បាញ់ប្រហារជាច្រើនគ្រាប់ទៅលើនាយរង​ព្រហ្មទណ្ឌ​កំរិតស្រាលម្នាក់​បណ្ដាលឲស្លាប់ពេលបញ្ជូន​ទៅមន្ទីរពេទ្យ​ – Kampuchea Thmey Daily
Connect with us
Helistar Cambodia - Helicopter Charter Services

ព័ត៌មានជាតិ

បាញ់ប្រហារជាច្រើនគ្រាប់ទៅលើនាយរង​ព្រហ្មទណ្ឌ​កំរិតស្រាលម្នាក់​បណ្ដាលឲស្លាប់ពេលបញ្ជូន​ទៅមន្ទីរពេទ្យ​

Published

on

​បុរស​ម្នាក់​ដែលគេស្គាល់ថា ជា​នាយរង​នគរបាលព្រហ្មទណ្ឌកំ​រិត​ស្រាល​នៃ​ស្នងការ​នគរបាល​រាជ​ធា​នី​ភ្នំពេញ​ ត្រូវ​ខ្មាន់​កាំ​ភ្លើ​ង​បាញ់ប្រហារ​ជា​ច្រើ​ន​គ្រាប់​ បណ្តាល​ឲ្យ​រងរបួស​ធ្ងន់ ហើយ​បាន​ស្លាប់​ពេល​បញ្ជូន​ទៅដល់​មន្ទីរពេទ្យ ដោយឡែក​ជនដៃដល់​និងបក្ខពួក​បើក​រថយន្ត​គេចខ្លួនបាត់​។

ករណីបាញ់​ប្រហារ​យ៉ាងសាហាវនេះ ​បាន​កើត​ឡើង​កាលពី​វេលា​ម៉ោង​១២​និង​៤៩​នាទី​រំលង​អា​ធ្រា​ត្រ ​ឈានចូល​ថ្ងៃទី​៣០ ខែធ្នូ ឆ្នាំ​២០២០ នៅ​ចំណុច​មុខ​អាកាស​យា​ន្ត​ដ្ឋា​ន​អន្តរជាតិ​ភ្នំពេញ តាម​បណ្ដោយ​មហាវិថី​សហព័ន្ធរុស្ស៊ី ស្ថិត​ក្នុងភូមិ​ក្បាលដំរី​ទី​២ សង្កាត់​កា​កាប​ទី​២ ខណ្ឌ​ពោធិ៍​សែន​ជ័យ រាជធានីភ្នំពេញ។

សមត្ថកិច្ចបានឲ្យដឹងថា ជនរងគ្រោះមាន​ឈ្មោះ​ រ៉េត ស៊ី​នេ​ត ភេទ​ប្រុស ​អាយុ​៤០​ឆ្នាំ មុខរបរ​ជា​មន្ត្រី​នគរបាលជាតិ មាន​តួនាទីជា នាយរង​ព្រហ្មទណ្ឌ​កំរិតស្រាល នៃ​ស្នងការ​រាជធានី​ភ្នំពេញ​។

តាមការឲ្យដឹង​ពី​កន្លែង​កើ​ត​ហេតុ​ បានរៀបរាប់ថា មុនពេល​កើ​ត​ហេតុ​គេឃើ​ញ​ជនរងគ្រោះ​បើ​ក​រថយន្ត​ម៉ាក​FORD ពណ៍ ស ​ពាក់​ស្លាក​លេខ​ភ្នំពេញ​2BD 3738 ​តាម​បណ្ដោយមហាវិថី​ហស​ព័ន្ធ​រុស្ស៊ី ក្នុងទិសដៅ​ពី​កើ​តទៅ​លិច ខ​ណៈមកដល់​ចំណុច​កើ​ត​ហេតុ​ស្រាប់​តែមាន​រថយន្ត​ឡិច​ស៊ី ពណ៌​ខ្មៅ​មួយគ្រឿង បើកមក​បុក​គូទ​ពីក្រោយ បណ្តាល​ឲ្យ​រង​ការខូចខាត​បន្តិចបន្តួច​។ បន្ទាប់មក​ភាគី​ទាំង​សង​ខាង​បានចុះពីរថយន្ដម្បី​និយាយគ្នា​ ដោយ​ភាគី​ខាងជនរងគ្រោះ​​ សុំឲ្យភាគី​បង្ក​យក​រថយន្ត​ទៅ​ជួសជុល​ដើ​ម្បី​បញ្ចប់រឿង​។

​ប្រភព​ដដែល​បាន​បន្តថា ពេលកំពុងសម្រុះសម្រូលគ្នា ស្រាប់តែ​ម្ចាស់​រថយន្ត​បង្ក​ឡើ​ង​លើរថយន្ត​វិញ ហើយបក្សពួក​២​នាក់​ទៀត​ ដែលនៅក្នុងរថយន្ដបង្កនោះ​ បាន​ដក​កាំ​ភ្លើ​ង​មិន​ចាំ​ម៉ាក​ បាញ់ប្រ​ហារ​ទៅ​លើ​ជនរងគ្រោះ​ចំនួន​៩​គ្រាប់ ​បណ្តាល​ឲ្យ​ត្រូវ​ជនរងគ្រោះ​៣​គ្រាប់ ដោយត្រូវចំក្បាលមួយគ្រាប់ និង២​គ្រាប់​ទៀត​ចំ​ដើម​ទ្រូង​និង​ពោះ។ បន្ទាប់ពី​បាញ់ប្រហា​ររួច​ក្រុម​ជន​ដៃដល់​បាន​បើ​ក​រថយន្ត​គេចខ្លួន​បាត់ទៅ​។

​ក្រោយ​កើ​ត​ហេតុ​ជនរងគ្រោះ​ត្រូវបាន​រថយន្ត​សង្គ្រោះ​ដឹក​យកទៅ​សង្គ្រោះនៅមន្ទីរពេទ្យ ​តែ​ជាអកុ​សល​ជនរង​គ្រោះ​បាន​ស្លាប់​បាត់ទៅ​ហើ​យ​។

ទោះជាយ៉ាងណា សមត្ថកិច្ច​នៅមិនទាន់កំណត់មុខសញ្ញាបាននៅទេ និងកំពុង​ស្រាវជ្រាវ​តាម​ចាប់​ក្រុម​ជនដៃដល់​យកមក​ដាក់​ទោស​តាមច្បាប់ផងដែរ ចំណែក​សព​ជនរងគ្រោះសមត្ថកិច្ច បានប្រ​គល់​ជូន​ក្រុមគ្រួសារ​យកទៅ​ធ្វើបុណ្យ​តាម​ប្រពៃណី​៕

អត្ថបទ ៖ សុខុម​

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services