ព័ត៌មានជាតិ
បង្ក្រាបបទល្មើសនេសាទ ១១ លើក នៅស្រុក ៣ ជាប់ដែនបឹងទន្លេសាប ខេត្តបាត់ដំបង
គិតត្រឹមថ្ងៃទី ១៩ ខែកញ្ញា ឆ្នាំ ២០២២ បទល្មើសនេសាទក្នុងភូមិសាស្ត្រខេត្តបាត់ដំបង ត្រូវបង្ក្រាបបាន ១១ លើក ព្រមទាំងដកហូតសម្ភារៈ និងឧបករណ៍ខុសច្បាប់ជាច្រើន។
បើតាមខណ្ឌរដ្ឋបាលជលផល បានឲ្យដឹងថា ការចុះបង្ក្រាបនៅក្នុងស្រុកមោងឫស្សីធ្វើឡើង ៣ លើក បានចុះបង្ក្រាបលើគោលដៅចំនួន ៣ ទីតាំងផ្សេងគ្នា ដែលគោលដៅទី ១ ធ្វើឡើ នៅចំណុចខាងត្បូង ដំណាក់រទេះ ក្នុងភូមិដូនទ្រី ឃុំជ្រៃ។ គោលដៅទី ២ ចុះបង្ក្រាបត្រង់ចំណុច ខាងលិច រាំងទ្រេត និងខាងត្បូង បឹងធំ ក្នុងភូមិម៉ាណោក ឃុំតាលាស់ ស្រុកមោងឫស្សី ខេត្តបាត់ដំបង និងគោលដៅទី ៣ ធ្វើឡើងនៅចំណុច ក្រោមជាន់វ៉ា ក្នុងភូមិទួលព្រំ១ ឃុំកកោះ ស្រុក មោងឫស្សី ។
ចំណែកក្នុងស្រុកឯកភ្នំ បានបង្ក្រាបបានចំនួន ៧លើក លើទីតាំងដាច់ដោយឡែកពីគ្នា ទីតាំងទី ១បានចុះបង្ក្រាបត្រង់ចំណុច ខាងកើតអាស្តី(កន្លែងអភិរក្សជលផលអតីតឡូត៍នេសាទលេខ ២)ក្នុងឃុំកោះជីវាំង ស្រុកឯកភ្នំ។ទីតាំងទី ២ បង្ក្រាបត្រង់ ចំណុច អូរកាគី និងកោះវែង”អតីតឡូតិ៍នេ សាទលេខ ៤ ក្នុងឃុំ កោះជីវាំង ស្រុកឯកភ្នំ ។ទីតាំងទី ៣ បង្ក្រាបត្រង់ចំណុច បឹងជង្រុក និងចំណុច អូរទ្រព្យ(អតីតឡូតិ៍នេសាទលេខ៨)ក្នុង ឃុំព្រែកនរិន្ទ។ ទីតាំងទី ៤ បង្ក្រាបនៅចំណុចចែងពាក់កន្ទេល ឃុំកោះជីវាំង។ ទីតាំងទី ៥ បង្ក្រាបនៅចំណុច បឹងផ្តៅ ចុងហេវ និងចំណុច បឹងភេ(អតីតឡូនេសាទលេខ១១) ឃុំព្រៃចាស់។ ទីតាំងទី ៦ បង្ក្រាបនៅចំណុច រហាលព្រែកអង្ក្រង(អតីតឡូតិ៍នេសាទលេខ២) នៅចំណុចរហាលទ្រនំជ្រឹង អតីតឡូត៍នេសាទលេខ ៣ ក្នុងឃុំកោះជីវាំង និងទីតាំងទី ៧ បង្ក្រាបនៅចំណុច ភូមិក្រោយអាទទឹង និងអាត្រសេក អតីតឡូតិ៍នេសាទលេខ ២ ក្នុងឃុំកោះជីវាំង។ចំណែកក្នុងស្រុកសង្កែ បង្ក្រាបបាន ១ លើក នៅចំណុចវាលត្រសក់ ភូមិបាក់រទេះ ឃុំកំពង់ព្រៀង ស្រុកសង្កែ។
បើទោះបីយ៉ាងណា ប្រជានេសាទជាលក្ខណៈគ្រួសារក៏ដូចជាមហាជនបានសាទរ និងចំណាត់ការរបស់មន្ត្រីជំនាញក្នុងខែកញ្ញានេះថា មានសកម្មភាពបង្ក្រាបគួរឲ្យកត់សម្គាល់ហើយពួកគាត់សំណូមពរដល់រដ្ឋបាលខេត្ត ក៏ដូចមន្ត្រីពាក់ព័ន្ធបន្តកិច្ចប្រតិបត្តិការនេះជាបន្តទៅទៀត ដើម្បីឆ្លើយតបតាមបទបញ្ជារបស់រាជរដ្ឋាភិបាល ក៏ដូចជាតាមតម្រូវការរបស់ប្រជាពលរដ្ឋទូទាំងខេត្តផង ក្នុងគោលបំណងអភិរក្សមច្ឆាជាតិឲ្យកាន់តែមានភាពរីកចម្រើននឹងសម្បូរបែបនាថ្ងៃអនាគតសម្រាប់កូនចៅជាយុទ្ធជនជំនាន់ក្រោយ បន្តវេនក្នុងការទប់ស្កាត់បទល្មើសមួយនេះឲ្យកាន់តែរឹងមាំ និងមានប្រសិទ្ធភាព៕
អត្ថបទ៖ សៅ សារិទ្ធ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ