើកឡើងថា ប្រទេសកម្ពុជា ជាដៃគូយ៉ាងសំខាន់របស់ប្រទេសជប៉ុន ហើយប្រទេសទាំងពីរមានកិច្ចសហប្រតិបត្តិការយ៉ាងច្រើន ដោយឈរលើមូលដ្ឋានយោគយល់គ្នាទៅវិញទៅមក។
ការលើកឡើងនេះ គ្រាដែលសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអនុញ្ញាតឲ្យលោកបណ្ឌិត គីតាអូកា ហ្សីនអ៊ីឈី អតីតប្រធានទីភ្នាក់ងារសហប្រតិបត្តិការអន្តរជាតិ នៃប្រទេសជប៉ុន (JICA) និងបច្ចុប្បន្នជាទីប្រឹក្សាពិសេសប្រធាន JICA ចូលជួបសម្ដែងការគួរសម នៅព្រឹកថ្ងៃទី ១៦ ខែកញ្ញា ឆ្នាំ ២០២២នេះ នាវិមានសន្តិភាព ទីស្ដីការនាយករដ្ឋមន្ត្រី។
លោកបណ្ឌិត គីតាអូកា ហ្សីនអ៊ីឈី បានគោរពសម្ដែងការដឹង និងថ្លែងអំណរគុណជូនចំពោះសម្ដេចតេជោ ដែលបានផ្ញើសារថ្លែងមរណៈទុក្ខដល់អតីតនាយករដ្ឋមន្ត្រីជប៉ុន ស៊ិនហ្សូ អាបេ។ លោកថា កម្ពុជា ជាដៃគូយ៉ាងសំខាន់របស់ជប៉ុន ហើយប្រទេសទាំងពីរមានកិច្ចសហប្រតិបត្តិការយ៉ាងច្រើន ដោយឈរលើមូលដ្ឋានយោគយល់គ្នាទៅវិញទៅមក មិត្តភាពល្អ និងជាប្រសិទ្ធភាពនៃរដ្ឋាភិបាលទាំងពីរ ធ្វើឲ្យកិច្ចសហប្រតិបត្តិការរវាងប្រទេសទាំងពីរ ទទួលបានជោគជ័យ។
ជាមួយគ្នានេះអតីតប្រធាន JICA បានគោរព និងវាយតម្លៃខ្ពស់ចំពោះការដឹកនាំជាប្រធានអាស៊ាន របស់សម្ដេចតេជោ ជាពិសេសទៅលើបញ្ហាប្រទេសមីយ៉ាន់ម៉ា។
ជាការឆ្លើយតប សម្ដេចតេជោ ហ៊ុន សែន បានជម្រាបលោកបណ្ឌិត គីតាអូកា ហ្សីនអ៊ីឈី ថា លោក ស៊ិនហ្សូ អាបេ អតីតនាយករដ្ឋមន្ត្រីជប៉ុន ជាអ្នកមានគុណរបស់កម្ពុជា និងប្រទេសទាំងពីរ ដោយបានបន្សល់ទុកនូវសមិទ្ធិផលជាច្រើននៅកម្ពុជា ក្នុងនោះរួមទាំងស្ពានគីហ្សូណា ស្ពានអ្នកលឿង ផ្លូវជាតិលេខ ១ និងផ្លូវជាតិលេខ ៥ជាដើម។
លើសពីនេះទៀត ក្រៅពីជួយកម្ពុជាលើការផ្ដល់ជំនួយ តាមរយៈរដ្ឋាភិបាលជប៉ុនហើយនោះ លោក អាបេ ក៏បានជួយកម្ពុជាកសាងសាលារៀន តាមរយៈសមាគមសភាជប៉ុន-កម្ពុជា ផងដែរ។ សម្ដេចតេជោ បានបន្ថែមថា លោក អាបេ តែងតែយកចិត្តទុកដាក់ខ្ពស់ ចំពោះការងារតំបន់ និងការងារមនុស្សធម៌ ជាដើម។
លោក អាបេ តែងតែឆ្លៀតចូលរួមកិច្ចប្រជុំជប៉ុន-មេគង្គ យ៉ាងទៀងទាត់ ទោះមានការមមារញឹកយ៉ាងណាក៏ដោយ ហើយរាល់ពេលក្នុងកិច្ចប្រជុំលោក តែងតែលើកឡើងនូវការស្នើសុំការគាំទ្រ លើបញ្ហាការចាប់ជំរិតជនជាតិជប៉ុន ដោយប្រទេស កូរ៉េខាងជើង។ សម្ដេចតេជោ បានបន្ថែមទៀតថា ការចាកចេញរបស់លោក ស៊ិនហ្សូ អាបេ គឺជាការបាត់បង់មិត្តភក្ដិម្នាក់ ដែលធ្លាប់ជួយកម្ពុជាក្នុងគ្រាលំបាក៕
អត្ថបទ៖ ឃួន សុភ័ក្រ
-
ព័ត៌មានអន្ដរជាតិ៦ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៧ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៦ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៥ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៥ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ២ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន
-
ព័ត៌មានអន្ដរជាតិ៣ ថ្ងៃ agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន